LUKAS 10:31 - Ombibeli Iyapuki

³¹ Nomupristeli wonhumba a hangika ta ende nondjila ei, okwe mu mona, ndele okwe mu pitilila po.

LUKAS 10:31 ပူးပေါင်းရင်းမြစ်များ

2 SAMUEL 1:6

Opo nee omumati, ou e mu etela ondaka ta ti: “Ame onda hangika nde uya keemhunda daGilboa, ndele tala, Saul a yaamena keonga laye, fimbo omatemba oita novalondi veenghambe ve mu kondekela;

OMAPSALOME 142:4

Eshi handi tale kolulyo nda vandavamena mominghulo: nghi wete nande omunhu, e na naame. Nghi na apa handi ningine nande, kape na ou, ta yavele nge.

OMAPSALOME 69:20

Odino yange oya teya omutima wange, nda ninga oshingone, onda li kuteelela onghenda, ndele inandi i mona, onda li kuteelela ovahekeleki, ndele inava holoka.

OMAYELETUMBULO 21:13

Ou ta fitikile onghuwo yohepele okutwi kwaye, oye mwene yo ota ka kuwa onghuwo, ndele ita ka mona epopilo.

OMUUDIFI 9:11

Natango nda mona koshi yetango nokutya, okutondoka shanamutete kaku li mepangelo laau e nonhapo, haita mepangelo lovakwanyati, hamungome mepangelo lovanaendunge, haupuna mepangelo lovanamayele, hahokwe mepangelo lovanongo, ndelenee efimbo nesheyelo tali pangele aishe.

JESAJA 58:7

Oleli, u pambulile omufindjala komungome woye, ove u idilile omapongo meumbo loye? Ngeenge to mono omunhu e li olutu longaho, mu djaleka, ove ino hondama ou ombelela yoye.

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

HOSEA 5:1

Woo, nye ovapristeli, pwilikineni! Woo, oove eumbo laIsrael, didilika! Woo, eumbo lohamba, pwilikina nomatwi! Osheshi etokolo tali mu hange, osheshi nye omwa ninga omwiyo kuMispa, neendjadja da tandavelifwa, da telwa kuTabor.

HOSEA 6:9

Nongudu yovapristeli oi li ngaashi oimhulu ya holamena. Ohava dipaele mondjila yaSekem, heeno, ova longa oilonga yoixuna.

MALAKIA 1:10

Ngeno mokati keni mu kale umwe ou ta idile oivelo, muha shiive okutema omundilo oshimha koaltari yange! Ame inandi mu hokwa nande, Omwene womatanga ovakwaita ta ti, ndele itandi tambula eyambo tali di momake eni.

LUKAS 10:30

Ndele Jesus okwe mu nyamukula ta ti: “Omulumenhu wonhumba a dja muJerusalem ta i kuJeriko nokwa hangika kovanyeki, ve mu dula aishe, ndele ve mu denga, ndele ova ya ve mu fiya po e na okamwenyo kanini.

LUKAS 10:32

NOmulevi osho yo; eshi e uya poima opo, okwe mu mona ndele okwe mu pitilila po.

RUT 2:3

Opo nee ye a ya, ndele a pupudulula mepya mokushikula ovatei. Nelao le mu twala mepya laBoas, omukwanepata laElimelek.