LUKAS 14:23 - Ombibeli Iyapuki

²³ Omwene okwa lombwela omupiya: ‘Inda komalila omikunda nokomangholo eengubu, ove u va kondjife shili okuuya mo, eumbo lange li yade,

LUKAS 14:23 ပူးပေါင်းရင်းမြစ်များ

OMAPSALOME 110:3

Oshiwana shoye oshe lilongekidila nehalo liwa unene, mefiku lehomono loye: momidjalowapeko diyapuki ovanyasha voye tava iluka ngaashi omume mekolo leluwa.

OMAPSALOME 98:3

Eumbo laIsrael okwe li dimbulukila ouwanghenda waye noudiinini; fiyo okeexulo adishe dounyuni oda mona oshilonga shaKalunga shexupifo.

JESAJA 11:10

Ndelenee mefiku tuu olo oiwana otai ka pula oshitutumine shomomudi waIsai, sha dikilwa oiwana aishe ngaashi epandela, monhele yetulumuko laye otai ka kala i yadi oshinge.

JESAJA 27:13

Ndele mefiku tuu olo enghuma linene otali ka shikwa, naaveshe ovo va kanena medu laAsiria naava va twalelwe kuEgipiti, otava alukile keumbo lavo, ndele tave ke linyongamena Omwene komhunda iyapuki muJerusalem.

MALAKIA 1:11

Osheshi edina lange otali kala linene mokati kovapaani kokudja kepito letango fiyo okokuningina kwalo. Ndele monhele keshe tamu twiminwa efimano ledina lange notamu etwa eyambo la koshoka. Osheshi edina lange otali kala linene mokati kovapaani, Omwene womatanga ovakwaita ta ti.

MATEUS 21:43

Onghee handi mu lombwele: Ouhamba waKalunga otau mu kufwa ndele tau pewa ovanhu, hava imike oiimati yao.

MATEUS 5:41

ndele ngeenge ku na ou te ku fininike u mu findikile shinano shimwe, mu findikila ivali.

LUKAS 14:22

Ndele omupiya okwa tya: ‘Omwene, onda wanifa eendjovo doye, ndele natango ope nonhele.’

LUKAS 14:24

osheshi ohandi mu lombwele, kape na nande umwe womovalumenhu venya va ifanenwe ta makele oitendele yange.’ ”

LUKAS 24:29

Ndelenee vo ove mu fininika va tya: “Kala pufye, onguloshi nokuli, netango otali ningine mo.” Ye okwa ya mo a kale puvo.

OILONGA YOVAYAPOSTOLI 16:15

Ndele ye eshi a shashwa pamwe novaneumbo laye aveshe, okwe tu indila ta ti: “Onye ngeenge tamu tale nge onda itavela Omwene, ileni hano meumbo lange nye mu kale mo.” Oye okwe tu fininika.

OILONGA YOVAYAPOSTOLI 18:6

Ndelenee vo eshi ve di anya nove va sheka, okwa pupula oikutu yaye, ndele te va lombwele: “Ohonde yeni nai uye kombada yomitwe deni! Ame nghi nambedi. Paife eshi handi i kovapaani.”

OILONGA YOVAYAPOSTOLI 28:28

Opo nee kaleni mu shi shii: “Exupifo eli laKalunga ola tuminwa ovapaani, ndele vo otave li udu.”

OILONGA YOVAYAPOSTOLI 9:15

Ndele Omwene okwe mu lombwela: “Inda ko, osheshi oye oshilongifo shange sha hoololwa shokuhumbatela edina lange koiwana yovapaani nokeehamba nokovana vaIsrael,

OVAROMA 10:18

Ndele ohandi pula: “Inava uda mbela? Heeno, ondaka yavo oya ya nedu alishe, neendjovo davo ofiyo okominghulo dounyuni.”

2 OVAKORINTO 5:11

Hano etilo lOmwene eshi tu li shii, ohatu kendabala okwiitavelifa ovanhu, ndelenee kuKalunga otwa shiivika nawa; ndele ondi neteelelo nokutya, nanye yo omu tu shii momaliudo eni.

2 OVAKORINTO 5:20

Ponhele yaKristus ofye hano ovatumwa, ndele Kalunga ote tu kumaidifa. Ponhele yaKristus ohatu mu ilikana: Itaveleni mu hanganifwe naKalunga.

2 OVAKORINTO 6:1

Ndelenee ofye ovalongi pamwe naye ohatu mu kumaida yo, efilonghenda laKalunga muhe li tambule oshimha,

OVAKOLOSSI 1:23

ngeenge tamu kala meitavelo, mwe likanghameka mulo, mwa pamenena mo, muha tengauke meteelelo levaengeli eli mwe li uda nola udifilwa ovashitwa aveshe vokoshi yeulu, olo tuu eli ame Paulus nda ninga omuyakuli walo.

OVAKOLOSSI 1:28

Oye hatu mu udifa nokukumaida nokulonga omunhu keshe mounongo aushe, opo tu kaleke omunhu keshe poluhaela a wana muKristus.

2 TIMOTEUS 4:2

udifa ondjovo; shi ninga mefimbo liwa nomefimbo lii; hanyena, vela ombedi, kumaida monheni nokulonga,