LUKAS 10:20 - Ombibeli Iyapuki

²⁰ Ndele inamu hafela eshi eemhepo tadi dulika kunye, hafeni omadina eni eshi a shangelwa meulu.

LUKAS 10:20 ပူးပေါင်းရင်းမြစ်များ

OMAPSALOME 69:28

Nava dimwe mo membo lomwenyo, vaha kale va shangelwa pamwe novayuki voye.

EXODUS 32:32

Onghee hano paife ngeno Ove u va dimine po etimba lavo! Ngeenge hasho, dima mo yo edina lange membo loye we li shanga.”

JESAJA 4:3

Ndele tapa ningi, keshe ou a xupa muSion e nomwenyo, naau ta hangika muJerusalem, ota ifanwa omuyapuki, keshe umwe ou a shangelwa movanamwenyo vomuJerusalem.

JEREMIA 17:13

Eteelelo laIsrael Oove Omwene, aveshe ava tave ku liteeka otava ka fifwa ohoni. Heeno, aveshe ve liteeka nge otava shangelwa mondwi yedu, osheshi vo ova efa ofifiya yomeva omanamwenyo, Omwene mwene.

HESEKIEL 13:9

Ndele eke lange tali ka lwifa ovaxunganeki ava hava mono omamoniko oumbudi ndele ohava xunganeke oipupulu: Vo itava ka kala meongalo loshiwana shange, noitava ka shangwa membo lepata laIsrael, noitave ke uya moshilongo shaIsrael. Ndele vo otava ka shiiva nokutya, Aame Omwene Kalunga.

DANIEL 12:1

“Ndele mefimbo tuu olo Mikael, omweengeli omukulunhu munene, ou ha popile ovana voshiwana shoye, ota ka fikama. Ndele efimbo olo tali ka kala efimbo lidjuu inali kala ko shito, nghee tuu ovanhu va kala fiyo okefimbo olo. Ndelenee mefimbo tuu olo oshiwana shoye tashi ka xupifwa, keshe umwe ou a shangelwa membo.

MATEUS 10:1

Ndele opo Ye okwa ifana ovalongwa vaye omulongo navavali, ndele okwe va pa epangelo lokutaataa mo eemhepo da nyata nolokuvelula oudu aushe noungone keshe,

MATEUS 26:24

Heeno, Omona wOmunhu ota i ngaashi pa shangwa, ndele woo, omunhu ou, te mu kengelele! Omunhu ou ngeno okwa li ina dalwa, she mu wapalela.”

MATEUS 27:5

Ndele ye okwa ekelashi oimaliwa oisiliveli motembeli, a dja mo, okwa ya ndele te limangeleke.

OVAFILIPPI 4:3

Naave yo omuyakuli wange washili, ohandi ku indile, u kwafe ovakainhu ava, osheshi ovo va kondjela evaengeli pamwe naame nonaKlemens novayakuli vakwetu ava ve nomadina avo membo lomwenyo.

OVAHEBERI 12:23

nokongudu yoshivilo nokeongalo loiveli ei ya shangelwa meulu nokuKalunga, omutokoli waaveshe nokeemhepo dovayuki va wana va pwa,

EHOLOLO 13:8

Novakwambadayedu otave shi linyongamene, keshe tuu ou edina laye inali shangelwa membo lomwenyo lOdjona ya dipawa, kokudja keshito lounyuni.

EHOLOLO 17:8

Oshilyani we shi mona, osha li po, ndele kashi po vali, ndele oshi nokudjuuka mo vali mombwili nokuya menyonauko, novakwambadayedu ava omadina avo inaa shangelwa membo lomwenyo nghee ounyuni wa shitwa, otava ka kumwa, ngeenge tava ka mona oshilyani sha li ko, ndele kashi ko vali, ndele tashi uya:

EHOLOLO 20:12

Ndele nda mona oonakufya, vanini novanene, ve li ofika moipafi yolukalwapangelo; nomambo a nyanunwa; nembo likwao la nyanunwa, olo lomwenyo. Noonakufya ova tokolelwa ei ya shangwa momambo pailonga yavo.

EHOLOLO 20:15

Keshe tuu ou ina hangika a shangwa membo lomwenyo, oye okwa ekelwa mefuta lomundilo.

EHOLOLO 21:27

Ndele keshe eshi sha nyata itashi i mo nande okanini, naau ta longo oixuna nomunaipupulu, ovovo aveke va shangelwa membo lomwenyo lOdjona.

EHOLOLO 3:5

Ou ta findi, ota djalekwa oikutu itoka, nedina laye itandi li dimi mo membo lomwenyo, ndelenee edina laye ohandi li hepaulula koshipala shaTate nomoipafi yovaengeli vaye.