LUKAS 15:24 - Ombibeli Iyapuki

²⁴ osheshi omona wange ou okwa li a fya, ndele okwa nyumuka, okwa li a kana, ndele okwa monika.’ Ndele vo ova hovela okuhafa.

LUKAS 15:24 ပူးပေါင်းရင်းမြစ်များ

GENESIS 45:28

Ndele Israel okwa tya: “Sha wana! Josef, Omumwange e na omwenyo natango! Ame ohandi i ndi ke mu mone, fimbo inandi fya.”

JESAJA 35:10

Ndele ovakulilwa vOmwene otava ka alukila ko, ndele tava ka ya kuSion nokukuwilila, ve nehafo laalushe, tali ka kala kombada yomitwe davo. Ehafo nenyaku otave ke li mona, ndelenee oisho nokukema otai faduka po.

JESAJA 66:11

Opo nye mu shiive okunyama, nye mu kute komavele omahekeleko aye, nye mu shiive okunwa nye mu hekelekwe kouyadi woshinge shaye.

HESEKIEL 34:16

Odo da kana, ohandi ke di konga, naado da halakanifwa, Ame ohandi ke di alula ko, naado da teka, ohandi ke di manga, naado da utama, ohandi ke di pameka. Ndelenee edi da ondoka noda pama, Ame ohandi ke di komba po: Ame ohandi ke di lifa ngaashi sha wapala.

HESEKIEL 34:4

Nye itamu pameke edi da utama naadi tadi vele, itamu di velula, naadi da teka, itamu di mange, naadi da halakanifwa, itamu di alula naadi da kana, itamu di kongo. Ndelenee tamu di pangele moudjuu noukukutu.

MATEUS 8:22

Ndelenee Jesus okwa tya kuye: “Shikule nge, efa ovafi nava pake ovafi vavo.”

MARKUS 8:22

Ndele ove uya kuBetsaida. Ndele Ye okwa etelwa omupofi, ndele ove mu indila e mu kume.

LUKAS 10:19

Taleni, onde mu pa eenghono okulyata omayoka neendje nokupangela eenghono adishe domutondi, na kape na eshi tashi mu etele oshiponga.

LUKAS 15:23

nye mu ka tale ko onhana inya ya ondoka, i tomeni, tu lyeni fye tu hafeni,

LUKAS 15:25

“Ndelenee omona waye omukulunhu okwa hangika mepya. Hano eshi e uya a fika popepi neumbo, okwa uda mo olwiimbo noudano.

LUKAS 15:32

Ndele paife eshi otu nokuhafa, osheshi omumwanyoko ou okwa li a fya ndele okwa ninga vali omwenyo, okwa li a kana ndele okwa monika.’ ”

LUKAS 15:4

“Olyelye ou womunye e na eedi efele limwe ndele ta kanifa mo imwe, ita fii po ngeno odo omilongo omugoi nomugoi, ndele ta ka shikula inya ya kana fiyo te i mono?

LUKAS 19:10

osheshi Omona wOmunhu e uya okukonga nokuxupifa eshi sha kana.”

LUKAS 9:60

Ndele Ye okwe mu lombwela: “Efa ovafi va pake ovafi vavo, ndele ove inda u ka udife ouhamba waKalunga.”

JOHANNES 11:25

Jesus ta ti kuye: “Aame enyumuko nomwenyo; ou ta itavele nge ota kala nomwenyo, nande na hangike a fya.

JOHANNES 5:21

Osheshi ngaashi Xe ta nyumuna ovafi, ndele te va ningi vali ovanamwenyo, osho tuu nOmona yo ta ningi ovanamwenyo ava a hala.

OVAROMA 11:15

Osheshi okweekelwashi kwavo ngeenge kwa ninga ekwatakanifo lounyuni, okutambulwa kwavo oshike nee, ngeenge kaku fi okunyumuka movafi?

OVAROMA 12:15

Hafeni novahafi, lileni naava hava lili.

OVAROMA 6:11

Hano nanye yo litaleni, onye mwa fya mo moulunde, ndele omu nomwenyo okukalela Kalunga muKristus Jesus Omwene wetu.

OVAROMA 6:13

Inamu yandja oinhimbu yeni koulunde i kale oilongifo youhenouyuki, ndele liyandjeni nye vene kuKalunga ngaashi ava va nyumuka movafi, noinhimbu yeni i kale oilongifo youyuki kuKalunga.

OVAROMA 8:2

Osheshi omhango yOmhepo yomwenyo muKristus Jesus oya mangulula nge momhango youlunde noyefyo.

1 OVAKORINTO 12:26

Noshinhimbu shimwe ngeenge tashi yehama, oinhimbu ikwao otai yehama pamwe nasho; ile oshinhimbu shimwe tashi fimanekwa, oinhimbu aishe otai hafe pamwe nasho.

OVAEFESO 2:1

Ndele Kalunga okwe mu tula omwenyo onye ava mwa li mwa fila momatauluko nomomatimba eni,

OVAEFESO 2:5

okwe tu tula yo omwenyo pamwe naKristus, ofye ava twa li twa fila moulunde, okonghenda mwa xupifwa,

OVAEFESO 5:14

Onghee ta ti: “Penduka ove ou ho kofa, ndele nyumuka movafi, Kristus ote ku minikile.”

OVAKOLOSSI 2:13

Nanye ava mwa li mwa fila momatauluko nomokuhapitatanda kwombelela yeni, Oye e mu tula omwenyo pamwe naye, eshi e tu dimina po omatauluko aeshe,

1 TIMOTEUS 5:6

Ndelenee omuliefeli mouhalu oye okwa fya, nande oku nomwenyo.

JUDAS 1:12

Moivilo yeni yohole ovo omalopyolopyo ohoni vehe na ouxwenge mokulya nanye nokuxwaka. Ovo va fa oilemo ihe nomeva tai tewatewa komhepo, ovo va fa omiti dopokufu da yaumuka, dihe noiimati, ya fya luvali, va dudwa mo nomidi.

EHOLOLO 3:1

“Nomweengeli weongalo lokuSarde mu shangela: ‘Ou e kwete eemhepo heyali daKalunga neenyofi edi heyali, Oye ta ti ngaha: Oilonga yoye ondi i shii, u nedina wa fa u nomwenyo, ndelenee owa fya.