LUKAS 15:22 - Ombibeli Iyapuki

²² Ndele xe okwa lombwela ovapiya vaye: ‘Ka eteni divadiva oshikutu shinya shiwa shiwelela, mu shi mu dike, nokalinga ka dikeni komunwe waye, neenghaku keemhadi daye,

LUKAS 15:22 ပူးပေါင်းရင်းမြစ်များ

GENESIS 41:42

Opo nee Farao okwa kufa oshihakolinga meke laye ndele te shi tula meke laJosef. Ndele ye okwe mu djaleka oikutu iwa yoliina nokwe mu dika elyenge loshingoldo mofingo yaye.

ESTER 3:10

Opo nee ohamba ya xukula okalinga kayo koshihako komunwe wayo ndele ye ka pa Haman yaHammedata, Omuagag, omutondadi wOvajuda.

ESTER 8:2

Nohamba ya xukula mo okalinga kayo kokuhakifa aka ye ka kufa kuHaman, ndele ye ka pa Mordekai. Ndele Ester okwa tula po Mordekai a pangele eumbo laHaman.

OMAPSALOME 132:16

Ovapristeli vasho ohandi va djaleke exupifo, novayuki vasho nava nyakukifwe pombada.

OMAPSALOME 132:9

Ovapristeli voye nave lidike ouyuki, novakoshoki voye nava nyakukwe.

OMAPSALOME 18:33

nota pameke eemhadi dange ngaashi oholongo, ndele ta kaleke nge koikulundudu.

OMAPSALOME 45:13

Okakadona kohamba, aka ke li meni leumbo, kawa muko vene, momudjalo wako omo mwa tungilwa oingoldo;

EIMBILOELELA 7:1

Eemhadi doye oda wapala meenghaku, omona ove okakadona kohamba! Eenhumba deenho doye da wapala ngaashi oulenga vomofingo, oshilonga shomake omunongo.

JESAJA 61:10

Ame ohandi hafele mOmwene unene, omwenyo wange otau nyakukilwa muKalunga kange, osheshi Ye okwa dika nge oshikutu shexupifo, nokwa uvika nge nelwakani louyuki ngaashi omuhomboli ou ta humbata embale loshivilo, ngaashi omupristeli nongaashi omuhombolwa ou te liwapeke noumanyawapeko.

LUKAS 15:21

Ndele omona okwe mu lombwela: ‘Tate, onda nyona keulu nokwoove, ame inandi wana vali okwiifanwa omona woye.’

LUKAS 15:23

nye mu ka tale ko onhana inya ya ondoka, i tomeni, tu lyeni fye tu hafeni,

OVAROMA 13:14

Ndelenee djaleni Omwene Jesus Kristus, nombelela yeni inamu i yakulila okahalu.

OVAROMA 3:22

nokutya, ouyuki waKalunga owomeitavelo laJesus Kristus otau uya mwaaveshe nokwaaveshe ava hava itavele, osheshi kaku na nande etongolo.

OVAROMA 8:15

Osheshi nye inamu pewa omhepo youpika mu kale vali moumbada, ndelenee omwa pewa Omhepo mwaau hatu ifana: “Abba! Tate!”

OVAGALATI 3:27

Osheshi amushe ava mwa shashelwa muKristus, omwa djalekwa Kristus.

OVAEFESO 6:15

nelilongekeko tali di mevaengeli lombili li ninge eenghaku keemhadi deni.

DEUTERONOMION 33:25

Oidilifo yoye oyo oshivela oshikushu, neenghono doye di fike pomafiku oye.”

EHOLOLO 19:8

nokwa pewa a djale oikutu yoliina itoka ya vilima noya yela.” Oikutu oyo yoliina oyo ouyuki wovayapuki.

EHOLOLO 2:17

“ ‘Ou e nokutwi, na ude eshi Omhepo tai shi lombwele omaongalo. Omufindani ohandi mu pe a lye omanna a holekwa, ndele handi mu pe emanya litoka, nomemanya omo edina lipe la shangelwa mo, ndele itali shiivika nande okomunhu, kakele kaau aeke te li tambula.’

EHOLOLO 3:18

Ohandi ku pe eendunge, u lande kwaame oshingoldo sha yelifwa momundilo, u punapale, noikutu yoye itoka u i djale, opo ohoni youhamunghele woye iha monike, omaadi omesho, u vaeke omesho oye u mone ko.

EHOLOLO 6:11

Ndele keshe umwe womuvo okwa pewa oshikutu shile shitoka, ndele va lombwelwa va teelele nombili okafimbo kanini, fiyo omuvalu wovapiya vakwao nowovamwaxe tau wana, ava tava ka dipawa yo ngaashi vo.

EHOLOLO 7:9

Konima yoinima ei onda mona, ndele tala, ongudu inene ya nyengana okuvalwa yomoiwana aishe nomomaludi aeshe novomovanhu aveshe novomomalaka aeshe; vo ova li ofika va taalela olukalwapangelo nOdjona, va djalekwa oikutu itoka to, ndele va li ve kwete oivale yomilunga momake avo.