LUKAS 11:45 - Ombibeli Iyapuki

⁴⁵ Opo umwe womovanongo vomishangwa a hovela okupopya ndele ta ti kuye: “Omuhongi, eshi to popi ngaha, oto tu fifa ohoni.”

LUKAS 11:45 ပူးပေါင်းရင်းမြစ်များ

1 EEHAMBA 22:8

Ahab okwa nyamukula, ta ti: “Oku na vali umwe, Mikaia yaJimla, ndelenee ame ohandi mu tondo, osheshi ye ita xunganekele nge nande ouwa, ndelenee alushe owii.” Josafat okwa nyamukula: “Ino popya ngaho!”

JEREMIA 20:8

Osheshi keshe efiku ame ondi nokupopya, ame ndi nokukwena nokwiingida enyeko nehanauno, osheshi ondjovo yOmwene oya tukifa nge noya shekifa nge omutenya aushe.

JEREMIA 6:10

Olyelye ngeno ndi tonge sha kuye noolyelye ava ndi va londwele ngeno va ude ko? Tala, omatwi avo inaa pitifwa etanda, vo ihava dulu okuuda. Tala, ondjovo yOmwene oya ninga oiyolifa yavo inave i hala.

MATEUS 22:35

naumwe womuvo omunongomhango, okwe mu yeleka ndele te mu pula:

LUKAS 11:46

Ndele Ye okwa tya: “Woo nanye yo ovanongo vomhango, eshi hamu twike ovanhu omitengi didjuu okuhumbata, nye vene ihamu di kumu nande okamunwe keni kamwe.

LUKAS 11:52

“Woo nye ovanongo vomhango, eshi mwa nyeka ko oshapi younongo, nye vene inamu ya mo, naavo va hala okuya mo, omwe va kelela.”

LUKAS 7:30

Ndelenee Ovafarisai novanongo vomhango ova dina omhangela yaKalunga molwaashi inave liyandja va shashwe kuye.

JOHANNES 7:48

Ope na tuu mbela nande umwe womovakulunhu e mu itavela, ile umwe womOvafarisai?

JOHANNES 7:7

Ounyuni itau dulu oku mu tonda; Ame otau tondo nge, shaashi handi hepaulula nokutya, oilonga yao oii.

JOHANNES 9:40

Ndele Ovafarisai vamwe, ava va hangika pamwe naye, ove shi uda, ndele tava ti: “Nafye yo ovapofi hamba?”