LUKAS 16:2 - Ombibeli Iyapuki

² Ndele ye okwe mu ifana, ndele okwa tya kuye: ‘Ohandi ku udile shike hano? Valula oinima yomepangelo loye, ku na vali oku i pangela.’

LUKAS 16:2 ပူးပေါင်းရင်းမြစ်များ

OMUUDIFI 12:14

Osheshi Kalunga ota alula keshe oshilonga ketokolo, olo tali uya kombada yoinima aishe ya holekwa, iwa naii.

MATEUS 12:36

Ndelenee ohandi mu lombwele: Okeshe tuu ondjovo yongaho, ovanhu tava tumbula, ovo ve na oku i pulwa efiku letokolo.

MATEUS 20:8

“Ndele onguloshi eshi ye uya, mwene wepya lomiviinyu okwa lombwela elenga laye: ‘Ifana ovalongi ove u va fute ondjabi yavo, hovela kwaava vaxuuninwa fiyo okwaava votete.’

LUKAS 12:20

Ndelenee Kalunga okwe mu lombwela: ‘Elai ove, oufiku tuu ou wonena omwenyo woye oto u kufwa, hano aishe ei we i likola otai ningi yalyelye?’

LUKAS 12:42

Ndele Omwene okwa tya: “Olyelye hano omukeleli weumbo omudiinini nomunaendunge, Omwene waye e mu pa epangelo lovapiya vaye, e va pe eendja pefimbo lado?

LUKAS 16:1

Ndele Ye okwa lombwela ovalongwa vaye: “Okwa li ku na omulumenhu oshipuna shi nomukeleli weumbo lasho, a popiwa ta hanauna po emona lasho.

LUKAS 16:3

Opo nee omukeleli ou okwe lipulapula: ‘Ohandi ningi ngahelipi, omwene wange ngeenge ta kufa nge oukeleli? Okulima itandi ku dulu, nokweehela nda fya ohoni.

OVAROMA 14:12

Onghee hano keshe umwe womufye e na okulihokolola ye mwene kuKalunga.

1 OVAKORINTO 1:11

Osheshi ovamwatate nye, ame onde mu kundana kwaava vomeumbo laKloe, kutya nye omu neemhata mokati keni.

1 OVAKORINTO 4:2

Ndele komesho yoinima aishe omalenga otaa pulwa oudiinini.

1 OVAKORINTO 4:5

Hano inamu tokola sha manga efimbo inali fika, fimbo Omwene ine uya, ou ta holola ei ya holekwa momulaulu, nomadilongo omutima ote a holola; opo nee keshe umwe ota pewa epandulo laye kuKalunga.

2 OVAKORINTO 5:10

Osheshi ofyeni atusheni tu nokuholoka kolukalwatokolo laKristus, opo keshe tuu ou a pewe osho e shi longa molutu, ngeenge ouwa ile owii.

1 TIMOTEUS 4:14

Ino hepifa oshalinghenda i li mwoove, ei we i pewa mouxunganeki, ovakulunhu eshi ve ku tenheka omake avo.

1 TIMOTEUS 5:24

Omatimba ovanhu vamwe oku li poluhaela, notaa tetekele okupangulwa, ndele oo avamwe otae va shikula konima.

1 PETRUS 4:10

Yakulafaneni keshe tuu noshalinghenda e i pewa ngaashi omalenga mawa efilonghenda lopandjovo yaKalunga.

1 PETRUS 4:5

Shimwe ashike, ve noku ke lihepaulula kwaau a fikama nokuli, a tokole ovanamwenyo novafi.

EHOLOLO 20:12

Ndele nda mona oonakufya, vanini novanene, ve li ofika moipafi yolukalwapangelo; nomambo a nyanunwa; nembo likwao la nyanunwa, olo lomwenyo. Noonakufya ova tokolelwa ei ya shangwa momambo pailonga yavo.