LEVITIKUS 7:21 - Ombibeli Iyapuki

²¹ Ndele umwe ngeenge ta kumu sha sha nyata, onyata yomunhu ile oshinamwenyo sha nyata, shoixuna, ndele ta li ombelela yepanduloyambo lOmwene, omwenyo waye u nokudimwa mo muvakwao.”

LEVITIKUS 7:21 ပူးပေါင်းရင်းမြစ်များ

GENESIS 17:14

Ndele omulumenhu ou ina pita etanda, e na oshipa shokoxulo youlumenhu waye inashi tetwa ko, omunhu e li ngaha na kombwe mo muvakwao. Ye okwa teya ehangano lange.”

EXODUS 12:15

Momafiku aheyali mu nokulya omingome dihe nonhafi. Mefiku lotete nokuli mu nokweekelashi momaumbo eni olumbololo lomungome li nonhafi. Osheshi keshe ou ta li omungome u nonhafi mefiku lotete fiyo okefiku etihamano, omwenyo ou u nokunyonwa po muIsrael.

EXODUS 12:19

Momafiku aheyali muha monike momaumbo eni onhafi yomungome, osheshi keshe ou ta li omungome u nonhafi na nyonwe mo moshiwana shaIsrael, ngeenge omunailongo ile omudalelwa mo.

HESEKIEL 33:25

Onghee hano tya kuvo: Omwene Kalunga ta ti ngaha: nye otamu li ombelela i nohonde ndele omesho eni tamu a yelulile oikalunga yeni, ndele tamu tileshi ohonde, ndele nye ngeno mu pewe nee oshilongo eshi shi ninge sheni?

HESEKIEL 4:14

Ndelenee onda tya: “Akutu Omwene Kalunga, tala, omwenyo wange inau nyatekwa nande efiku limwe nokudja kounyasha wange fiyo opaife inandi lya sha eshi she lifila ile eshi sha nyanyaulwa, nomokanya kange inamu uya nande ombelela inai yela.”

LEVITIKUS 11:20

Noupuka aveshe ve nomavava hava ende nomaulu ane. Vo oshidila kunye.

LEVITIKUS 12:1

Omwene okwa popya vali naMoses ndele ta ti:

LEVITIKUS 17:10

“Ndele keshe umwe womeumbo laIsrael ile womovanailongo tava kala mokati keni, ta li ohonde keshe, heeno, kukeshe ou ha li ohonde, Ame ohandi ke mu taalelifa oshipala shange nehandu noku mu dima mo moshiwana sheni.

LEVITIKUS 17:14

Osheshi omwenyo wombelela keshe oo ohonde, muyo omo mu nomwenyo. Onghee hano nda lombwela ovana vaIsrael: Inamu lya ohonde yomombelela, osheshi omwenyo wombelela keshe oo ohonde. Keshe umwe te i li, e nokudimwa po.

LEVITIKUS 18:29

Osheshi aveshe ava hava ningi sha shomoixuna ei, ove na okudimwa mo moshiwana.

LEVITIKUS 19:8

Ndele ou te li li, ota ka humbata etimba laye, osheshi olo la li liyapuki kOmwene, ndelenee ye okwe li nyateka. Onghee hano omwenyo ou u nokudimwa mo movanhu.

LEVITIKUS 20:3

Naame ohandi ke mu taalelifa oshipala shange nehandu, ndele Ame ohandi ke mu dima mo moshiwana shaye. Osheshi ye a yandja ovana vaye kuMolek, opo a nyateke etwali lange liyapuki nokushekifa edina lange liyapuki.

LEVITIKUS 22:3

Va lombwela nokutya, keshe ou womoludalo leni alishe ta ehene fimbo ine liyapula keeshali diyapuki edi ovana vaIsrael tave di yapulile Omwene, omwenyo ou u nokudimwa po koshipala shange. Aame Omwene.

LEVITIKUS 22:4

Nande umwe womoludalo laAron, ou e noudu woshilundu ile etiko lomaxu, ita dulu okulya keeshali diyapuki fimbo ina fetwa mo. Naau ta kumu umwe ou e linyatekifa koshimhu ile ta kumu ou e netiko lomaxumbuto,

LEVITIKUS 23:29

Osheshi keshe umwe, ou ita fi oluhodi mefiku tuu olo, e nokudimwa po moshiwana shavo.

LEVITIKUS 7:20

“Ndelenee ou ta li ombelela yepanduloyambo lOmwene, fimbo ye ina yela, omwenyo waye u nokudimwa mo muvakwao.

LEVITIKUS 7:22

Omwene okwa popya vali naMoses a lombwela ovana vaIsrael a tye:

LEVITIKUS 7:25

osheshi keshe umwe ou ta li omakaadi oimuna oyo hava etele Omwene omundiloyambo, oye tuu ou te a li, e nokudimwa mo muvakwao.

LEVITIKUS 7:27

Keshe umwe ta li ohonde keshe, omwenyo waye u nokudimwa mo muvakwao.”

NUMERI 19:22

Heeno, ashishe eshi tashi kumwa kwaau ina yela, otashi kala sha nyata. Nomunhu ou te mu kumu, ota ka kala ina yela fiyo onguloshi.”

DEUTERONOMION 14:10

Ndelenee aishe ei ihe nomilenge nomapeta inamu i lya, yo inai yela kunye.

DEUTERONOMION 14:3

“Inamu lya oixuna.

1 SAMUEL 20:26

Ndele Saul ina popya sha mefiku olo, osheshi a diladila: “Kashiimba she mu ningilwa onghee ina yela. Oshili ina yela.”