LUKAS 1:32 - Ombibeli Iyapuki

³² Ye ota ningi omunene, ndele Ye e nokwiifanwa Omona waau wOkombadambada. Kalunga Omwene ote mu pe olukalwa louhamba waxe David;

LUKAS 1:32 ပူးပေါင်းရင်းမြစ်များ

2 SAMUEL 7:16

Nepata loye nouhamba woye otau ka kala po koshipala shoye fiyo alushe. Olukalwapangelo loye tali ka kala la pama fiyo alushe.

OMAPSALOME 132:11

Omwene okwa anena David eano lashili, ite li lundulula, a tya: “Umwe womoludalo loye, onda hala oku mu paka omutumba kolukalwapangelo loye.

OMAPSALOME 132:12

Ovana voye ovamati, ngeenge tava diinine ehangano lange navo, ehepaululo eli handi longo, opo nee ovana ovamati vavo otava kala yo kolukalwapangelo loye fiyo alushe.”

JESAJA 16:5

Ndele oshipundipangelo tashi pamekwa nefilonghenda nomusho, metwali laDavid, tamu ka kala omutumba omutokoli ta lalakanene ouyuki ndele ta diinine etokolo la yuka.

JEREMIA 17:25

opo nee eehamba nomalenga hava kala omutumba kolukalwapangelo laDavid, otava kala nokuuya mo moivelo yoshilando eshi, tava ende momatemba oita nokeenghambe pamwe nomalenga avo novalumenhu vaJuda noonakukalamo muJerusalem, noshilando eshi otashi ka kala alushelushe.

JEREMIA 22:2

u tye: “Uda ondjovo yOmwene, ove ohamba yaJuda u li omutumba kolukalwapangelo laDavid, ove mwene novapiya voye novanhu voye ava hava piti mo moivelo ei.”

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

MATEUS 1:1

Omushangwa weshikulafano lepata laJesus Kristus, omona waDavid, omona waAbraham.

MATEUS 12:42

Ohamba omukainhu yokoumbuwanhu otai ka fikama pamwe nepupi eli metokolo, ndele tai li pe etimba, osheshi oyo ya dile okominghulo dedu, ye uya okupwilikina eendunge daSalomo, ndele tala, ou e li apa, oku dule Salomo.

MATEUS 28:18

Ndele Jesus okwe uya kuvo, okwe va lombwela ndele ta ti: “Ame onda pewa eenghono adishe meulu nokombada yedu.

MATEUS 3:11

Ame ohandi mu shashe nomeva mu lidilulule, ndelenee ou ta di konima yange, e dule nge eenghono, ame inandi wana nande oku mu humbatela eenghaku daye. Oye te mu shashe nOmhepo Iyapuki nomundilo.

MARKUS 14:61

Ndele Ye okwa mwena, ina nyamukula sha. Omupristeli omukulunhu okwe mu pululula ndele ta ti: “Oove tuu Kristus, Omona wOmufimanekwa?”

MARKUS 5:7

ndele okwa ingida mokule ta ti: “Owa hala shike mwaame, Jesus, Omona waKalunga, Ou wOkombadambada? Ohandi ku anene kuKalunga ino hepeka nge.”

LUKAS 1:15

Osheshi ye ota ningi omunene koshipala shOmwene, omaviinyu nomeva keshe haa kolwifa ite a nu, ota yadifwa Omhepo Iyapuki fimbo e li medimo laina.

LUKAS 1:35

Ndele omweengeli okwe mu nyamukula ta ti: “Omhepo Iyapuki otai ku dile kombada, neenghono daau wOkombadambada otadi ku tuvikile, onghee hano omudalwa ou omuyapuki ota ka lukwa Omona waKalunga.

LUKAS 1:76

Ndele ove okaana, oto ka ifanwa omuxunganeki waau wOkombadambada, osheshi ove u nokutetekelela Omwene noku mu palela eendjila daye,

LUKAS 3:16

Johannes okwe va lombwela aveshe: “Ame ohandi mu shashe nomeva, ndele taku di ou e dule nge meenghono, ame inandi wana okuditula nande omiya deenghaku daye, ye ote mu shashe nOmhepo Iyapuki nomundilo.

LUKAS 6:35

Ndelenee holeni ovatondi veni, nye mu va ningile ouwa, yandjeni nye muha teelele okwaalulilwa sha, opo ondjabi yeni tai ningi inene, ndele nye otamu ningi ovana vaau wOkombadambada, osheshi naye yo oku na onheni naava vehe shii okupandula naava vai.

JOHANNES 12:34

Opo ongudu yovanhu ye mu nyamukula: “Fye otwe shi uda momhango kutya, Kristus ota ka kala alushe; Ove oto ti ngahelipi hano, Omona wOmunhu oku nokuyelulwa? Omona wOmunhu olyelye?”

JOHANNES 6:69

ndele fye twa itavela ndele tu shi shii, Oove Omuyapuki waKalunga.”

OILONGA YOVAYAPOSTOLI 16:17

Ye okwa li te tu shikula fye naPaulus, ndele ta popi pombada ta ti: “Ovalumenhu ava ovo ovamati vaKalunga, ou e li kombada yaaishe, vo otave mu hepaululile ondjila yexupifo.”

OILONGA YOVAYAPOSTOLI 2:30

Ndele oye eshi a li omuxunganeki, okwa li e shi shii Kalunga e mu anenene eano nokutya, umwe womoludalo laye e nokukala omutumba kolukalwa laye louhamba.

OILONGA YOVAYAPOSTOLI 2:36

“Hano eumbo alishe laIsrael nali shiive shili, Jesus tuu ou, mwe mu valela komushiyakano, Kalunga okwe mu ninga Omwene naKristus.”

OILONGA YOVAYAPOSTOLI 7:48

Ndele ou wOkombadambada iha kala meetembeli da tungwa nomake ovanhu, ngaashi omuxunganeki ta ti:

OVAROMA 1:4

ndele kombinga yOmhepo yOuyapuki okwa lengwa a kale Omona waKalunga meenghono, eshi a nyumuka movafi. Oye Jesus Kristus, Omwene wetu,

EHOLOLO 3:7

“Nomweengeli weongalo lomuFiladelfia mu shangela, to ti: ‘Omuyapuki nOmunashili, ou e kwete oshapi yaDavid, ou ta yeulula nopehe na ou ta idile po, ndele ta idile po, ndele kape na ou ta yeulula po, Oye ta ti ngaha: