LUKAS 1:48 - Ombibeli Iyapuki

⁴⁸ eshi a tala ouxupi womupiya. Tala, okonena omapupi aeshe otaa fimaneke nge ndimunelao.

LUKAS 1:48 ပူးပေါင်းရင်းမြစ်များ

GENESIS 30:13

Opo nee Lea okwa tya: “Ame omunelao, osheshi oukadona tava ka ifana nge omunelao!” Ndele ye e ka luka Asser.

2 SAMUEL 7:8

Onghee hano, lombwela omupiya wange David u tye: Omwene womatanga ovakwaita ta ti ngaha: Aame mwene nde ku kufa moufita wokulifa eedi, u ninge omukomesho woshiwana shange Israel,

OMAPSALOME 102:17

ote liameke komaindilo ovaefiwa, ndele ita dini omakweno avo.

OMAPSALOME 136:23

Oye tuu ou, e tu dimbulukwa mediniko letu, osheshi alushe ouwanghenda waye tau kala po.

OMAPSALOME 138:6

osheshi Omwene Oye a tumbala, ndele ta yavelele omudinwa, ndelenee ovalituliko ohe va dimbulukile kokule.

OMAPSALOME 72:17

Edina layo nali kale po fiyo alushe, fimbo oku netango, edina layo nali twalwatwalwe, opo oiwana aishe i nangekwe noupuna muyo noku i pandula yo i nelao.

JESAJA 66:2

Osheshi eke lange ola ninga oinima ei aishe, nosho aishe ei oya holoka, Omwene ta ti. Ndelenee Ame ohandi ka tala komufyoona nakwaau e nomhepo ya nyanyaulwa, ndele ta kakama molwondjovo yange.

MALAKIA 3:12

Opo nee oiwana aishe tai ke mu tanga nye ovanelao, osheshi nye otamu ka kala oshilongo sha hokiwa, Omwene womatanga ovakwaita ta ti.

LUKAS 1:28

Ndele omweengeli eshi e uya mo kuye okwa tya: “Kundwa, oove omufilwanghenda! Omwene oku li naave. Oove omunangekwa noupuna mokati kovakainhu.”

LUKAS 1:42

Ndele okwa popya mokule ta ti: “Oove omunangekwa noupuna mokati kovakainhu, ndele nakudalwa ou womwoove omunangekwa noupuna!

LUKAS 1:45

Ndele omunelao oyou ta itavela kutya osho te shi lombwelwa kOmwene, otashi ka wanifwa.”

LUKAS 1:49

Osheshi Omunaenghono a ningila nge oinima inene, nedina laye olo oliyapuki,

LUKAS 11:27

Ndele fimbo kwa li ta tongo odo, omukainhu umwe womongudu a popya mokule ta ti: “Edimo le ku humbata oli na elao nomavele aa wa nyama.”

1 SAMUEL 1:11

Ndele ye okwa udaneka eudaneko ndele ta ti: “Omwene womatanga ovakwaita, Ove ngeenge to tale oluhepo lomupiya woye omukainhu, ndele to dimbulukwa nge, ndele ito dimbwa omupiya woye omukainhu, ndele to yandje komupiya woye omukainhu okaana okalume, opo nee ame ohandi ke ka yandja kOmwene ka ninge kOmwene omafiku aeshe omokukala kwako. Noshimbi itashi ke uya komutwe wako.”

1 SAMUEL 2:8

Mondwi Ye ota yambula omufyoona ndele ta lenge omukwanaluhepo moshala shomute, vo va kale omutumba peehamba, va fyuulule olukalwa lado lefimano. “Osheshi eengudi dedu odo dOmwene, ndele kombada yado Ye okwa dika ounyuni.