LUKAS 10:2 - Ombibeli Iyapuki

² Ndele Ye okwe va lombwela: “Eteyo olo olihapu, ndele ovalongi ovo ovanini, ilikaneni hano Omwene weteyo a tume ovatei meteyo laye.

LUKAS 10:2 ပူးပေါင်းရင်းမြစ်များ

1 EEHAMBA 18:22

Opo nee Elia ta ti kovanhu: “Ame andike nda xupa po movaxunganeki vOmwene, fimbo ovaxunganeki vaBaal ve li omafele ane nomilongo nhano.

OMAPSALOME 68:11

Omwene okwa yandja ondjovo, ongudu inene yovakainhu tai twala ondaka yefindano:

JEREMIA 3:15

Ndele Ame ohandi mu pe ovafita, ngaashi omutima wange wa hala, vo ve ke mu life neendunge nounongo.

SAKARIA 11:17

Woo omufita oo mwii, ta efa eedi! Eongamukonda nali hange okwooko kwaye neisho laye lokolulyo! Okwooko kwaye naku kukute nokuli, neisho laye lokolulyo nali twike filu.

SAKARIA 11:5

ovalandi vado tave di dipaa, vo itave lipe oushima, novalandifi vado tava ti: ‘Omwene na hambelelwe,’ osheshi ame nda likola, novafita vado ihave di uditile olukeno.

NUMERI 11:17

Opo nee Ame ohandi ka kolokela ko nokupopya naave. Ndele omhepo ei i li kombada yoye, Ame ohandi ke i tukula noku i tula kombada yavo. Ndele vo otave ke ku kwafa nokuhumbata oudjuu woshiwana, opo oove auke iho pumbwa oku u humbata.

NUMERI 11:29

Ndelenee Moses okwe mu lombwela: “Ove u nefupandubo molwange? Akutu, ovanhu aveshe vOmwene ngeno ovaxunganeki, Omwene opo a yandje omhepo yaye kombada yavo!”

MATEUS 20:1

“Osheshi ouhamba wokeulu wa fa omushamane, a meneka a ka shivile epya laye lomiviinyu ovalongi.

MARKUS 13:34

Otaku kala ngaashi omunhu a ya koilongo: eshi a fiya po eumbo laye, ndele okwa pa ovanhu vaye epangelo, keshe tuu ou oshilonga shaye, okwa lombwela yo omunangeli woposhivelo a kale a pashuka.

MARKUS 16:15

Ndele Ye okwa tya kuvo: “Indeni nounyuni aushe, nye mu ka udifile ovashitwa aveshe evaengeli.

MARKUS 16:20

Ndele vo ova ya, ndele ova udifila akushe, ndele Omwene Jesus okwa li ta longo pamwe navo, ndele ta pameke eendjovo nomadidiliko tae di shikula.

LUKAS 9:1

Ndelenee Ye okwa ifana ava omulongo navavali, ndele okwe va pa eenghono okupangela eendemoni adishe nokuvelula omaudu.

OILONGA YOVAYAPOSTOLI 11:19

Hano venya va li va halakanifwa komahaulo enya a hovela muStefanus, vo ova endaenda fiyo okuFoinikia nokuKipro nokuAntiokia, ndele vo inava hepaululila vamwe eendjovo odo, Ovajuda aveke.

OILONGA YOVAYAPOSTOLI 13:2

Ndele fimbo tava ningi elongelokalunga lokulongela Omwene nove lidilika eendja, Omhepo Iyapuki oya tya kuvo: “Yoololelei nge Barnabas naSaulus va ka longe oshilonga osho nde shi va ifanena.”

OILONGA YOVAYAPOSTOLI 13:4

Hano ava ngaashi va tumwa kOmhepo Iyapuki, ova ya kuSeleukia, ndele oko nee va dja, tava yauka, ndele tava i kuKipro.

OILONGA YOVAYAPOSTOLI 20:28

Litaleni hano nye vene, nye mu pashukile oshuunda ashishe, omo mwa nangekwa kOmhepo Iyapuki, eshi e mu ninga ovafita vokulifa eongalo laKalunga, e li lilikolela nohonde yaye mwene.

