LUKAS 10:21 - Ombibeli Iyapuki

²¹ Mokafimbo tuu oko Jesus okwa hafela pombada mOmhepo Iyapuki ta ti: “Ohandi ku hambelele Tate, Omwene weulu nowedu, osheshi oinima ei owe i holeka ovanaendunge novanongo ndele owe i hololela ava va fa ouhanana. Heeno, Tate, osheshi osho she ku wapalela.

LUKAS 10:21 ပူးပေါင်းရင်းမြစ်များ

OMAPSALOME 24:1

Edu olOmwene, naashishe shi yadi mo,

OMAPSALOME 25:14

Eendafano lOmwene oli li naava have mu tila; ndele te va shiivifa ehangano laye.

OMAPSALOME 8:2

Momakanya ounona noouhanana owa dika mo eenghonopangelo molwovatondi voye opo u hanaune po omuyelani nomunanghono.

JESAJA 29:14

onghee hano tala, koshiwana eshi ohandi ka ninga natango oikumwifalonga, oilonga yonghumwe, ndele tai nyenge eendunge, nounongo wovanongo vavo otau xulu po, neendunge dovanaendunge vavo otadi shiti.”

JESAJA 35:8

Ndele otapa ka kala oshitauwa shakula sha palwa, tai ka ifanwa Ondjila iyapuki; itai endwa nande kwaava va nyatekwa, ndelenee otai ka kala yaavenya. Ou ta ende mo ita puka, nomalai oovene itaa puka.

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

JESAJA 62:5

Osheshi ngaashi omulumenhu omunyasha ta hombola okakadona, osho yo ovamwoye otave ku hombola nongaashi omuhomboli ta hafele omuhombolwa osho yo Kalunga koye te ku hafele.

JESAJA 66:1

Omwene osho ta ti: Eulu olo olukalwapangelo lange, nedu olo oshipundi sheemhadi dange. Ongulu ei tamu i tungile nge oi li peni? Nonhele yokutulumukwa kwange oi li peni?

SEFANIA 3:17

Omwene Kalunga koye e li mokati koye, Ye Omuladi ha xupifa. Ye ote ku hafele nehafo. Ye ota kala nokumwena mohole yaye. Ye ote ku hafele noku ku nyakukilwa.

MATEUS 16:17

Jesus okwe mu nyamukula ndele ta ti: “Oove omunelao, Simon yaJona, osheshi hambelela nohonde ye ku hololela osho, ndelenee oTate meulu.

MATEUS 21:16

ndele ova tya kuye: “Ove, udite ko tuu ava osho tava ti?” Jesus okwa tya kuvo: “Heeno, onye inamu lesha hamba nande lumwe: ‘Omomakanya ounona nouhanana we lilongela ehambelelo?’ ”

MATEUS 3:7

Ndelenee eshi a mona Ovafarisai nOvasadukai vahapu ve uya keshasho laye, okwa tya kuvo: “Oludalo lomayoka nye, olyelye e mu longa okuya onhapo ehandu olo tali uya?

MARKUS 10:15

Oshili ohandi mu lombwele: Ou ita tambula ouhamba waKalunga ngaashi okaana ita i mo muwo.”

LUKAS 15:5

Ndele ngeenge te i mono, ote i humbata komapepe aye nokunyakukwa.

LUKAS 15:9

Ndele ngeenge te shi mono, ota ifana ookahewa novashiinda vaye ndele ta ti: ‘Tu nyakukweni, osheshi oshimaliwa shange nde shi kanifile, onde shi mona.’

JOHANNES 11:41

Opo vo ova kufa ko emanya. Ndele Jesus okwa lyaamena pombada ndele ta ti: “Tate, ohandi ku pandula, shaashi wa uda nge.

2 OVAKORINTO 4:3

Ndele evaengeli letu ngeenge la tuvikwa, ola tuvikwa mwaava tava ka kanifwa,

OVAEFESO 1:11

Omuye nafye yo twa pewa oshipewa shefyuululo, osho twe shi nuninwa nale opamhangela yaye, Oye ou ta longo aishe payukifo lehalo laye mwene,

OVAEFESO 1:5

eshi e tu nunina nale tu ninge ovana vaye muye omolwaJesus Kristus pahokwe yehalo laye,