LUKAS 11:22 - Ombibeli Iyapuki

²² Ndelenee ngeenge taku di ou e mu dule eenghono ndele te mu te, ote mu nyeka oilwifo yaye, kwa li e i lineekela, ndele ta tukula oshihakanwa e shi mu nyeka.

LUKAS 11:22 ပူးပေါင်းရင်းမြစ်များ

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

EXODUS 15:9

Omutondadi okwa tile: ‘Ame ohandi ka shikula nokukwata, nokutukula oixuulwa, olwisho lange tali ka kutifwa muvo; ame ohandi ka pweya mo eongamukonda lange, eke lange tali ke va halakanifa po.’

JESAJA 27:1

Mefiku tuu olo Omwene ota ka tokola, ndele ta tu neongamukonda laye la pama nolinene nolidjuu, Leviatan, eyoka li nonhapo, naLeviatan, eyoka hali ngolyauka, nongadu yomefuta ote i dipaa po.

JESAJA 53:12

Onghee hano ohandi mu pe oshitukulwa mokati kovanenenhu, ndele ta ka tukula oshihakanwa pamwe novanaenghono, osheshi okwa yandja omwenyo waye mefyo nokwa valulilwa movakolokoshi, okwa humbata omatimba avahapu nokwa ilikanena ovanyoni.

LUKAS 11:21

“Omunaenghono ngeenge a homata oiti yaye, ndele ota kelele eumbo laye, emona laye ola amenwa.

LUKAS 11:23

Ou ehe li pamwe naame, ye oku na ondubo naame, naau ita ongele pamwe naame, ye ota hanauna po.

OVAEFESO 6:11

Lidikeni oilwifo aishe yaKalunga, opo mu dule okufikamena ekonda laSatana;

OVAEFESO 6:13

Onghee hano tambuleni oilwifo aishe yaKalunga, mu shiive okulipopila mefiku lii nokukala ofika eshi mwa longa aishe.

OVAKOLOSSI 2:15

Ndele komushiyakano Kristus okwe limangulula momapangelo eenghono novapangeli aveshe vopamhepo okwe va kaleka poluhaela noku va endifa molweendo laye lefindano.

1 JOHANNES 3:8

Ndele ou ha longo oulunde, okwa dja muSatana, osheshi Satana nghee tuu a dja kehovelo, oha longo oulunde. Onghee hano Omona waKalunga a holoka, a hanaune po oilonga yaSatana.

1 JOHANNES 4:4

Ovamwange, nye omwa dja muKalunga nomwa finda venya, osheshi ou a kala munye oye omunene e dule winya a kala mounyuni.