LUKAS 1:28 - Ombibeli Iyapuki

²⁸ Ndele omweengeli eshi e uya mo kuye okwa tya: “Kundwa, oove omufilwanghenda! Omwene oku li naave. Oove omunangekwa noupuna mokati kovakainhu.”

LUKAS 1:28 ပူးပေါင်းရင်းမြစ်များ

JESAJA 43:5

“Ino tila, osheshi Ame ondi li pwoove; oludalo loye ohandi ke li tala ko koushilo nohandi ku kombelele kouninginino.

DANIEL 10:19

Ndele ye okwa tya: “Kala nomwenyo muwa, oove omulumenhu muwa.” Ombili nai kale naave. Kala wa pama, heeno, lipameka! Ndele fimbo ta popifa nge, ame ondi udite eenghono mwaame, ndele handi ti: “Omwene wange, popya, osheshi Ove wa pameka nge.”

HOSEA 14:2

Indeni neendjovo nye mu alukile kOmwene mu tye: “Dima po omatimba aeshe. Tu tambulila mefilonghenda loye, opo nee hatu ke ku yambela eyambo lomilungu ponhele yeengobe.

MATEUS 12:48

Ndelenee Ye okwa nyamukula ou e shi mu lombwela, ta ti: “Meme olyelye novamwameme oolyelye?”

LUKAS 1:27

okokakadona ka putulwa komulumenhu edina laye Josef, womepata laDavid, nedina lokakadona oMaria.

LUKAS 1:29

Ndele ye okwa halukifwa keendjovo odo nokwe lipula kutya ekundo olo otali ti ngahelipi.

LUKAS 1:30

Ndele opo omweengeli okwa tya kuye: “Maria, ino tila, osheshi ove owa mona onghenda kuKalunga.

LUKAS 1:42

Ndele okwa popya mokule ta ti: “Oove omunangekwa noupuna mokati kovakainhu, ndele nakudalwa ou womwoove omunangekwa noupuna!

OILONGA YOVAYAPOSTOLI 18:10

osheshi Ame ndi novanhu vahapu moshilando eshi.”

OVAEFESO 1:6

okupandulifa efimano longhenda yaye e i tu pa mOmuholike.

OVATOKOLIPANGELI 5:24

“Mokati kovalikadi, Jael omwalikadi waEber, Omukeni, na nangekwe noupuna. Na nangekwe noupuna mokati kovalikadi hava kala momatwali.

OVATOKOLIPANGELI 6:12

Nomweengeli wOmwene okwe mu holokela ndele ta ti kuye: “Omwene oku li pamwe naave, omukwanyati omuladi!”

RUT 2:4

Ndele Boas okwe uya mo, ta di muBetlehem, nokwa popifa ovatei ta ti: “Omwene na kale nanye!” Ndele vo ove mu nyamukula: “Omwene ne ku nangeke noupuna!”