LEVITIKUS 5:6 - Ombibeli Iyapuki

⁶ na etele Omwene ofuto yokunyona kwaye odi yonghadi nokutya, okadjona okakadi ile oshikombo, etimbayambo. Nomupristeli e noku mu kwatakanifa omolwomanyonauno aye.

LEVITIKUS 5:6 ပူးပေါင်းရင်းမြစ်များ

HESEKIEL 40:39

Nomehale loposhivelo mwa li oitaafula ivali kombinga imwe noitaafula ivali kombinga ikwao, opo exwikiloyambo, netimbayambo nokuvelombediyambo i tomenwe po.

HESEKIEL 42:13

Opo nee ye okwa lombwela nge: “Omakololo lwokoumbangalanhu nomakololo lwokoumbuwanhu, aa taa taalele onhele ya tongolwa, oo omakololo mayapuki, omo ovapristeli tava ehene kOmwene, tava li eendja diyapukielela. Omo ve nokutula omayambo mayapukielela: eendjayambo, netimbayambo, okuvelombediyambo, osheshi onhele ei oyo iyapuki.

HESEKIEL 44:27

Ndele mefiku tuu olo ye ta i motembeli, moluumbo lomeni, a yakule moilonga yomotembeli, ye e nokweeta etimbayambo laye, Omwene Kalunga ta ti.

LEVITIKUS 4:20

nokuninga ngaashi hashi ningwa ongobe yepanduloyambo naai osho i na okuningwa. Osho ngaha e nokuninga nayo; nomupristeli e noku va kwatakanifa ndele omanyono tae ke va diminwa po.

LEVITIKUS 4:28

ile omanyonauno aye aa e a ninga e a dimbulukwa, opo nee ye e nokweeta oshikombo shihe noshipo nokutya, oshikadikombo etimbayambo laye omolwomanyonauno aa e a ninga;

LEVITIKUS 4:31

Nomakaadi aeshe ye e noku a kufa mo ngaashi omakaadi epanduloyambo a kufwa mo, nomupristeli e noku a xwika po koaltari edimba liwa kOmwene. Osho ngaha hano omupristeli te mu kwatakanifa, ndele omatimba aa tae ke mu diminwa po.

LEVITIKUS 4:32

“Ndelenee ye ngeenge ta eta etimbayambo laye okadjona, ye e nokweeta okakadi kehe noshipo,

LEVITIKUS 4:35

Nomakaadi aeshe ye e noku a kufa mo ngaashi omakaadi odi yepanduloyambo haa kufwa mo, nomupristeli e noku a xwika po koaltari komundiloyambo wOmwene. Osho ngaha hano omupristeli e noku mu kwatakanifa molwomanyonauno aye e a ninga, ndele omatimba aa tae ke mu diminwa po.

LEVITIKUS 6:6

Ndele ye e nokweetela Omwene odi ondume yomeedi ihe noshipo, noku i twala komupristeli, i kale evelombediyambo payeleko loye.

NUMERI 6:12

Opo nee ye e nokuliudanekela vali Omwene omafiku omounasiri waye nokweeta kOmwene odi yomudo umwe okuvelombediyambo. Nomafiku enya otete itaa valwa vali, osheshi ounasiri waye wa nyatekwa.