LEVITIKUS 7:18 - Ombibeli Iyapuki

¹⁸ Ndele ngeenge ombelela yepanduloyambo laye tai liwa efiku etitatu, inashi wapala noitashi wapalele omweeti wayo. Oyo ya nyata; nakeshe ou ta li kuyo e nokuhumbata ombedi yaye.

LEVITIKUS 7:18 ပူးပေါင်းရင်းမြစ်များ

OMAYELETUMBULO 15:8

Eyambo lomuhenakalunga olo oixuna koshipala shOmwene, ndelenee eindilo lomuyuki Ye te li hokwa.

JESAJA 65:4

ohava kala omutumba meembila, nohava nangala meenhele da hondama, ohava li ombelela yoshingulu, nomunghoka woixuna u li momatiti avo,

JESAJA 66:3

Ou ta tomo ongobe, oye a fa ou ta dipaa omulumenhu, ou ta yambe odi ngaashi ou ta teya yo ombwa ofingo; ou ta yambe eendjayambo ngaashi ou ta yambe ohonde yoshingulu, ou ta yambe etwimino ngaashi edimbulukifoyambo, oye e li ngaashi ou ta fimaneke oshikalunga. Ngaashi ovo ve lihoololela eendjila davo vene neemwenyo davo oda hokwa oixuna yavo,

JEREMIA 14:10

Ovanhu ava, Omwene ote va tongo ta ti ngaha: Osho ve li ve hole okweelaela, ihava kelele eemhadi davo, onghee hano Omwene ine va hokwa; paife ota dimbulukwa oilonga yavo ii, ndele ta handukile omatimba avo.

JEREMIA 14:12

Nande hava kala nokulidilika, itandi udu onghuwo yavo nonande have yambe omaxwikiloyambo neendjayambo, Ame itandi va hokwa ndelenee Ame ohandi va mane po neongamukonda nondjala noudu wolutapo.”

HESEKIEL 18:20

Omwenyo ou tau nyono u nokufya. Omona ita ka humbata oulunde waxe, naxe ita ka humbata oulunde womona. Ouyuki wovayuki tau ka kala kombada yaye, nouhenakalunga wovahenakalunga otau ka kala kombada yomuhenakalunga.

HOSEA 8:13

Ohava yambe ombelela etomenoyambo lange. Ndele tave i li po. Omwene ine shi hokwa. Paife ota ka dimbulukwa owii wavo, ndele ta handukile omatimba avo. Ove nokushuna kuEgipiti.

LEVITIKUS 10:17

“Omolwashike etimbayambo inamu li lila monhele iyapuki? Osheshi olo liyapukielela, ye okwe li mu pa omanyonauno eongalo a kufwe po, oku va kwatakanifa koshipala shOmwene.

LEVITIKUS 10:19

Opo nee Aron ta ti kuMoses: “Tala, vo ova eta nena eli etimbayambo lavo nexwikiloyambo lavo koshipala shOmwene, noinima ya tya ngaha ya hanga nge. Ame ngeenge handi li nena etimbayambo, otashi wapalele tuu Omwene?”

LEVITIKUS 11:41

Ndelenee omapuka aeshe tae linyenge kombada yedu, oo oshidila, itaa liwa.

LEVITIKUS 17:16

Ndelenee ngeenge ite i kosho ile ita kosho olutu laye, ye e nokuhumbata etimba laye.”

LEVITIKUS 19:5

“Ndele ngeenge tamu tomene Omwene epanduloyambo, nye mu noku li yamba ngaha, mu shiive oku mu wapalela:

LEVITIKUS 20:17

“Nomulumenhu ngeenge ta hombola omumwaina omukainhu nokutya, omona okakadona ka xe ile omona okakadona ka ina, ndele ye ota dula mo eteta laye naawinya ota dula mo eteta laye, sho oshififahoni. Onghee hano vo ove nokudimwa mo moipafi yoshiwana shavo. Ye okwa dula mo eteta lomumwaina omukainhu. Ye e nokuhumbata etimba laye.

LEVITIKUS 20:19

“Ino dula mo eteta lomumwaina wa nyoko ile eteta lomumwaina wa xo, osheshi vo ovakweni. Vo ve nokuhumbata etimba lavo.

LEVITIKUS 22:16

vo vehe va vele eembedi vo ngeenge tava li eeshali diyapuki, osheshi Aame Omwene, ou te va yapula.”

LEVITIKUS 22:23

Ndelenee ongobe ile odi ngeenge i noshinhimbu shile unene ile shixupi unene, to dulu oku i yamba eyambo kehalo liwa. Ndelenee ngaashi eudanekoyambo itai mu wapalele.

LEVITIKUS 22:25

ndele meke lomunailongo inamu lilandela oinamwenyo ya tya ngaha mu i etele Kalunga keni ngaashi eendja, osheshi yo inai wapala, oi noshipo. Omolwayo nye itamu ka wapalela Omwene.”

LEVITIKUS 5:17

“Umwe ngeenge ta nyono nomokuhashiiva ta ningi sha eshi sha shilikwa kOmwene, ndele ta pewa ombedi ndele e nokuhumbata okunyona kwaye,

LEVITIKUS 7:19

Nombelela ya kuma keshe eshi sha nyata itai liwa. I nokuxwikwa po momundilo. Nokupopya ombelela, keshe omunhu a yela, oye ta shiiva oku i lya, ndele haye ou a nyata

AMOS 5:22

Osheshi nande tamu etele nge omaxwikiloyambo pamwe neendjayambo deni, Ame inandi i hokwa. Nepanduloyambo leenhana deni da ondolwa Ame ihandi li tale nohokwe.

MALAKIA 1:10

Ngeno mokati keni mu kale umwe ou ta idile oivelo, muha shiive okutema omundilo oshimha koaltari yange! Ame inandi mu hokwa nande, Omwene womatanga ovakwaita ta ti, ndele itandi tambula eyambo tali di momake eni.

MALAKIA 1:13

Ndele nye tamu ti: Taleni, oudjuu u fike peni! Ndele nye tamu shi dini, Omwene womatanga ovakwaita ta ti. Ndele nye tamu eta oshimuna sha vakwa, ile shilema ile tashi vele; osho ngaha tamu eta omayambo! Ame ohandi hokwa tuu oku shi tambula momake eni, Omwene womatanga ovakwaita ta ti.

NUMERI 18:27

Ndele otashi talwa osho oshaliyambo yeni ngaashi oilya yomoshipale nomaviinyu omoshikolelo.

LUKAS 16:15

Ndele opo Ye okwe va lombwela: “Onye tuu ovo hamu lipe ouyuki moipafi yovanhu, ndelenee Kalunga e wete omitima deni, osheshi osho sha fimana povanhu, osho oixuna puKalunga.

OVAROMA 4:11

Ndele okwa pewa edidiliko lepitotanda, li ninge oshilimbo shouyuki womeitavelo a li e li kwete fimbo ina pita etanda, opo ye a ninge xe yaaveshe ava hava itavele vehe netanda, opo va valulilwe yo ouyuki;

OVAHEBERI 9:28

osho tuu naKristus yo, eshi a yandjelwe lumwe aluke eyambo a kufe po omatimba avahapu, ta ka holoka olutivali ehe netimba kwaava have mu teelele, va mone exupifo.

1 PETRUS 2:24

Oye ou a humbata Ye mwene omatimba etu molutu laye noku a londeka komushiyakano, opo tu longe ouyuki, eshi twa fya mo moulunde; Oye ou mwa velulwa koipute yaye.