LUKAS 1:78 - Ombibeli Iyapuki

⁷⁸ omolwefilonghenda lomomutima waKalunga ketu, omo eluwa lokombada tali tu tendele,

LUKAS 1:78 ပူးပေါင်းရင်းမြစ်များ

OMAPSALOME 25:6

Omwene, dimbulukwa efilonghenda loye nolukeno loye, osheshi oyo oya kala po nalenale.

JESAJA 11:1

Ndelenee oshitutumine otashi tutuma moshifidi shaIsai, noshitai omomudi waye, ndele tashi imi oiimati;

JESAJA 42:16

Ndele ovapofi ohandi ke va endifa mondjila vehe i shii, ohandi ke va endifa melila inali shiivika kuvo. Omilaulu Ame ohandi ke di va ningila ouyelele, noitunhu ohandi i yelakanifa. Oinima tuu ei ohandi i shakenifa, itandi i efa, inandi i wanifa.

JESAJA 63:15

Omukali meulu, tala poshi u tale onhele yoye iyapuki noi noshinge! Ouladi woye noilonga yeenghono doye oi li peni? Okuhala kwoye komonhulo yoye nokufilwaonghenda kwoye we ku kelela nge.

JESAJA 63:7

Ame nda hala okuudifa omauwanghenda Omwene, oilongatumbalo yOmwene, aishe ei Omwene e tu ningila, nouwa waye muhapu keumbo laIsrael, ouwa ou e tu hololela pafilonghenda laye, nopaunene womauwanghenda aye.

SAKARIA 3:8

Pwilikina, Josua, omupristeli omukulunhu, ove noovakweni ava hava kala omutumba koshipala shoye. Heeno, ovo omadidilikokumwifa. Ndele tala, omupiya wange, Oshitutumine, ame ohandi ke mu eta po.

SAKARIA 6:12

mu lombwela u tye: Omwene womatanga ovakwaita osho ta ti: Tala, omulumenhu edina laye Oshitutuma, te uya! Moshififinwa shaye oye ta ka tutuma. Ye ota ka tunga otembeli yOmwene.

MALAKIA 4:2

Ndelenee nye ava hamu tila edina lange, etango louyuki tali ke mu pitila, neveluko koshi yomavava alo. Ndele nye tamu ka pita mo nokunhuka ngaashi eenhaanguda, da dja moshinyongo.

NUMERI 24:17

Ame ohandi mu mono, ndelenee hapaife; ohandi mu tale, ndelenee hapopepi: onyofi tai ka holoka muJakob, nepangelodibo tali yeluka muIsrael. Ndele Ye ta ka teyaula eembadu domomutwe waMoab ndele ta kombo po oludalo alishe laShet.

JOHANNES 3:16

Osheshi osho Kalunga a kala e hole ounyuni, Oye a yandja Omona waye Ewifa, opo keshe ou te mu itavele aha kane, ndelenee a kale e nomwenyo waalushe.

OVAEFESO 5:14

Onghee ta ti: “Penduka ove ou ho kofa, ndele nyumuka movafi, Kristus ote ku minikile.”

OVAFILIPPI 1:8

Osheshi Kalunga Oye ondobwedi yange, nhumbi nde mu djuulukwa nohole yokomwenyo yaKristus Jesus.

OVAFILIPPI 2:1

Hano ngeenge ku na ekumaido lasha lomuKristus, ngee ehekeleko lasha lohole, ile oukumwe washa wOmhepo, nounamutimanghenda washa nolukeno,

OVAKOLOSSI 3:12

Onghee hano ovahoololwa nye vaKalunga, ovayapuki novaholike, djaleni efilonghenda lomomutima, ombili, elininipiko, engungumano noutalanheni,

2 PETRUS 1:19

Nonena otu nondjovo youxunganeki ya pamenena i dule yonale notamu wapeke, ngeenge tamu i diinine nawa momitima deni ngaashi onyika tai minikile momulaulu fiyo taku shi, nonyofi yongula tai piti.

1 JOHANNES 3:17

Ngeenge ope na ou e kwete emona lounyuni ou, ndele ta mono omumwaxe a hepa, ndele te mu kukutikile omutima waye, ohole yaKalunga otai kala mo ngahelipi muye?

EHOLOLO 22:16

“Ame, Jesus, onda tuma omweengeli wange e mu hepaululile oinima ei momaongalo. Aame oshitutuma shomoludalo laDavid, onyofi yongula tai vilima.”