LUKAS 16:26 - Ombibeli Iyapuki

²⁶ Ndelenee oku na vali ombwili inene ya tulwa pokati ketu nanye, opo aveshe venya va hala okutaulukila kunye, vaha dule, naavo ve li oko vaha dule okuuya kufye.’

LUKAS 16:26 ပူးပေါင်းရင်းမြစ်များ

OMAPSALOME 49:14

Ove lifindila moshovafi ngaashi eedi mokatomeno, efyo olo omufita wavo, nongomongula otava pangelwa kovayuki, nomalupe avo otaa lika po koshovafi, aha mone mo omutumba.

OMAPSALOME 50:22

Shi didilikeni nye, hamu dimbwa Kalunga! Opo Ame ndihe mu payaule po mokuxupifa.

HESEKIEL 28:24

“Ndele movashiinda aveshe veumbo laIsrael ava ve mu dina, itamu ka kala vali omakiya neeshosholo tadi va yehameke. Ndele vo otava ka shiiva nokutya, Aame Omwene.”

MALAKIA 3:18

Opo nee nye tamu ka mona vali etongolo pokati kovayuki novadinikalunga, pokati kaau ha longele Kalunga naau ihe mu longele.

MATEUS 25:46

Ndele ava tava i mokuhandukilwa kwaalushe, ndele ovayuki omomwenyo waalushe.”

LUKAS 12:59

Ohandi ku lombwele: ku na opo to di mo fiyo wa futa okahaulapa kaxuuninwa.”

LUKAS 16:25

Ndelenee Abraham okwa tya: ‘Omona wange, dimbulukwa, ove owa pelwe ouwa woye fimbo wa li u nomwenyo ndele Lasarus owii, hano paife eshi ye ota hekelekwa omu, ndele ove to yehamekwa.

LUKAS 16:27

Ndele ye okwa tya: ‘Ohandi ku ilikana hano, tate, mu tuma keumbo latate,

JOHANNES 3:36

Ou ta itavele Omona, oye e nomwenyo waalushe; ndelenee ou iha dulika kOmona, ita ka mona omwenyo, ndelenee ehandu laKalunga otali kala kombada yaye.”

EHOLOLO 20:10

Ndele Satana ou e va pukifa okwa ekelwa mefuta lomundilo nolosulfuri, omo mu na yo oshilyani nomuxunganeki omunaipupulu, ovo tava ka hepekwa omutenya noufiku alushe fiyo alushe.

EHOLOLO 22:11

Hano ou ta longo oulunde, na longe oulunde natango, naau te linyateke, ne linyateke natango, ndelenee omuyuki na longe ouyuki natango, nomuyapuki ne liyapule vali.”

1 SAMUEL 25:36

Abigail eshi e uya kuNabal, a hanga ye a teleka oitendele meumbo laye ngaashi oitendele yohamba. Nomutima waNabal wa hafa nokwa li a kolwa unene. Onghee hano Abigail ine mu lombwela sha shinini ile shakula fiyo ongula kwa sha.