LUKAS 11:7 - Ombibeli Iyapuki

⁷ ndele winya womeumbo te mu nyamukula ndele ta ti: ‘Ino ningila nge oupyakadi, omuvelo owa patwa, nounona vange va nangala pwaame momutala, itandi dulu okupenduka ndi di ku pe.’

LUKAS 11:7 ပူးပေါင်းရင်းမြစ်များ

EIMBILOELELA 5:3

Omuvalekwa: Ame onde lidula oshikutu shange. Ohandi shi lidjaleke ngahelipi? Onda kosha eemhadi dange, ohandi di yapula ngahelipi?

MATEUS 25:10

Ndele eshi va ya va ka lande, omuhomboli okwe uya; naavo va hangika ve lilongekida, ova ya mo pamwe naye koshivilo shehombolo, noshivelo osha idilwa po.

LUKAS 11:6

osheshi kaume kange a dja mondjila e uya kwaame nondihe na eshi handi mu pakele po;’

LUKAS 11:8

Ohandi mu lombwele, ngeenge ita penduka e mu pe omolwoukaume, ota penduka omolwekenyeneko laye, ndele ote mu pe shi fike peemhumbwe daye.

LUKAS 13:25

“Mwene weumbo ngeenge a fikama ndele ta pate po omuvelo, nye otamu hovele okukala ofika pondje nokukonghola pomuvelo nokwiifana: ‘Omwene, tu yeulula,’ Ye ote mu nyamukula ta ti: ‘Ame nghi mu shii, ndele nghi shii apa mwa dja.’

LUKAS 7:6

Opo Jesus okwa ya ko pamwe navo. Hano eshi a li ehe li vali kokule neumbo laye, omunefele okwa tuma ko ookaume kaye vamwe ve mu lombwele: “Omwene, ino lihepeka, osheshi ame inandi wapala u uye meumbo lange.

OVAGALATI 6:17

Osho hano paha kale vali nande umwe ta twike nge oudjuu, osheshi handi humbata oivadi yOmwene Jesus molutu lange.