“ ‘Ame onda li nda diladila: “Akutu, onda hala oku ku nangeka mokati koludalo lange, ndi ku pe edu liwa linyenye li ninge efyuululo la wapala, li dule oilongo aishe mokati koiwana aishe.” Ndele onda diladila yo: “Oto kala nokwiifana nge: Tate! Ndele ito ka efa okushikula nge.”
Efraim ke shi omumwange omuholike nokaana kehafo lange? Nomomafimbo oku mu hanyena kwange ohandi mu yo alushe. Omwenyo wange owe mu tukulukila ndele u mu uditile onghenda. Ame ondi noku mu fila onghenda, Omwene osho ta ti.
Ndele eshi kwa tiwa, oshifidi shomuti nashi fyaale mo medu, otashi ti, ouhamba woye to u tuvikililwa, ndele to u peululwa, ngeenge wa shiiva, kutya eulu li neenghonopangelo.
Ndele omufendelifi okwa kala ofika kokule, ye ina hala okuyelula omesho keulu, okwe lidenga ponhulo yaye ndele ta ti: ‘Kalunga, file nge onghenda, aame omulunde.’