LUKAS 13:24 - Ombibeli Iyapuki

²⁴ “Kondjeni mu ye mo moshivelo sha finana, osheshi handi mu lombwele, vahapu tava kendabala okuya mo, ndele tava ka nyengwa.

LUKAS 13:24 ပူးပေါင်းရင်းမြစ်များ

OMAYELETUMBULO 14:6

Omusheki ta kongo ounongo, ite u mono; ndelenee omunaendunge ta mono eshiivo noupu.

OMAYELETUMBULO 21:25

Omundede ta dipawa kouhalu waye mwene, osheshi omake aye inaa hala okulonga;

OMUUDIFI 10:15

Elai olo itali shiiva okuya koshilando, osheshi la lolokifwa koupyakadi walo.

JESAJA 1:15

Ndele Ame ohandi mu fifimana nomesho ange, ngeenge tamu yelula omaoko eni; nonande mu indile omaindilo mahapu, itandi a udu: osheshi omake eni oku yadi ohonde.

HESEKIEL 33:31

Ndele vo otave uya kwoove ngaashi ovanhu tava ongala ndele tava kala omutumba moipafi yoye ngaashi ovanhu vange, ndele tava udu eendjovo doye, ndelenee ihave di wanifa. Osheshi vo ohava holola ohole yavo nokanya kavo, ndelenee omitima davo tadi shikula okulikola kwavo kwoulunde.

MATEUS 11:12

Ndelenee okomafiku aJohannes Omushashi, fiyo opaife ouhamba weulu otau tondokelwa, novahomoni tave u hakana.

LUKAS 13:23

Umwe okwe mu pula: “Omwene, ava tava xupifwa ovanini hamba?” Ye okwe va lombwela:

LUKAS 21:36

Pashukeni hano omafiku aeshe nokwiilikana, mu mone eenghono okuya onhapo ei aishe tai ka ningwa, nokukala ofika koshipala shOmona wOmunhu.”

JOHANNES 13:33

Ovamwange, okafimbo kanini natango ndi li punye. Otamu ka konga nge, ndele ngaashi nde shi lombwelele Ovajuda: Oku Ame handi i, itamu dulu okuya ko, osho handi mu lombwele yo paife.

JOHANNES 5:4

Osheshi opomafimbo amwe omweengeli wOmwene okwa londolokela metale, ndele okwa nyenganyengifa omeva. Ndele ou ta i mo tete, omeva eshi a nyenganyengifwa, ota veluka, kukeshe oudu e u kwete.

JOHANNES 6:27

Inamu lilongela eendja edi tadi xulu po, ndelenee eendja edi tadi kala fiyo okomwenyo waalushe, odedi Omona wOmunhu te di mu pe, osheshi Oye tuu ou Xe, Kalunga mwene, e mu tula oshihako shaye.”

JOHANNES 7:34

Ndele nye otamu ka kala nokukonga nge, ndele itamu mono nge, apa Ame ndi li itamu dulu okuya po.”

JOHANNES 8:21

Ndele Jesus ta ti vali kuvo: “Ame ohandi di po, ndele nye otamu kongo nge, ndele otamu ka fila momatimba eni. Oku handi i, itamu shiiva okuya ko.”

OVAROMA 10:3

osheshi inava shiiva ouyuki waKalunga, ndele va hala okudika ouyuki wavo vene, inave liyandja koshi youyuki waKalunga.

OVAKOLOSSI 1:29

Osho tuu eshi handi shi lihepekele nokukondja pakulonga kwaye oko taku longo mwaame neenghono.

OVAHEBERI 4:11

Hano tu diinineni tu fike metulumuko olo, paha kale nande umwe ta punduka nokushikula oshihopaenenwa shokuhadulika ngaashi venya.

JOSUA 7:3

Vo eshi va aluka kuJosua, ove mu hokololela: “Oshiwana ashishe itashi pumbwa okuya ko, shapu ovalumenhu omayovi avali ile omayovi atatu otava dulu okuya, ndele tava ka ta Ai. Inamu monifa omatanga aeshe ovakwaita oixuna, osheshi venya ve li ko ovanini.”

2 PETRUS 1:10

Onghee hano ovamwatate, kendabaleni shili okupameka eifano leni nokuhoololwa kweni, osheshi ngeenge tamu shi ningi, kamu na fiku limwe tamu punduka;