LUKAS 10:1 - Ombibeli Iyapuki

¹ Ndelenee konima yaai Omwene okwa hoolola omilongo heyali nokwe va tuma oovavali noovavali ve mu tetekelele koshilando nokomukunda keshe ye mwene a hala okuya ko.

LUKAS 10:1 ပူးပေါင်းရင်းမြစ်များ

HESEKIEL 8:11

Ndele komesho yayo pa kala ofika ovalumenhu omilongo heyali, vo ovakulunhu vomeumbo laIsrael nomokati kavo pa kala ofika Jaasanja, omona waSafan. Ndele keshe umwe womuvo e kwete oshitwiminifo meke laye, ndele mokalungululu komwifi wetwiminino mwa dja edimba.

NUMERI 11:16

Opo nee Omwene okwa lombwela Moses ndee ta ti: “Ifanene nge ovalumenhu omilongo heyali vomovakulunhu vaIsrael, ava u shii vo ve li ovakulunhu vovanhu novapashukili, ndele va eta ketwali leongalo, ndee va kaleka ko ofika pamwe naave.

LUKAS 1:17

Ndelenee ye ote mu tetekelele momhepo nomeenghono daElia, nomitima dooxe ote di alulile kovana, novahaduliki keendunge dovayuki, opo a longekidile Omwene oshiwana sha pwa.”

LUKAS 1:76

Ndele ove okaana, oto ka ifanwa omuxunganeki waau wOkombadambada, osheshi ove u nokutetekelela Omwene noku mu palela eendjila daye,

LUKAS 7:13

Ndele Omwene eshi e mu mona okwe mu etififa olukeno ndele okwa tya kuye: “Ino lila.”

LUKAS 7:19

Opo Johannes okwa ifana ovalongwa vaye vavali, ndele okwe va tuma kOmwene okupula: “Oove tuu ou onakuuya, ile natu teelele umwe?”

LUKAS 9:52

Ndele okwa tetekelifa ovatumwa, vo ova ya ko ndele tava i momukunda wonhumba wOvasamaria ve ke mu kongele omulele.