LUKAS 15:4 - Ombibeli Iyapuki

⁴ “Olyelye ou womunye e na eedi efele limwe ndele ta kanifa mo imwe, ita fii po ngeno odo omilongo omugoi nomugoi, ndele ta ka shikula inya ya kana fiyo te i mono?

LUKAS 15:4 ပူးပေါင်းရင်းမြစ်များ

OMAPSALOME 119:176

Ame onda puka, ngaashi odi ei ya kana, opo nee Ove konga omupiya woye, ame, osheshi oipango yoye itandi i dimbwa.

JESAJA 53:6

Fye atushe otwa pukile ngaashi eedi, twe liyukila, keshe umwe nondjila yaye mwene. Ndelenee Omwene okwa twika kombada yaye omatauluko etu atushe.

JEREMIA 33:13

Moilando yokeemhunda nomoilando yomolufilu nomoilando yokoumbuwanhu nomoshilongo shaBenjamin nomomikunda daJerusalem nomoilando yaJuda ohamu ka kala eedi tadi pitile moipafi yomuvali, Omwene osho ta ti.

JEREMIA 50:6

Ovanhu vange ova li ngaashi ongudu yeedi ya kana. Ovafita vavo ve va twala pOminghulo keemhunda di nomapuko, va elaela keemhunda nokoikulundudu, va dimbwa onhele yetulumuko lavo.

HESEKIEL 34:16

Odo da kana, ohandi ke di konga, naado da halakanifwa, Ame ohandi ke di alula ko, naado da teka, ohandi ke di manga, naado da utama, ohandi ke di pameka. Ndelenee edi da ondoka noda pama, Ame ohandi ke di komba po: Ame ohandi ke di lifa ngaashi sha wapala.

HESEKIEL 34:31

Ndele nye eedi dange, eedi doulifilo wange, nye ovanhu. Aame Kalunga keni, Omwene Kalunga ta ti.”

HESEKIEL 34:4

Nye itamu pameke edi da utama naadi tadi vele, itamu di velula, naadi da teka, itamu di mange, naadi da halakanifwa, itamu di alula naadi da kana, itamu di kongo. Ndelenee tamu di pangele moudjuu noukukutu.

HESEKIEL 34:8

Oshili, ngaashi ndi nomwenyo, Omwene Kalunga ta ti, oshilielela, eedi dange eshi da ninga oshihakanwa naashi eedi dange da ninga eendja doilyani aishe yomofuka, shaashi inapa kala nande omufita, novafita vange inava yavala eedi dange. Novafita otave lilifa voovene, ndelenee itava lifa eedi dange.

MATEUS 12:11

Ndelenee Ye okwa tya kuvo: “Olyelye ou mokati keni e nodi imwe aike, ndele tai wile moshilambo mefiku lEshabata, ite i kwata ndele te i shili mo ngeno?

LUKAS 13:15

Ndele Omwene okwe mu nyamukula, ta ti: “Omunaihelele ove, nanye yo ihamu pitifa mo ongobe ile okambulu keni moshuunda mEshabata, nye mu ke ka xwiile?

LUKAS 15:3

Ndelenee Ye okwe va lombwela efaneko eli ta ti:

LUKAS 19:10

osheshi Omona wOmunhu e uya okukonga nokuxupifa eshi sha kana.”

OVAROMA 2:1

Onghee hano, omunhu ove, uhe nelipopilo, nande u kale oove olyelye ho tokola. Osheshi mwaai ho tokola omunhu, oho litokola ove mwene, osheshi ove ou ho tokola, osho yo ho ningi.

1 PETRUS 2:25

Osheshi nale mwa li omwa kana mwa fa eedi, ndelenee paife omwa alukila kOmufita nokOmutekuli weemwenyo deni.