LUKAS 11:40 - Ombibeli Iyapuki

⁴⁰ Omalai nye, ou a shita eshi shokombada, haye tuu a shita eshi shomeni yo?

LUKAS 11:40 ပူးပေါင်းရင်းမြစ်များ

GENESIS 1:26

Ndele Kalunga okwa ti: “Tu meni ovanhu oshifefa shetu, ve tu fe, ndele nava pangele oinamwenyo yomefuta, needila dokeulu, noimuna, nedu alishe, noinamwenyo aishe tai linyenge kombada yedu.”

GENESIS 2:7

Ndele Omwene Kalunga okwa ma omunhu nondwi yedu ndele te mu fudile meyulu laye omufudo womwenyo. Osho ngaha omulumenhu a ninga omwenyo u na omwenyo.

OMAPSALOME 14:1

Elai otali ti momutima walo: “Kape na Kalunga;” oilonga yalo oififahoni, ya nyonauka: kape na nande umwe auke, ou ta longo ouwa.

OMAPSALOME 33:15

Oye tuu omuyandjilupe womitima davo adishe, nomukoneki woilonga yavo aishe.

OMAYELETUMBULO 1:22

“Fiyo onaini nye ovashima mu hole oushima, novasheki mwa hala okusheka, nomalai okutonda eshiivo?

OMAYELETUMBULO 8:5

Onye ovashima lilongeni eendunge, nomalai lilongeni okushiiva omayele.

JEREMIA 5:21

Pwilikineni onye omalai, muhe neendunge, ve nomesho, vo ihava mono ko, nove nomatwi, vo ihava udu ko.

SAKARIA 12:1

Exunganeko, ondjovo yOmwene tai popi Israel. Omwene ou a yala eulu, okwa dika edu ndele a shita omhepo yomunhu meni laye, ota ti:

NUMERI 16:22

Ndelenee vo ove litwa oipala yavo poshi ndee tava ti: “Akutu Kalunga, Kalunga keemhepo dombelela aishe! Omulumenhu umwe ngeenge ta nyono, Ove to handukile tuu eongalo alishe?”

MATEUS 23:17

Onye omalai novapofi. Oshilipipo shi dule shikwao, oshingoldo ile otembeli, oyo hai yapula oshingoldo?

MATEUS 23:26

Omufarisai ove omupofi, yelifa tete eholo meni, opo li yele nokombada yo.

LUKAS 12:20

Ndelenee Kalunga okwe mu lombwela: ‘Elai ove, oufiku tuu ou wonena omwenyo woye oto u kufwa, hano aishe ei we i likola otai ningi yalyelye?’

LUKAS 24:25

Ndele Ye okwa tya kuvo: “Woo nye, omalai novafi vounye keemwenyo okwiitavela aishe ei ovaxunganeki ve i popya.

1 OVAKORINTO 15:36

Elai ove, eshi to shi kunu, itashi ningi omwenyo, ngeenge inashi fila mo.

OVAHEBERI 12:9

Ndele ngaashi vali twa kala nootate vetu vopalutu, eshi ve tu denga ndele twa dulika kuvo, hano ohatu kala ngahelipi tuha dulike ngeno kuxe yeemhepo neduliko li dule linya, fye tu kale tu nomwenyo?