LUKAS 11:4 - Ombibeli Iyapuki

⁴ ndele dima po omatimba etu, osheshi nafye yo ohatu dimine po keshe tuu ou e noikolo nafye, ino tu twala momayeleko, ndelenee tu xupifa momunawii.’ ”

LUKAS 11:4 ပူးပေါင်းရင်းမြစ်များ

GENESIS 48:16

Omweengeli, ou a xupifa nge moudjuu keshe, oye na nangeke noupuna ovana ava ovamati, nedina lange nolootatekulu Abraham naIsak nali kale li na omwenyo muvo, vo ove na okuhapupala vahapu vahapu kombada yedu!”

1 EEHAMBA 8:34

uda hano meulu ndele dima po okunyona kwovanhu voye Ovaisraeli ndele va alula medu eli, ove we li pa ooxe.

1 EEHAMBA 8:36

va uda meulu u dime omatimba ohamba naa ovanhu voye Ovaisraeli, Ove u va longe eshi sha yuka, ndele Omwene, tuma odula koshilongo eshi shoye we shi pa ovanhu voye va kale mo alushelushe.

OMAPSALOME 121:7

Omwene ohe ku amene kowii aushe, oha amene omwenyo woye.

OMAPSALOME 25:11

Omwene, molwedina loye, kufa po etimba lange, nande olo linene.

OMAPSALOME 25:18

Tala omupya wange, noshiponga shange, u dimine nge po omatimba ange aeshe.

DANIEL 9:19

Omwene, uda! Omwene, tu dimina po owii wetu! Omwene, didilika, u shi ninge molwoye mwene, ino kala ko, Kalunga kange. Osheshi oshilando shoye novanhu voye ova lukilwa edina loye.”

HOSEA 14:2

Indeni neendjovo nye mu alukile kOmwene mu tye: “Dima po omatimba aeshe. Tu tambulila mefilonghenda loye, opo nee hatu ke ku yambela eyambo lomilungu ponhele yeengobe.

MATEUS 18:35

Osho yo Tate meulu te mu ningile, ngeenge itamu dimine po okomitima deni keshe tuu omumwaina.”

MATEUS 26:41

Kaleni oupafi, nye mu indile, muha hangike komahongaulo; omhepo oya hala, ndele ombelela i noungone.”

LUKAS 11:5

Ndelenee Ye okwe va lombwela: “Olyelye womunye e na kaume kaye te uya kuye mokati koufiku ndele ta ti: ‘Kaume kange, pe nge omingome nhatu,

LUKAS 13:4

Ile mu shii omulongo navahetatu venya va fya, eshi va wilwa koshungo yomuSiloa ova li ovalunde ve dule Ovajerusalem vakwao aveshe?

LUKAS 22:46

Ndele Ye okwa tya kuvo: “Oshike mwa kofa? Pendukeni nye mu ilikane, muha hangike komashindo.”

LUKAS 8:13

Ndele edi domemanya ovovo hava pwilikine eendjovo, ndele have di tambula nehafo, ndele vehe na omidi, ohava itavele okafimbo, ndele efiku leyeleko otava efa.

JOHANNES 17:15

Itandi indile u va kufe mo mounyuni ou, ndele u va amene kowii.

1 OVAKORINTO 10:13

Inamu hangika keyeleko limwe, olo tuu olo lopanhu, ndelenee Kalunga Oye omudiinini, ite mu efa mu yelekwe nomayeleko e dule eenghono deni, ndele mumwe neyeleko ota longele yo omhito yokupita mo, opo mu dule oku li humbata.

OVAKOLOSSI 3:13

lididimikilafaneni, diminafaneni po omanyono, ngeenge mwa ningafana nomukweni, ngaashi Kristus e mu dimina po, osho nanye yo mu ninge;

2 OVATESSALONIKI 3:3

Ndelenee Omwene Oye omudiinini; Oye te mu pameke ndele te mu amene kowii.

2 TIMOTEUS 4:18

Ndele Omwene ota ka mangulula nge mo mukeshe tuu oshilonga showii, ndele ta ka xupifa nge mouhamba waye womeulu. Kuye efimano alushe fiyo alushe. Amen.

JAKOB 2:13

Osheshi etokolo kali nonghenda naau ehe nonghenda, nonghenda otai litange kombada yetokolo.

EHOLOLO 2:10

Ino tila oyo tai ke ku hepeka. Tala, ondiaboli otai idilile vamwe vomunye modolongo, mu yelekwe, ndele otamu ka monifwa oudjuu omafiku omulongo. Diinina fiyo okefyo, Ame nohandi ku pe oshishani shomwenyo.

EHOLOLO 3:10

Molwaashi wa diinina ondjovo youtalanheni wange, naame yo ohandi ke ku diinina mefimbo leyeleko olo tali uya kombada yedu alishe okuyeleka oonakukala kombada yedu.