LUKAS 11:42 - Ombibeli Iyapuki

⁴² “Ndelenee woo, nye Ovafarisai, eshi hamu yandje oitimulongo yombidi noyoidimba noyeembidi adishe, ndele hamu pitilile ouyuki nohole okuhola Kalunga, eshi oshi nokuwanifwa naashinya kashi na okweefiwa.

LUKAS 11:42 ပူးပေါင်းရင်းမြစ်များ

NEHEMIA 10:37

twa udafana nokutya hatu ka eta moufila woshipe nomeeshali deyambo nomoiimati yomiti di lili nadi lili, momaviinyu nomomaadi kovapristeli momalimba ongulu yaKalunga ketu noitimulongo yomomapya etu kOvalevi. Ovalevi voovene hava ongele oitimulongo momikunda detu adishe.

OMAYELETUMBULO 21:3

Okulonga ouyuki noshili otaku wapalele Omwene, komesho yomayambo.

OMUUDIFI 7:18

Oshe ku wapalela ngeenge ho kala nokwaama kushimwe, ndelenee eke loye liha efe shinya, osheshi ou ha tila Kalunga, ota xupifwa mwaaishe oyo.

MIKA 6:8

Omunhu ove, Ye okwe ku shiivifila eshi shiwa. Nashike shimwe Omwene ta pula kwoove kakele nokutya u ninge eshi sha yuka nokuhola efilonghenda nokweenda nelininipiko pamwe naKalunga koye?

MALAKIA 1:6

Omona ta fimaneke xe, nomupiya omwene waye! Aame ngeenge oxo, efimaneko lange oli li peni? Naame ngeenge Omwene, etilo lokutila nge oli li peni? Omwene womatanga ovakwaita ta ti kunye ovapristeli, ohamu dini edina lange! Ndelenee nye tamu ti: Edina loye otwe li nyateka ngahelipi?

MALAKIA 2:17

Nye otamu lolokifa Omwene neendjovo deni. Ndelenee tamu pula: Nashike hatu mu lolokifa? Shaashi ohamu ti: “Keshe ou ta ningi owii, ye omuwa momesho Omwene, ndele Ye okwe mu hokwa,” ile: “Kalunga ketokolo oku li peni?”

MALAKIA 3:8

Omunhu ota nyeka tuu Kalunga? Osheshi nye otamu nyeka nge ndele tamu ti: Mushike twe ku nyeka? Moitimulongo nomoiyandjiwa.

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

MATEUS 23:23

“Woo nye, ovanongo vomishangwa nOvafarisai, ovanaihelele nye, eshi hamu yandje oshitimulongo shoumbidi ava vanini vomomapya, ndele hamu efa oinenenima yomomhango ouyuki nefilonghenda noudiinini! Ei i nokuwanifwa, naainya ihe shi okweefiwa.

MATEUS 23:27

“Woo nye, ovanongo vomishangwa nOvafarisai, ovanaihelele nye, omwa fa eembila da kolongwa, da wapala okutalwa kombada, ndele meni lado omu yadi omakipa ovafi nonyata aishe!

LUKAS 18:12

eendja ohandi di lidilike luvali moshivike keshe ndele handi yandje oitimulongo moilikolwa yange aishe.’

JOHANNES 5:42

ndelenee ondi mu shii nokutya, ohole yaKalunga kai mo munye.

1 JOHANNES 4:20

Ngeenge ope na ou ta ti: Ame ondi hole Kalunga, ndele ta tondo omumwaxe, ye omunaipupulu. Osheshi ou ehe hole omumwaxe, nande e mu wete, oye ita dulu okuhola Kalunga ehe mu wete.

1 SAMUEL 15:22

Opo nee Samuel ta ti: “Omwene a hokwa ngeno omaxwikiloyambo nomatomenoyambo ngaashi a hokwa eduliko, okudulika kondaka yOmwene? Tala, okudulika ku dule etomenoyambo nokuuda ko ku dule omakaadi eedi deemhedi.