LUKAS 15:17 - Ombibeli Iyapuki

¹⁷ Opo nee e lialuluka, ndele ta ti: ‘Ovapiya vatate vahapu ve fike peni ve noikulya ya wana, ndele ame ohandi fi ondjala.

LUKAS 15:17 ပူးပေါင်းရင်းမြစ်များ

OMAPSALOME 119:59

Ohandi shipununa eendjila dange, nohandi yukifa eenghatu dange komalongo oye.

OMAPSALOME 73:20

Otava pu po ngaashi ondjodi tai vilavila momunhu mokupenduka kwaye; oto kanifa efano lavo mokupenduka.

OMUUDIFI 9:3

Mwaaishe tai ningwa koshi yetango omu noshinima inashi yuka nokutya, oshipewa shimwe ashike tashi hange aveshe, nomutima yo wovana vovanhu u yadi owii, noulai hau kala momitima davo mokukalamwenyo kwavo. Ndele konima yaashi otaku iwa koonakufya!

JEREMIA 31:19

Osheshi ame eshi nde lyaaluluka nde lipa oushima, naashi nde lidimbulukwa, nhumbi ndi li, ohandi lidenge komatundji. Heeno ame onda fya ohoni, ndi udite ohoni shili, osheshi onda humbata oulai wounyasha wange.’

OMAIMBILOKEMO 1:7

Pomafiku oupongo washo nomowike washo Jerusalem otashi dimbulukwa oupuna washo aushe, ou sha li shi kwete okudja kefimbo lonalenale. Ovanhu vasho eshi ve liyandja momake ovatondi vavo, ove shi tala tave shi yolo molwomupya washo.

HESEKIEL 18:28

Ye e shi koneka ndele okwe lialuluka komatauluko aye aeshe, a ninga. Ye ota ka kala shili e nomwenyo, ye ita ka fya.

HOSEA 2:7

Ndele ye ota ka lambalala ovaholike vaye, ndelenee ye ite va hange ko. Ndele ye ote va kongo, ndele ite va mono. Opo nee ye ota ka tya: “Ame nda hala okwaalukila komulumenhu wange wonale, osheshi okukala kwange kwomafiku enya kwa li ku dule kwopaife.”

LUKAS 15:16

Ndele okwa hala okukutifa edimo laye nomahakashala omakunde aa haa liwa koingulu, ndele ine a pewa nande okomunhu.

LUKAS 16:23

Ndele mokukala mouyehame moshovafi, eshi sha yelula omesho asho, osha mona Abraham kokule naLasarus mekolo laye.

LUKAS 8:35

Opo ovanhu ova ya ko va ka tale eshi sha ningwa ko, ndele ove uya kuJesus, ndele ova hanga omunhu ou a dja eendemoni a djala oikutu, e neendunge, e li omutumba peemhadi daJesus, ndele vo ova haluka.

OILONGA YOVAYAPOSTOLI 12:11

Opo nee Petrus eshi a pukuluka okwa tya: “Paife onde shi shiiva shili, Omwene okwa tumina nge omweengeli waye, nokwa xupifa nge meke laHerodes nokwaaishe ei oshiwana shOvajuda she i teelela.”

OILONGA YOVAYAPOSTOLI 2:37

Ndelenee vo eshi ve di uda, ode va twa komitima, ndele ova tya kuPetrus nokovayapostoli vakwao: “Ovalumenhu nye ovamwatate, fye otu nokuninga ngahelipi!”

OVAEFESO 5:14

Onghee ta ti: “Penduka ove ou ho kofa, ndele nyumuka movafi, Kristus ote ku minikile.”