LUKAS 16:13 - Ombibeli Iyapuki

¹³ Ndele kape nomukalele ta dulu okulongela oovene vavali, osheshi ota kala nokutonda umwe nokuhola mukwao, ile ta hokwa ou ndele ta dini mukwao. Kamu dulu okukalela Kalunga nemona.”

LUKAS 16:13 ပူးပေါင်းရင်းမြစ်များ

MATEUS 4:10

Jesus okwa tya kuye: “Dja po, Satana, osheshi opa shangwa: ‘Omwene Kalunga koye u noku mu twila eengolo, noye aeke u noku mu kalela.’ ”

MATEUS 6:24

“Kaku na ou ta dulu okukalela oovene vavali; osheshi ota tondo umwe, ye e hole omukwao, ile a hokwa ou ndele ta dini winya. Kamu dulu okukalela Kalunga nemona.

LUKAS 11:23

Ou ehe li pamwe naame, ye oku na ondubo naame, naau ita ongele pamwe naame, ye ota hanauna po.

LUKAS 14:26

“Ngeenge ope na ou te uya kwaame, ye ita tondo xe naina, omukainhu waye novana, novamwaina ovamati noukadona nomwenyo waye mwene nokuli, okwa nyengwa okuninga omulongwa wange.

LUKAS 16:12

Ndele ngeenge ihamu kala ovadiinini noinima yovanhu, olyelye te mu pe ei yeni vene?

LUKAS 16:9

Ame ohandi mu lombwele: “Likongeleni nemona loipupulu ookaume, olo ngeenge tali xulu po, opo ve mu tambule momaumbo aalushe.

LUKAS 9:50

Ndelenee Jesus okwa tya kuye: “Inamu shi mu shilika, osheshi ou ehe na ondubo nanye, ye okwa ama kunye.”

JAKOB 4:4

Ovanyoni vohombo nye, kamu shi shii hamba nokutya, oukaume wounyuni ou owo okutonda Kalunga? Hano ou a hala okukala kaume kounyuni, ota ningi omutondi waKalunga.

JOSUA 24:15

Ndelenee ngeenge inashi mu wapalela okulongela Omwene, lihoololeleni nena eli ou mwa hala oku mu longela, ngeenge oikalunga ooxo va longela kombada yaEufrat ile oikalunga vOvaamori medu lavo mu li. Ndelenee ame neumbo lange hatu ka longela Omwene.”