LUKAS 13:7 - Ombibeli Iyapuki

⁷ Ndele a lombwela omulongi wepya lomiviinyu: ‘Tala, omido nhatu nda ile okukonga oiimati momukwiyu ou, ame inandi mona mo sha. U ka po. Oshike tau kufa ashike edu eenghono?’

LUKAS 13:7 ပူးပေါင်းရင်းမြစ်များ

EXODUS 32:10

Efe nge, ehandu lange li va xwamenene naAme ohandi va mane po. Opo nee Ame ohandi ke ku ninga oshiwana shinene.”

DANIEL 4:14

Ndele ye okwa ingida mokule ndele ta ti ngaha: ‘Keni po omuti ou, teteni oitai yao, pweyeni ko omafo ao, nye mu ke lihanife oiimati yao. Oifitukuti nai tembuke momudile wao needila dokeulu moitai yao.

LEVITIKUS 19:23

“Nye ngeenge tamu fiki kedu linya ndele tamu twike omiti di lili doiimati, inamu lya oiimati yado, yo ya fa inai pita etanda kunye. Omido nhatu nai kale ya efwa, inamu i lya.

LEVITIKUS 25:21

Opo nee Ame ohandi mu nangeke noupuna momudo omutihamano, oo otau mu pe oilya tai wana omido nhatu kunye.

MATEUS 7:19

Okeshe tuu omuti ihau ima oiimati iwa, otau kewa po ndele tau ekelwa momundilo.

LUKAS 13:8

Ndelenee winya okwe mu nyamukula ta ti: ‘Omwene, u efa manga neudo, fimbo handi u helele vali, ndele handi u tutile oushosho.

LUKAS 3:9

Ndele paife ekuva ola tulwa pefina lomiti, keshe tuu omuti itau imi oiimati iwa otau kewa po ndele tau ekelwa momundilo.”

JOHANNES 15:2

Oshitai keshe shi li mwaame eshi itashi imi, Oye ote shi tete po, nakeshe tuu eshi tashi imi ote shi yeleke, shi ime shili.

JOHANNES 15:6

Ou ita kala mwaame, oye ota ekelwashi ngaashi oshitai, ndele tashi kukuta; oyo tai ongelwa ndele tai ekelwa momundilo ndele tai pile mo.