LEVITIKUS 9:3 - Ombibeli Iyapuki

³ Ndele lombwela ovana vaIsrael u tye: ‘Kufeni oshikombo oshindume etimbayambo nonhana nodjona, aishe ivali yomudo umwe, ihe noshipo, exwikiloyambo,

LEVITIKUS 9:3 ပူးပေါင်းရင်းမြစ်များ

GENESIS 37:31

Opo nee vo ova kufa oshikutu shaJosef ndee va dipaa oshikombo ndele va dedaula oshikutu mohonde,

ESRA 10:19

Ndelenee mokupaafana omake va udaneka nokutya, tava ka lekela ovakainhu vavo, ndele tava ka yamba molwombedi yavo odi yomhedi.

ESRA 6:17

Ndele moshivilo sheyapulo longulu ei yaKalunga va yamba: eengobe efele limwe deemhedi, eedi omafele avali deemhedi oudjona omafele ane, ndele etimbayambo oikombo omulongo naivali omolwOvaisraeli aveshe pamuvalo womapata aIsrael.

EXODUS 12:5

Yo i nokukala odjona ihe noshiponga, odi okamhedi komudo umwe. Tava dulu oku i kufa ngeenge meedi ile moikombo.

JESAJA 53:10

Ndelenee osha wapalela Omwene oku mu nyanyaula, Ye e mu denga noudu; ngeenge ta yandje omwenyo waye u ninge etimbayambo opo nee ota ka mona oludalo, ndele ta kala e na omwenyo mule, ndele ta wanifa ehalo lOmwene.

LEVITIKUS 10:16

Ndele Moses okwa konga nokukongelela oshikombo shetimbayambo, ndelenee tashi xwikwa po! Onghee hano ye okwa handukila unene Eliaser naItamar, ovana ovamati vaAron, ava va xupa po, ndele ye okwa tile:

LEVITIKUS 12:6

Nomafiku oumwali konima yokudala okaana okamati ile okakadona, ngeenge a pwa, ye na ete odi yomudo umwe exwikiloyambo komupristeli nokanghutyona ile onghuti molwetimbayambo poshivelo shetwali leongalo.

LEVITIKUS 14:10

Ndele mefiku etihetatu e nokukufa oudjona vavali vehe noshipo nokadjona okakadi komudo umwe kehe noshipo ndele e nokukufa oufila wa nakwa u fike peekilograma nhatu ngaashi eendjayambo mwa pilulilwa omaadi, nomaadi oshitatu sholita.

LEVITIKUS 16:15

“Opo nee ye e nokudipaa oshikombo shetimbayambo loshiwana nokutwala ohonde yasho meni loshitukulifoyata nokuninga nohonde ngaashi a ninga nohonde yongobe yomhedi: ye noku i shamina koshituviko shekwatakanifo nokomesho yoshituviko shekwatakanifo.

LEVITIKUS 16:5

Ndele ye e nokutambula keongalo lovana vaIsrael oikombo yoindume ivali etimbayambo nodi imwe exwikiloyambo.

LEVITIKUS 23:12

Mefiku tuu olo nye tamu dungadungifa oshipandi, mu nokuyambela Omwene odi yomudo umwe ihe noshipo exwikiloyambo,

LEVITIKUS 4:23

ile omanyonauno aye e a ninga ngaha ngeenge a dimbulukiwa kuye, ye e nokweeta oshikombo shihe noshipo nokutya, oshikombo oshindume, osho eyambo laye,

LEVITIKUS 4:3

ngaashi ngeenge omupristeli a vaekwa ta nyono ndele ta ningi oshihopaelelwa shii kovanhu, omolwokunyona kwaye e nokweetela Omwene ongobe yomhedi onyasha ihe noshipo etimbayambo;

LEVITIKUS 9:2

ndele ta lombwele Aron: “Likufila onhana yondume inai lutulwa ngaashi etimbayambo, nodi yondume ngaashi exwikiloyambo, adishe mbali dihe noshipo. Di eta koshipala shOmwene.

LEVITIKUS 9:4

nosho yo ohove nodi epanduloyambo di yambwe koshipala shOmwene, neendjayambo da lungilwa omaadi, osheshi nena eli Omwene te mu holokele.’ ”

OVAROMA 8:3

Osheshi eshi sha nyenga omhango shaashi ya nghonopalekwa kombelela, Kalunga okwe shi longa, eshi a tuma Omona waye mwene molupe lombelela ya nyika oulunde nomolwoulunde, ndele okwa tokola oulunde mombelela,

2 OVAKORINTO 5:21

Oye ou ina shiiva nande oulunde, okwe mu ninga oulunde molwetu, opo tu ninge ouyuki waKalunga muye.

TITUS 2:14

Oye ou e liyandja ponhele yetu e tu kulile mo mowii aushe Ye e liyelifile oshiwana shaye mwene, osho hashi diinine shili oilonga iwa.

1 PETRUS 2:24

Oye ou a humbata Ye mwene omatimba etu molutu laye noku a londeka komushiyakano, opo tu longe ouyuki, eshi twa fya mo moulunde; Oye ou mwa velulwa koipute yaye.

1 PETRUS 3:18

Osheshi naKristus okwa fila yo omatimba lumwe aluke, omuyuki ponhele yovalunde, opo e tu twale kuKalunga; okwa dipawa palutu nokwa tulwa omwenyo pamhepo,

EHOLOLO 5:9

Ndele tava imbi eimbilo lipe, tava ti: “Ove owa wana okutambula omushangwatonywa ou, nokumatula oipatifo yao, osheshi Ove owa dipawa, ndele we va kulilila Kalunga nohonde yoye mukeshe oludi nelaka novanhu noiwana,