LUKAS 13:34 - Ombibeli Iyapuki

³⁴ “Jerusalem, Jerusalem, ove ou ho dipaa ovaxunganeki noho dipaa nomamanya ovo we va tuminwa, lungapi nda li nda hala okwoongela ovamwoye, ngaashi oxuxwa hai ongele ouxuxwena momavava ayo, ndele nye inamu hala.

LUKAS 13:34 ပူးပေါင်းရင်းမြစ်များ

NEHEMIA 9:26

Ndele inava dulika vo ve ku twila ondubo nova ekela omhango yoye kombuda yavo. Novaxunganeki voye ovo ve va londwela, ve va alulile kwoove, ve va dipaa ndele va ninga oinima inene yoixuna yokusheka Kalunga.

NEHEMIA 9:30

Nomido dihapu wa li u nolukeno navo ndele we va londola nOmhepo yoye nomakanya ovaxunganeki. Ndelenee vo va li inava hala okuuda. Onghee hano we va yandja momake oiwana yoilongo.

OMAPSALOME 149:2

Israel na hafele omushiti waye, ovana vaSion nava nyakukilwe ohamba yavo.

OMAPSALOME 17:8

Diinine nge ngaashi omuni yeisho loye, u holeke nge momudidimbe womavava oye,

OMAPSALOME 36:7

Kalunga, ouwanghenda woye ounyenye u fike peni! Ovana vovanhu ohava hondama momudidimbe womavava oye.

OMAPSALOME 57:1

Kalunga, file nge onghenda, file nge onghenda, osheshi kwoove omwenyo wange otau kongo ekwafo, ndele momudidimbe womavava oye onda hala okukonga eameno fiyo ehanauno la pita po.

OMAPSALOME 81:13

Akutu oshiwana shange, ngeno u ude nge, naIsrael, ngeno na alukile meendjila dange.

OMAPSALOME 91:4

Ote ku tuvike nomalwenya aye, nomomavava aye omo to hondama; oudiinini waye, owo oshikelelifo neameno.

JESAJA 30:15

Osheshi Omwene Kalunga, Omuyapuki waIsrael ota ti ngaha: “Elidilululo nelimweneno olo exupifo leni, nokulimwenenena nomokulineekela omo tamu di eenghono deni,” ndelenee nye inamu hala,

JESAJA 50:2

Omolwashike inapa kala nande umwe, eshi nde uya ko? Nande umwe a nyamukula nge, eshi nda ifana? Eke lange ola ninga mbela lixupi okukulila, ile kandi na vali eenghono okuxupifa? Tala, omeva omefuta otaa pwinine mo ketanguno lange, omilonga ohandi di shitukifa ombuwa, eeshi edi di li mo otadi olo, osheshi omeva okwa pwininina mo, ndele tadi fi enota.

JEREMIA 2:30

Ovana veni ovamati onde va dengela epwanga, osheshi inava dulika komakumaido ange. Omaongamukonda eni okwa lya ovaxunganeki ngaashi onghoshi tai li.

JEREMIA 26:23

Ndele ova eta Uria muEgipiti ndele ve mu twala kohamba Jehoiakim, nohamba oye mu dipaifa neongamukonda, noshimhu shaye osha kupulwa moshilambo shovanhu vongaho, omo hamu pakwa ovafyoona.

JEREMIA 35:14

Eendjovo daJonadab yaRekab e di lombwela ovana vaye nokutya, vaha nwe omaviinyu, ove di diinina, vo inava nwa omaviinyu fiyo onena, ndelenee ova dulika koshipango shaxekulu. Ndelenee Ame onde mu lombwela efimbo alishe, ndelenee nye inamu uda nge.

JEREMIA 35:17

Onghee hano Omwene, Kalunga komatanga ovakwaita, Kalunga kaIsrael, ota ti: “Tala, kombada yoonakukalamo muJuda nomuJerusalem ohandi tumu oiponga ei aishe nde i va lombwela; osheshi Ame onde va lombwela, ndele vo inava hala okuuda nge, ndele Ame onde va ifana, ndelenee vo inava itavela nge.”

