LEVITIKUS 6:2 - Ombibeli Iyapuki

² “Umwe ngeenge ha nyono mokuhadulika kOmwene eshi ta anye nokutya, okwa tambula kumukwao eshi ye e mu pa ile a pewa kuye e shi tuvikile ile eshi ye e shi likufila ile a nyeka sha shamukwao moku mu fininika,

LEVITIKUS 6:2 ပူးပေါင်းရင်းမြစ်များ

GENESIS 26:7

Ndele ovalumenhu vomoshilongo osho eshi ve mu pula omwalikadi waye, ye okwa nyamukula ta ti: “Ye omumwameme.” Osheshi ye okwa li a tila okutya: “Ye omwalikadi wange”, osheshi pamwe ovalumenhu vomoshilongo osho otave mu dipaa molwaRebeka. Osheshi Rebeka okwa li muwa.

OMAPSALOME 51:4

Kwoove akuke nda nyona, nonda ninga eshi shii momesho oye, opo u kale omuyuki meendjovo doye, nouhenombedi mokutokola kwoye.

OMAYELETUMBULO 24:28

Ino hokololifa omushiinda shoye, ehe netimba, ile ho kengelele nomilungu doye.

OMAYELETUMBULO 26:19

omulumenhu osho e li ou ta kengelele mukwao ndele ta ti: “Ame nda danauka ashike!”

JESAJA 21:2

Ame onda talifwa emoniko lidjuu. Omutinhi ota tinhi nomuhanauni ta hanauna. Fikama, Elam! Media, kondeka! Enyemato keshe ohandi li xulifa po!

JESAJA 24:16

Okominghulo dedu otwa uda omaimbilo ehambelelo: “Oshitukulilwa shomuyuki oshiwa! Ndelenee ame ohandi ti: Ohandi pwinine, ohandi pwinine fiyo handi xulu po. Woo aame! Ovanyeki otava nyeka, ovatinhi otava tinhi nokutinhinina!”

JESAJA 33:1

Woo, omuhanauni oove; ove mwene ino hanaunwa po! Oshimhulu oove, ou ino tinhwa po! Ngeenge wa mana okuhanauna, ove oto ka hanaunwa, nongeenge wa mana okutinha, naave oto ka tinhwa po.

JEREMIA 9:5

Ndele hava kengelele keshe umwe okaume kaye noihava popi doshili; omalaka avo ve a ikililifa okupopya oipupulu, ndele fiyo okokuloloka ova ninga eshi inashi yuka.

HESEKIEL 40:46

Nokakololo oko, oshivelo shako sha taalela koumbangalanhu, oko kovapristeli hava yakula poaltari. Vo ovana vaSadok, ovo vomuLevi, tava shiiva okuya kOmwene, ve mu longele.

LEVITIKUS 1:3

“Eyambo laye ngeenge exwikiloyambo lomeengobe, ye e nokweeta ongobe yomhedi ihe noshipo. Ye e noku i eta koshivelo shetwali leongalo, opo e li monene okuhokiwa koshipala shOmwene.

LEVITIKUS 19:11

“Nye inamu vaka noinamu popya oipupulu, ndele inamu kengelelafana.

LEVITIKUS 5:15

Omunhu ngeenge ta tauluka nomolwoungone ta nyono nokukufa sha shomwaayo ya yapulilwa Omwene, na etele Omwene ofuto odi ondume ihe noshipo yomoimuna opakuyeleka kwaye moisekeli oisiliveli pakushikula kwoisekeli yetwali liyapuki, ehandukulukifo.

LEVITIKUS 5:19

Olo ehandukulukifo, shaashi ye okwa velwa ombedi kOmwene.”

LEVITIKUS 6:1

Omwene okwa lombwela vali Moses ndele ta ti:

AMOS 8:5

eshi tamu ti: “Ohani ipe onaini tai fi ko, opo fye tu shiive okulandifa oilya, nEshabata, opo tu shiive okumatula okaanda, fye tu ninipike oshiyelekifo sheefa, ndele tu nenepeke oshiyelekifo shasekeli nokufufya noshiyelekifo shoipupulu,

HABAKUK 1:13

Omesho oye okuyela, itaa shiiva okutala owii, ndele ito shiiva okutala oulunde. Oshike hano ho tale ovaliteeki, Ove ho mwena, ngeenge omudinikalunga ta pona po omuyuki?

JOHANNES 8:44

Nye omu na xo yeni, Satana, ndele ouhalu waxo yeni mwa hala oku u wanifa. Ye omudipai nghee a dja, ina kala moshili, osheshi muye kamu na oshili. Eshi ta tongo oipupulu, ota tongo eshi shaye mwene, shaashi ye omunaipupulu naxe yayo.

OILONGA YOVAYAPOSTOLI 5:4

Kala li loye fimbo inali landifwa po, naashi la landifwa po, oshilandwa shalo kasha li mepangelo loye? Oshike hano eshi wa paka mo momutima woye u longe eshi? Havanhu wa fufya, oKalunga.”

OVAEFESO 4:25

Onghee hano efeni oipupulu, popyeni oshili keshe tuu namukwao, osheshi mokukalafana ofye oinhimbu yaKristus.

OVAKOLOSSI 3:9

Inamu lombwelafana oipupulu, osheshi nye omwe lidula omunhu mukulu pamwe noilonga yaye,

EHOLOLO 22:15

Ndelenee pondje tapa kala eembwa novakomeni voudiyo novahaeli novadipai novafimaneki voikalunga naaveshe ava ve hole oipupulu noku i wanifa.