LUKAS 15:5 - Ombibeli Iyapuki

⁵ Ndele ngeenge te i mono, ote i humbata komapepe aye nokunyakukwa.

LUKAS 15:5 ပူးပေါင်းရင်းမြစ်များ

JESAJA 62:12

Ndele otava ka lukwa Oshiwana shiyapuki, Ovakulilwa vOmwene; naave Jerusalem, oto ka lukwa Omuhoololwa, oshilando sha kala itashi efiwa.

JESAJA 62:5

Osheshi ngaashi omulumenhu omunyasha ta hombola okakadona, osho yo ovamwoye otave ku hombola nongaashi omuhomboli ta hafele omuhombolwa osho yo Kalunga koye te ku hafele.

JESAJA 63:9

Momaluhepo avo aeshe okwe va nyikila oluhodi nomweengeli wokoshipala shaye okwe va xupifa. Okwe va kulila molwohole yaye nomolwolukeno laye. Ndele okwe va toola nokwe va humbata momafiku enya aeshe onale.

HESEKIEL 18:23

Ame ngeno ndi hokwe efyo lomuhenakalunga? Omwene Kalunga ta ti. Hasheshi ngeno, ye ote lialuluka keendjila daye ndele ta kala e nomwenyo?

HESEKIEL 33:11

Tya kuvo: Oshili, ngaashi Ame ndi nomwenyo, Omwene Kalunga ta ti, oshilielela, Ame ndihe nohokwe nefyo lomuhenakalunga, ndelenee omuhenakalunga ne lialuluke mondjila yaye opo a kale nomwenyo. Lialulukeni! Lialulukeni keendjila deni dii! Molwashike wa hala okufya, oove, eumbo laIsrael.

MIKA 5:4

Ndele Ye ota ka holoka ndele te va lifa meenghono dOmwene, nomounene wedina lOmwene Kalunga kaye. Ndele vo tava ka kala netulumuko, osheshi paife Ye ota ka kala munene fiyo okominghulo dedu.

MIKA 7:18

Olyelye ou e ku fa, Kalunga, ho dimi po owii, ndele to koya po omatauluko oshixupe shefyuululo loye? Ye ita handuka fiyo alushe, ndelenee Ye a hokwa ouwanghenda.

SEFANIA 3:17

Omwene Kalunga koye e li mokati koye, Ye Omuladi ha xupifa. Ye ote ku hafele nehafo. Ye ota kala nokumwena mohole yaye. Ye ote ku hafele noku ku nyakukilwa.

LUKAS 15:32

Ndele paife eshi otu nokuhafa, osheshi omumwanyoko ou okwa li a fya ndele okwa ninga vali omwenyo, okwa li a kana ndele okwa monika.’ ”

LUKAS 15:4

“Olyelye ou womunye e na eedi efele limwe ndele ta kanifa mo imwe, ita fii po ngeno odo omilongo omugoi nomugoi, ndele ta ka shikula inya ya kana fiyo te i mono?

LUKAS 15:6

Ndele ngeenge te uya keumbo, ota ifana ookaume novashiinda vaye, ndele ote va lombwele: ‘Hafeni pamwe naame, osheshi odi yange ya li ya kana onde i mona.’

LUKAS 19:9

Opo Jesus okwe mu lombwela: “Onena tuu eli eumbo eli la mona exupifo, osheshi naye yo omona waAbraham,

LUKAS 23:43

Ndele Ye okwa tya kuye: “Oshili handi ku lombwele, onena tuu eli to ka kala pamwe naame moParadisa.”

JOHANNES 15:11

Ei onde i mu lombwela, ehafo lange li kale munye, nehafo leni li kale la wanenena.

OVAEFESO 2:10

Osheshi ofye oshilonga shaye twa shitilwa muKristus Jesus oilonga iwa oyo ya longekidwa nale kuKalunga opo fye tu kale nokweenda muyo.

OVAEFESO 3:7

Ame nda ninga omuyakuli walo opashali shonghenda yaKalunga oyo nde i pewa kokulonga kweenghono daye.

1 OVATESSALONIKI 1:5

Osheshi evaengeli letu ola fika kunye haneendjovo adike, ndelenee omeenghono yo nomOmhepo Iyapuki nomeyelelo la pama, ngaashi mu shi shii, nhumbi twa li mokati keni omolweni.

2 TIMOTEUS 2:26

ndele va ninge vali eendunge, va kololokwe, va manguluke mo momwiyo waSatana, ou e va manga okulonga ehalo laye.

OVAHEBERI 12:2

omesho a taalela Jesus, omuhoveli nomuwanifi weitavelo, ou kwa li a hepekelwa momushiyakano omolwehafo e li tulikilwa, nokwa li ehe na ko nasha nomasheko, Oye a kala omutumba kolulyo lolukalwapangelo laKalunga.

1 PETRUS 1:5

ofye ava hatu amenwa keenghono daKalunga molweitavelo, tu mone exupifo eli la longekidwa li hololwe mefimbo laxuuninwa.