LUKAS 12:20 - Ombibeli Iyapuki

²⁰ Ndelenee Kalunga okwe mu lombwela: ‘Elai ove, oufiku tuu ou wonena omwenyo woye oto u kufwa, hano aishe ei we i likola otai ningi yalyelye?’

LUKAS 12:20 ပူးပေါင်းရင်းမြစ်များ

ESTER 5:11

Ndele Haman ote va hepaululile ta popi efimano laye noupuna waye nouhapu wovana vaye ovamati, nanhumbi ohamba ye mu nenepeka mwaashishe noku mu lenga kombada yomalenga noyovapiya vohamba.

JOB 27:8

Elineekelo lashike omukolokoshi e li na, Kalunga eshi ta tete po okukala kwaye, Ye eshi ta kufa omwenyo waye?

OMAPSALOME 39:6

Omunhu ota endaenda a fa ashike omudidimbe; te lipyakidile ashike; emona otali tuvikilwa, ndele ou te li kufa mo, ke shiivike.

OMAPSALOME 49:10

Ahowe, ote shi ulikilwa nokuli, nokutya novanongo otava fi yo; novashima novapwidi aveshe otava nyonauka po, nemona lavo, ove noku li fiila vakwao.

OMAPSALOME 73:19

Ohava hanauka mehangelelo li fike peni, ohava vakulwa po ndele tava mono exulilo lehalukifo.

OMAPSALOME 78:30

Ndelenee fimbo inava wanifa olwisho lavo, neendja fimbo da li natango momakanya avo,

OMAYELETUMBULO 10:2

Omamona a likolwa mouhenakalunga, itaa kwafa sha, ndelenee ouyuki tau xupifa mefyo.

OMAYELETUMBULO 11:4

Emona itali kwafa sha mefiku loupyuhandu, ndelenee ouyuki tau xupifa mo mefyo.

OMAYELETUMBULO 13:7

Ope na umwe te linomo nokutya, ye oshipuna, ndelenee ke na sha nande. Umwe te lininipike nokutya, ye ohepele, ndelenee e noinima ihapu.

OMAYELETUMBULO 27:1

Ino litangela efiku lomongula, osheshi ino shiiva efiku otali ka eta shike.

OMAYELETUMBULO 28:8

Ou ta hapupalifa emona laye noishoshela noifutifa, ota ongelele ou ta file eehepele onghenda.

JESAJA 56:12

Otava ti: “Ileni, ohandi mu etele omaviinyu, tu kale nokufinyuna, efiku lomongula li kale ngaashi eli lonena, li kale la wapala unene.”

JEREMIA 17:11

Ngaashi odila tai tendula omai inai a dala, osho yo ou te lilikolele oupuna nomakoto. Pokati komafiku okukala kwaye oku noku a fiya po, nopexulilo laye ota ka kala elai.

AMOS 6:13

Onye ava hamu hafele muLodebar oinima yongaho, hamu ti: “Inatu likwatela Karnaim keenghono detu vene.”

NAHUM 1:10

Osheshi nande vo va kale nokukitakana mumwe ngaashi omano nonande va kale va tutikwa komaviinyu, va tuta ngaashi omaviinyu oovene, vo otava ka xwikwa po ngaashi oihati ikukutu.

LUKAS 11:40

Omalai nye, ou a shita eshi shokombada, haye tuu a shita eshi shomeni yo?

1 OVATESSALONIKI 5:3

Fimbo tava ti: “Ombili, kape na nande ombili,” opo nee ehanauno tali va vakele, ngaashi omufimba ta hangwa koshifeta, ndele kave na apa tava i onhapo.

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,

1 TIMOTEUS 6:7

Osheshi fye inatu eta mo sha mounyuni, ndele itatu dulu okudja mo na sha.

JAKOB 4:14

nye ava muhe nowino waashi tashi ningwa komongula; osheshi okukala kweni okwa tya ngahelipi? Oko omwifi, ou hau monika okafimbo kanini ndele tau lihane po.