LEVITIKUS 7:2 - Ombibeli Iyapuki

² “Monhele tuu oyo hava tomene exwikiloyambo, ve nokutomena yo okuvelombediyambo, ndele ye e nokushamina ohonde keembinga adishe doaltari.

LEVITIKUS 7:2 ပူးပေါင်းရင်းမြစ်များ

JESAJA 52:15

osho ta ka kumwifa oiwana ihapu, eehamba otadi ke likwata komilungu, da kumwa. Osheshi eshi inave shi hepaululilwa, otave shi mono. Naashi inave shi uda otave ke shi shiiva.

HESEKIEL 36:25

Opo nee handi ka tila kombada yeni omeva a yela, opo mu yele. Ame ohandi ke mu yapula eenyata deni adishe noikalunga yeni aishe.

HESEKIEL 40:39

Nomehale loposhivelo mwa li oitaafula ivali kombinga imwe noitaafula ivali kombinga ikwao, opo exwikiloyambo, netimbayambo nokuvelombediyambo i tomenwe po.

LEVITIKUS 1:11

ndele ye e noku i dipaela kombinga yokoumbangalanhu woaltari koshipala shOmwene; novapristeli, ovana ovamati vaAron, ve nokutila ohonde keembinga adishe doaltari.

LEVITIKUS 1:3

“Eyambo laye ngeenge exwikiloyambo lomeengobe, ye e nokweeta ongobe yomhedi ihe noshipo. Ye e noku i eta koshivelo shetwali leongalo, opo e li monene okuhokiwa koshipala shOmwene.

LEVITIKUS 1:5

Opo nee ye e nokudipaa ongobe onyasha yomhedi koshipala shOmwene, novapristeli, ovamati vaAron, ve nokweeta ohonde noku i shamina keembinga adishe doaltari oyo i li komesho yoshivelo shetwali leongalo.

LEVITIKUS 14:13

Opo nee ta dipaele odjona monhele apa hava tomene etimbayambo nexwikiloyambo, monhele iyapuki. Osheshi okuvelombediyambo ngaashi etimbayambo otai ningi yomupristeli. Olo liyapukielela.

LEVITIKUS 3:2

Ndele ye e nokutenheka eke laye komutwe weyambo laye noku i tomena poshivelo shetwali leongalo. Novapristeli, ovamati vaAron, ve nokutila ohonde keembinga adishe doaltari.

LEVITIKUS 3:8

nokutenheka eke laye komutwe weyambo laye ndele te i dipaa komesho yetwali leongalo. Novana ovamati vaAron ve nokutila ohonde keembinga adishe doaltari.

LEVITIKUS 4:24

ndele ye e nokutenheka eke laye komutwe woshikombo, noku shi dipaela monhele omo vo hava tomene exwikiloyambo koshipala shOmwene. Olo etimbayambo laye.

LEVITIKUS 4:29

ndele ye e nokutenheka eke laye komutwe wetimbayambo nokudipaela oshikombo eshi etimbayambo monhele yexwikiloyambo.

LEVITIKUS 4:33

ndele ye e nokutula eke laye komutwe wetimbayambo noku ka dipaa ngaashi etimbayambo monhele muyo hava tomene exwikiloyambo.

LEVITIKUS 5:16

Ndele ye e nokufuta eshi e shi kufa mo moinima ya yapulwa nokuwedela ko oshititano shondjele yasho ndele ne shi pe omupristeli. Omupristeli ye eshi e mu kwatakanifa ngaha mokuyamba odi yehandukulukifo, ye ote ke shi diminwa po.

LEVITIKUS 5:7

“Ndelenee ye ngeenge ohepele, ta nyengwa okweeta odi, ye e nokweetela Omwene ofuto yokunyona kwaye omalyamono avali ile eenghutyona mbali, imwe etimbayambo, ikwao exwikiloyambo.

LEVITIKUS 5:9

Opo nee ye e nokushamina kombinga yoaltari ohonde yetimbayambo. Ndelenee ohonde ei ya xupa po i nokufininwa kombinga yokoshi yoaltari. Olo etimbayambo.

LEVITIKUS 6:25

Omhango yetimbayambo oyei: “Monhele apa exwikiloyambo tali tomwa, etimbayambo li nokutomwa koshipala shOmwene. Olo liyapukielela.

LEVITIKUS 6:7

Opo nee omupristeli e noku mu kwatakanifa koshipala shOmwene, ndele enyono tali mu diminwa po, nakeshe eshi omunhu a ninga musho a pewa oushima.”

NUMERI 6:12

Opo nee ye e nokuliudanekela vali Omwene omafiku omounasiri waye nokweeta kOmwene odi yomudo umwe okuvelombediyambo. Nomafiku enya otete itaa valwa vali, osheshi ounasiri waye wa nyatekwa.

OVAHEBERI 11:28

Meitavelo okwa dika po Opaasa neshamino lohonde, omudipai woiveli opo aha kume kuvo.

OVAHEBERI 12:24

nokuJesus, Omupokati wehangano lipe nokohonde yeshamino tai tongo oinima iwa i dule inya yaAbel.

1 PETRUS 1:2

ava va hoololelwa pashiivo laKalunga Xe, okudulika meyapulo lOmhepo kuJesus Kristus nokushaminwa ohonde yaye. Efilonghenda nombili nai mu hapupalele.