LEVITIKUS 8:30 - Ombibeli Iyapuki

³⁰ Moses okwa kufa yo momaadi okuvaeka nomohonde ei ya kala koaltari, nokwe i shamina Aron noikutu yaye novana vaye ovamati noikutu yavo. Osho ngaha hano okwa yapula Aron noikutu yaye, novana vaye ovamati noikutu yavo.

LEVITIKUS 8:30 ပူးပေါင်းရင်းမြစ်များ

EXODUS 28:2

Ndele ove u nokuhondjelifa Aron oikutu iyapuki i ninge efimano newapalo laye.

EXODUS 29:21

Opo nee kufa mo mohonde ei i li koaltari nomomaadi okuvaeka noku i shamina kuAron nokoikutu yaye ngaashi yo kovana vaye ovamati, nokoikutu yovana vaye ovamati pamwe naye, opo ye a shiive okukala omuyapuki noikutu yaye yo novana vaye ovamati noikutu yavo yo pamwe naye.

EXODUS 30:30

Ove u nokuvaeka yo Aron novana vaye ovamati noku va yapulila okuyakula nge moshilonga shoupristeli.

JESAJA 61:1

Omhepo yOmwene, Omwene oi li kombada yange, osheshi Ye okwa vaeka nge ndi udifile omapongo ondaka yehafo, okwa tuma nge ndi mange ava ve na omutima wa nyanyaulwa, okwiingidila eenghwate emangululo naava ve li meemango, eyeuluko leedolongo;

JESAJA 61:3

okudika komutwe woonakunyika oluhodi vaSion, embale loulenga ponhele yomute, nomuvavo wehafo ponhele yoluhodi, oshikutu shehambelelo ponhele yomhepo ya djuupala; opo vo va ifanwe omiti domiterebinti douyuki, oshikunino shOmwene shoku mu fimanekifa.

LEVITIKUS 10:3

Opo nee Moses ta ti kuAron: “Eshi osho tuu osho Omwene e shi tile, eshi ta ti: ‘Mwaava ve li popepi naame, Ame nda hala okushiivifa ouyapuki wange nomoipafi yovanhu aveshe nda hala okulifimanekifa.’ ” Ndelenee Aron okwa mwena.

LEVITIKUS 7:35

Osho oshitukulwa shaAron noshovana vaye ovamati komundiloyambo wOmwene okudja efiku tuu linya Ame nde va ehenifa okulongela Omwene moshilonga shoupristeli,

LEVITIKUS 7:36

osho sha tongwa kOmwene ve shi pewe kombinga yovana vaIsrael mefiku tuu olo Ye e va vaekele. Yo onghedimhango yaalushe komaludalo avo.

LEVITIKUS 8:12

Opo nee ye okwa tila omaadi okuvaeka komutwe waAron nokwe mu vaeka a yapulwe.

NUMERI 3:3

Oo omadina ovana ovamati vaAron, ovapristeli va vaekwa, ava e va tula mokuyakula moshilonga shoupristeli.

OVAHEBERI 2:11

Osheshi ou ta yapula naava va yapulwa, aveshe ova dja muumwe, onghee ita fi ohoni oku va ifana ovamwaxe,

1 PETRUS 1:2

ava va hoololelwa pashiivo laKalunga Xe, okudulika meyapulo lOmhepo kuJesus Kristus nokushaminwa ohonde yaye. Efilonghenda nombili nai mu hapupalele.

1 JOHANNES 2:27

Ndele evaeko eli mwe li pewa kuye, otali kala munye, ndele itamu pumbwa mu longwe nande kuumwe; ndelenee ngaashi evaeko laye hali mu longo aishe, nosho yo elongo olo loshili kali fi oipupulu nongaashi le mu longa, hano osho kaleni muye.

EHOLOLO 7:14

Ame onda tya kuye: “Omwene wange, Ove ou shi shii.” Ndele Ye okwa lombwela nge: “Ava ovava va dile momahepeko manene, ndele va kosha oikutu yavo, ndele ve i yelifa mohonde yOdjona.