LUKAS 13:19 - Ombibeli Iyapuki

¹⁹ Oo wa fa ombuto yoshinapi, omunhu e i kufa ndele okwe i kuna moshikunino shaye, oya mena ndele ya kula ndee tai ningi omuti, needila dokeulu oda tunga oihadi yado moitai yao.”

LUKAS 13:19 ပူးပေါင်းရင်းမြစ်များ

EIMBILOELELA 4:12

Omumwameme, nomuvalekwa wange e li ngaashi oshikunino sha idilwa, omufima wa idilwa, nofifiya ya patwa.

EIMBILOELELA 4:16

Omhepo yokoumbangalanhu, penduka! Omhepo yokoumbuwanhu, ila, u pepele oshikunino shange, omadimba asho abalsam a tandavele. Omuholike wange ne uye moshikunino shaye na lye oiimati iwa i nondilo yomusho.

EIMBILOELELA 6:2

Omuholike wange okwa ya koshikunino shaye koimhungu yeebalsam, a ka life moikunino yaye nokutoola eenhemo domado.

EIMBILOELELA 8:13

Oonakukala moikunino, ookaume koye ohava pwilikine ondaka yoye. Itavelele nge, naame yo ndi i ude!

JESAJA 53:1

Olyelye a itavela eudifo letu, nokwooko kwOmwene okwa hololelwa lyelye?

JESAJA 53:10

Ndelenee osha wapalela Omwene oku mu nyanyaula, Ye e mu denga noudu; ngeenge ta yandje omwenyo waye u ninge etimbayambo opo nee ota ka mona oludalo, ndele ta kala e na omwenyo mule, ndele ta wanifa ehalo lOmwene.

JESAJA 58:11

Ndele Omwene ote ku endifa alushe, ota kutifa omwenyo woye meenhele dihe nomeva, ndele ta pameke omakipa oye, ndele to ka kala ngaashi oshikunino shitalala sha tekelwa shili, ngaashi ofifiya ihai pumbwa nande omeva.

JESAJA 61:11

Osheshi ngaashi edu tali menifa oimeno yalo nongaashi oshikunino tashi menifa eembuto dasho, osho yo Omwene, Omwene ta menifa ouyuki nehambelelo moipafi yovanhu aveshe.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

JEREMIA 31:12

Ndele tave uya ndele tava imbi nokunyakukwa komhunda yaSion, ndele tava tondokele kouwa wOmwene, koilya nokomaviinyu nokomaadi, keedi nokeengobe. Ndele eemwenyo davo otadi kala da fa oshikunino sha tekelwa nawa, noitava ka kala vali nokukema.

HESEKIEL 31:6

Eedila adishe dokeulu oda yala oihadi yado moitai yao, noifitukuti aishe yomomufitu oya dalela momudile woitai yao, noiwana i lili noi lili inene oya kala omutumba momudile wao.

DANIEL 4:12

Omafo ao a li mawa noiimati yao oya li ihapu. Ndele aveshe va mona muo eendja. Oifitukuti yomoixwa oye likongela omudile meni lao, needila dokeulu oda kala moitai yao, heeno, ombelela aishe oya mona eendja kuwo.

DANIEL 4:21

omafo ao a li mawa noiimati yao ihapu nomuwo omwa li eendja daaveshe, koshi yao oifitukuti yomoixwa ya kala mo nomoitai yao eedila dokeulu oda li mo;

SAKARIA 2:11

Mefiku tuu olo oiwana ihapu tai ke liameka kOmwene, ndele tava ka ninga ovanhu vaye, ndele ame ohandi ka kala muvo, opo nee ove to ka shiiva, nokutya Omwene womatanga ovakwaita a tuma nge kwoove.

MATEUS 17:20

Ndele Ye ta ti kuvo: “Omolweitavelo leni linini, osheshi oshili handi mu lombwele, ngeno okwa li mu neitavelo li fike pombuto yoshinapi, ngeno otamu dulu okulombwela omhunda ei: ‘Lilundulula po apa, ove u lundulukile kwinya, ngeno tai lilundulula po, ndele kaku noshinima tashi mu nyenge.’

MARKUS 4:30

Ye okwa tya: “Ouhamba waKalunga ohatu u fanekifa nashike ndele hatu u yeleke nefaneko lilipipo?

LUKAS 17:6

Ndele Omwene ta ti: “Ngeno omu na eitavelo li fike pombuto yoshinapi ndele tamu lombwele omukwiyu ou: ‘Lidikula po ove u litwike mefuta,’ ngeno tau mu udu.

OILONGA YOVAYAPOSTOLI 2:41

Hano ava va tambula nehafo eendjovo daye ova shashwa, mefiku olo mwa wedelwa mo ovanhu ve fike pomayovi atatu.

OILONGA YOVAYAPOSTOLI 21:20

Ndele eshi ve di uda ova hambelela Omwene ndele tava ti kuye: “Omumwatate, ove owe shi mona, Ovajuda omayovi mahapu nhumbi va ninga ovaitaveli, ndele ovo ovadiinini vakukutu vomhango.

OILONGA YOVAYAPOSTOLI 4:4

Ndele vahapu vomwaava va uda eendjovo, ova ninga ovaitaveli, nomuvalu wovalumenhu wa li lwopomayovi atano.

OVAROMA 15:19

okeenghono domadidiliko nodoinyengandunge, omeenghono dOmhepo yaKalunga, ngaashi ame nda wanifa eudifo levaengeli laKristus okudja kuJerusalem nomoushiinda fiyo okuIlliriko.

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”