LUKAS 16:22 - Ombibeli Iyapuki

²² Ndele opa ningwa nee, ohepele ya fya, ndele oya twalwa kovaengeli mekolo laAbraham, noshipuna osha fya yo, ndele tashi pakwa.

LUKAS 16:22 ပူးပေါင်းရင်းမြစ်များ

JOB 21:13

Omafiku avo ove li melao ndele mefaukilo ohava ningine mo moshovafi.

OMAYELETUMBULO 14:32

Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno.

OMUUDIFI 8:10

Ame nda mona yo nhumbi ovahenakalunga va pakwa ndele va ya metulumuko, fimbo ovo va enda pauyuki va li ve nokudja po ponhele iyapuki ndele va dimbuwa moshilando. Nasho yo ongahoelela.

JESAJA 14:18

Eehamba adishe doilongo, adishe oda tulumukwa nefimano lado, keshe umwe meumbo laye;

JESAJA 22:16

‘Oto ningi shike apa, nolyelye u kwete apa, eshi to lihokele ombila apa, to lihokele ombila yoye pombada pokule, ndele to lihokele onhele yoye memanya?

MATEUS 18:10

“Litaleni, muha dine nande okamwe komwaava vanini; osheshi Ame ohandi mu lombwele, ovaengeli vavo vomeulu ohava tale alushe oshipala shaTate meulu.

MATEUS 24:31

ndele ta tumu ko ovaengeli vaye ve nomanghuma e neendaka dopombada, ndele tava ongele ko ovahoololwa vaye keembinga nhee, okominghulo deulu fiyo okudikwao.

MATEUS 8:11

Ndelenee Ame ohandi mu lombwele: otaku di vahapu koushilo nokouninginino, ndele tava ka lya pamwe naAbraham naIsak naJakob mouhamba womeulu;

MARKUS 8:36

Osheshi otashi kwafa shike omunhu nande ne lilikolele ounyuni aushe, ndele ta kanifa omwenyo waye?

LUKAS 12:20

Ndelenee Kalunga okwe mu lombwela: ‘Elai ove, oufiku tuu ou wonena omwenyo woye oto u kufwa, hano aishe ei we i likola otai ningi yalyelye?’

LUKAS 16:21

ndele okwa hala okulikutifa noundjaumukile ava hava u koshililo shoshipuna. Neembwa ode uya ndele oda lafa omatito aye.

JOHANNES 1:18

Kape na ou a mona Kalunga nande; Ewifa olo la kala mekolo laXe, olo le mu holola.

JOHANNES 13:23

Naumwe womovalongwa vaye, ou Jesus okwa li e mu hole, e liyaameka konhulo yaJesus fimbo ta li.

JOHANNES 21:20

Opo nee Petrus okwa punguluka ndele ta mono omulongwa ou, Jesus a li e mu hole, te mu shikula, oye ou a li e liyaameka ponhulo yaye pouvalelo, ndele a tile: “Omwene, olyelye ou te ku kengelele?”

OVAHEBERI 1:14

Ovo aveshe kave fi eemhepo dokuyakula, va tuminwa eyakulo laavo tava ka fyuulula exupifo?

OVAHEBERI 2:14

Hano ngaashi ounona va ninga ombelela nohonde, naye yo okwa kwatafana navo opanghedi tuu oyo imwe, opo a hanaune po nefyo laye ou a kala e nepangelo lefyo nokutya, Satana,

JAKOB 1:11

Osheshi etango otali piti noupyu walo ndelenee tau lembeke omwiidi, nonhemo yao tai yaumuka ko, newapalo lokutalwa kwayo tali xulu po; osho yo noshipuna otashi lembe meendjila dasho.

1 PETRUS 2:24

Oye ou a humbata Ye mwene omatimba etu molutu laye noku a londeka komushiyakano, opo tu longe ouyuki, eshi twa fya mo moulunde; Oye ou mwa velulwa koipute yaye.

EHOLOLO 14:13

Ndele nda uda ondaka ya dja meulu, tai ti: “Shanga: Ovanelao oonakufya ovo tava file mOmwene okudja nena fiyofiyo!” Heeno, Omhepo osho tai ti: “Ovo tava ka tulumukwa koudjuu wavo, osheshi oilonga yavo otai va shikula pamwe navo.”