OILONGA YOVAYAPOSTOLI 22:21

Ndele Ye okwa lombwela nge: ‘Inda ko, ohandi ku tumu kokule kovapaani.’ ”

OILONGA YOVAYAPOSTOLI 8:4

Ndele ava va halakanifwa moshilongo, ova endaenda nova udifa ondjovo yevaengeli.

1 OVAKORINTO 12:28

Ndele Kalunga okwa tula mo meongalo tete vamwe ovayapostoli, olutivali ovaxunganeki, olutitatu ovalongindjovo nokwa yandja oilonganghono, neeshali dokuvelula, nokuyakula nokupangela, nokupopya omalaka e lili.

1 OVAKORINTO 15:10

Ndelenee okefilonghenda laKalunga ame ondi li po ngaashi ndi li, efilonghenda laye inali hepela mo mwaame, ndelenee onda longa shili ndi va dule aveshe, ndelenee haame mwene, efilonghenda laKalunga eli la kala pamwe naame.

2 OVAKORINTO 6:1

Ndelenee ofye ovalongi pamwe naye ohatu mu kumaida yo, efilonghenda laKalunga muhe li tambule oshimha,

OVAFILIPPI 2:21

osheshi vo hava kongo oinima yavo vene, hayei yaKristus Jesus.

OVAFILIPPI 2:25

Ndelenee onda tala osha yuka okushunifa kunye Epafroditus omumwatate, omulongi nomukwaita omukwetu, omutumwa weni nomuyakuli moluhepo eli lange.

OVAFILIPPI 2:30

osheshi omolwoshilongo shaKristus oye hanga a fya, eshi a yandjela nge omwenyo waye a yakule nge ponhele yeni.

OVAKOLOSSI 1:29

Osho tuu eshi handi shi lihepekele nokukondja pakulonga kwaye oko taku longo mwaame neenghono.

OVAKOLOSSI 4:12

NaEpafras, omukweni, omupiya waKristus Jesus, ote mu kundile po yo, oye ou he mu kondjele alushe momailikano aye, opo mu kale mwa fikama mwa wana nomwa pama mehalo alishe laKalunga.

1 OVATESSALONIKI 2:9

Ovamwatate nye, ndishi omwa dimbulukwa oilonga yetu noudjuu wetu, nokulonga nomake omutenya noufiku, tuha etele nande umwe mokati keni oudjuu, eshi twe mu udifila evaengeli laKalunga.

1 OVATESSALONIKI 5:12

Ndelenee ovamwatate nye, ohatu mu dimbulukifa, mu tale nolupandu ava hava longo mokati keni ndele have mu kwatele komesho mOmwene ndele have mu pukulula,

2 OVATESSALONIKI 3:1

Ndele natango, ovamwatate nye, tu ilikaneneni, opo ondjovo yOmwene i tondoke i ka fimanekwe pamwe ngaashi punye,

1 TIMOTEUS 4:10

osheshi omolwaasho hatu lihepeke nokukondja, shaashi fye otwa tula elineekelo letu muKalunga omunamwenyo, ou Omukulili wovanhu aveshe, ndele unene wovaitaveli.

2 TIMOTEUS 4:5

Ndelenee ove kala omulidiliki moinima aishe, humbata oudjuu, longa oshilonga shomuudifi wevaengeli, wanifa nawa oshilongayakulo shoye.

FILEMON 1:1

Paulus, omukwatwa waKristus Jesus nomumwatate Timoteus. OkuFilemon omuholike, omulongi pamwe nafye

OVAHEBERI 3:6

ndelenee Kristus ngaashi Omona meumbo laye. Neumbo laye ofye, ngeenge hatu diinine shili eyombamo nelitango leteelelo fiyo okexulilo.

EHOLOLO 2:1

“Shangela omweengeli weongalo lokuEfeso: ‘Ou e kwete eenyofi odo heyali meke laye lokolulyo, ndele ha ende mokati koixwekelwashela ei iheyali yoshingoldo, ota ti ngaha: