LUKAS 12:19 - Ombibeli Iyapuki

¹⁹ ndele handi lombwele omwenyo wange: Omwenyo, owa tuvikililwa oipalwifa ihapu yomido dihapu, tulumukwa nee, lya, nwa, ove u nyakukwe.’

LUKAS 12:19 ပူးပေါင်းရင်းမြစ်များ

JOB 14:1

“Omunhu a dalwa komwalikadi, ta kala po omafiku manini ndele ta kuta oupyakadi,

OMAPSALOME 49:18

Nande oku liwete, e li nawa fimbo e li po, ndele ta fimanekelwa okuhepuluka kwaye,

OMAPSALOME 62:10

Inamu lineekela omunyeka, inamu liwewelekela oitinhwa yeni; nemona ngeenge tali hapupala, inamu mangela mo omitima deni!

OMAYELETUMBULO 10:2

Omamona a likolwa mouhenakalunga, itaa kwafa sha, ndelenee ouyuki tau xupifa mefyo.

OMAYELETUMBULO 14:24

Oupuna wavo oo oshishani shovanongo, ndelenee oulai womalai tau kala oulai.

OMAYELETUMBULO 18:11

Emona loshipuna olo oshilando shasho sha pama ngaashi ohotekuma ile momadiladilo asho.

OMAYELETUMBULO 23:5

Omesho oye eshi a wile ko, oupuna uhe po, osheshi divadiva wa mona omavava ndele tau tuka ngaashi onhwa keulu.

OMAYELETUMBULO 27:1

Ino litangela efiku lomongula, osheshi ino shiiva efiku otali ka eta shike.

OMUUDIFI 11:9

Omunyasha ove, kala wa nyakukwa mounyasha woye, nomutima woye nau ku hafife momafiku omounyasha woye. Ndele enda neendjila domwenyo woye, ndelenee kala u shi shii nokutya, Kalunga ote ku tokolifa molwaashishe eshi.

OMUUDIFI 2:24

Omunhu ke na nande ouwa umwe, okulya nokunwa nokushambukifa omwenyo waye nouwa mokulonga kwaye kudjuu. Ame nda mona nokutya, osho osha dja meke laKalunga.

JESAJA 22:13

Ndelenee tala, omu na ehafo nenyakuko, omatomo eehove nomadipao eedi, okulya ombelela nokunwa omaviinyu, tava ti: “Tu lyeni, fye tu nweni, osheshi mongula ohatu fi.”

JESAJA 5:11

Woo, ava hava meneka ongula inene ve lilongekidile ondala, ndele tava xungilile omaviinyu e va pupyaleke.

JESAJA 5:8

Woo, ovo tava shaameke eumbo neumbo, ndele tava tula kumwe epya nepya, po kape na vali onhele; osho ngaha tamu nangala oshilongo, onye amuke.

JESAJA 56:12

Otava ti: “Ileni, ohandi mu etele omaviinyu, tu kale nokufinyuna, efiku lomongula li kale ngaashi eli lonena, li kale la wapala unene.”

HOSEA 12:8

Ndelenee Efraim ota ti: Ame nda punapala, ame nde likongela oupuna. Musho nde shi lilongela, itamu monika nande sha tashi pe nge etimba.

AMOS 6:13

Onye ava hamu hafele muLodebar oinima yongaho, hamu ti: “Inatu likwatela Karnaim keenghono detu vene.”

HABAKUK 1:16

Onghee hano ye ota yambele ondjadja yaye, ndele ta twiminine oikwatifo yaye, osheshi molwayo oshipewa shaye oshinene neendja daye da ondoka.

LUKAS 12:18

Ndele okwa tya: ‘Ohandi ningi ngaha, ohandi hanauna po omaanda ange, ndele ohandi tungu po amwe manene, nohandi tuvikile mo oilya yange nemona lange,

LUKAS 16:19

“Ndele okwa li ku nomulumenhu oshipuna a djala oikutu itilyana naai itoka iwa, ndele okwa nyakukwa omafiku aeshe mewano loinima yaye.

LUKAS 21:34

“Ndelenee lipashukileni, omitima deni diha lolokifwe koitendele nokokukolwa nokoshisho shoipalwifa, efiku olo lihe mu vakele ngaashi omwiyo,

1 OVAKORINTO 15:32

Olwoodi nda li nalo muEfeso, eshi nda lwa noilyani paenghedi dovanhu, otashi kwafa nge shike? Ngeenge ovafi itava nyumunwa: “Opo nee tu lyeni hano, fye tu nweni,” osheshi mongula ohatu fi.

OVAFILIPPI 3:19

Exulilo lavo olo ekano, nedimo lavo olo kalunga kavo, nefimano lavo ohoni yavo, nohava diladila ei yopadu.

1 TIMOTEUS 5:6

Ndelenee omuliefeli mouhalu oye okwa fya, nande oku nomwenyo.

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,

2 TIMOTEUS 3:4

ovakengeleledi, ovahayavala, ovafulalali, ohole yavo yokuhola ouhalu mwii i dule ei yokuhola Kalunga;

JAKOB 5:5

Mwa kala mounyenye weni kombada yedu nomwa wanifa omauhalu eni; omitima deni omwe di ondolela efiku lokutomwa.

1 PETRUS 4:3

osheshi osha wana eshi mwa wanifa ehalo lovapaani mefimbo eli la pita, eshi mwa li mwa kala moluhaelo, momalwisho, moukolwe, moivilo youfiku, moufukenhu woikunwa nomoixuna yokulongela oikalunga.

EHOLOLO 18:7

Ngaashi she lifimanekifa mokukala mouyadipuna, osho tuu shi peni oudjuu noluhodi pashiyelekifo osho, osheshi otashi lipopile momwenyo washo tashi ti: ‘Ame ondi li apa omutumba ndihambakainhu, ndele nghi fi omufiyekadi noitandi ka hangika koluhodi;’

1 SAMUEL 30:16

Ndele ye eshi e mu twala ko, venya va li ve lihanena akushe moluhaela, va li tava li ndele tava nu, ndele tava dana oshivilo molwoixuulwa aishe inene ve i kufa moshilongo shOvafilisti nomoshilongo shaJuda.