JEREMIA 6:16

Omwene osho okwa popya: Indeni ko keendjila, nye mu tale, mu pule omalila enya oshito, a endwa nale, oo okwa li ondjila yelao, nye mu ende nayo, ndele nye otamu ka monena eemwenyo deni etulumuko. Ndelenee vo ova nyamukula: Inatu hala okweenda nado.

OMAIMBILOKEMO 1:16

Onghee hano ame ohandi lili, eisho lange, meisho lange tamu tondoka omeva, osheshi omuhekeleki wange a kala nge kokule a hekeleke nge. Ovamwange ova halakanifwa po, osheshi omutondadi a dula nge.

OMAIMBILOKEMO 4:13

Oshe va hanga omolwoulunde wovaxunganeki vasho nomolwoilonga ii yovapristeli vasho, molwaava va tilashi ohonde yovayuki meni lasho.

HOSEA 11:2

Alushe eshi va ifanwa, ova pilamena ko. Ova yambela ooBaal nova twimina oihongwafano.

HOSEA 11:7

Osheshi oshiwana shange osha loloka okwaalukila kwaame nonge tashi ifanwa shi tale pombada, kaku na ou ta fikama.

JOEL 2:23

Nanye ovana vaSion, nyakukweni, nye mu kuwilile mOmwene Kalunga keni. Osheshi ote mu pe odula yonhemuna pauyuki waye. Ote mu tumine odula yonhemuna noyokulombo.

SAKARIA 1:4

Inamu kala ngaashi ooxokulu ovo va udifilwa kovaxunganeki vonale eshi va tya: Omwene womatanga ovakwaita osho ta ti: Lidilululeni nye mu aluke keendjila deni dii nokoilonga yeni ii. Ndelenee vo inava uda noinava pwilikina nge, Omwene ta ti.

MATEUS 22:3

Ndele oya tuma ovamati vayo va ka tale ko ovashivwa ve uye koshivilo, ndele vo inava hala okuuya.

MATEUS 22:6

navakwao ova kwata ovamati vayo, ove va hepeka nove va dipaa.

LUKAS 15:28

Ndele ye okwa handuka, ye ina hala okuya mo meumbo. Xe okwe uya pondje, ndele okwe mu popifa nombili.

LUKAS 19:44

ndele tave ku ngumauna po fiyo okomikangha, novamwoye vomwoove, vo itava fii po emanya la londekwa kulikwao, osheshi ove ino koneka efimbo lekongo loye.”

LUKAS 23:28

Ndelenee Jesus okwa punguluka ndele ta ti kuvo: “Oukadona nye Ovajerusalem, inamu lila nge, lililileni nye vene, nye mu lilile ovana veni.

OILONGA YOVAYAPOSTOLI 7:52

Olyelye ou womovaxunganeki ooxo inave mu tonda? Ovo tuu va dipaa ava va xunganeka okuuya kwOmuyuki ou, nopaife nye mwa ninga ovakengeleli novadipai vaye.

OILONGA YOVAYAPOSTOLI 7:59

Ndele fimbo va kupula Stefanus nomamanya, ye okwa ilikana, ta ti: “Omwene Jesus, tambula omhepo yange.”

OILONGA YOVAYAPOSTOLI 8:1

Ndele Saulus yo okwa li a panda okudipawa kwaStefanus. Mefiku tuu olo eongalo lomuJerusalem ola hangika ketewatewo linene, naaveshe ve lihanena momikunda daJudea nodaSamaria, ovayapostoli aveke va fyaala mo.

DEUTERONOMION 32:29

Vo ngeno ovanaendunge, ngeno ve shi shiiva, vo va diladile exulilo lavo.

DEUTERONOMION 5:29

Akutu, ngeno va kale ve nomutima wa tya ngaha, va kale nokutila nge nokudiinina alushe oipango yange aishe, opo voovene novana vavo va mone elao fiyo alushe.

EHOLOLO 11:8

noimhu yavo otai ka nangala momapandavanda oshilando shinene sha ifanwa pamhepo Sodom naEgipiti, omo tuu Omwene wetu a valelwa yo.

RUT 2:12

Omwene ne ku alulile oshilonga shoye nondjabi yoye nai ninge inene shili to ke i pewa kOmwene Kalunga kaIsrael, eshi we uya okukonga eameno koshi yomavava aye.”