LEVITIKUS 5:16 - Ombibeli Iyapuki

¹⁶ Ndele ye e nokufuta eshi e shi kufa mo moinima ya yapulwa nokuwedela ko oshititano shondjele yasho ndele ne shi pe omupristeli. Omupristeli ye eshi e mu kwatakanifa ngaha mokuyamba odi yehandukulukifo, ye ote ke shi diminwa po.

LEVITIKUS 5:16 ပူးပေါင်းရင်းမြစ်များ

OMAPSALOME 69:4

Ava tava tondo nge epwanga, ovahapu, ve dule omuvalu weexwiki dange, ovatondi vange otava dulu nge eenghono, tava kondjifa nge ndihe noushima, vo tava ti, nandi fute, eshi inandi shi nyeka ko.

EXODUS 22:1

“Umwe ngeenge ta vake ongobe ile odi ndele te i dipaa po ile te i landifa po, oye na fute eengobe nhano mongobe imwe ile eedi nhee modi imwe. Oye e nokufuta ofuto ei ya wana. Ndelenee ngeenge ke na sha, na landifwe po a ninge omupika, a futile oulunga waye.

LEVITIKUS 22:14

“Ndele umwe ngeenge ta li eeshali diyapuki ndele ine shi shiiva, ye e nokuwedela po oshititano, nosho okwaalula komupristeli eshi shiyapuki,

LEVITIKUS 27:13

Ndelenee ye ngeenge a hala oku shi kulila na wede ko kondado oshititano shondado ei ya yelekwa.

LEVITIKUS 27:15

Ndelenee ou e li yapula, ngeenge a hala okukulila eumbo laye, e nokuweda ko oshititano shoimaliwa sha yelekwa. Opo nee tali ningi laye mwene.

LEVITIKUS 27:27

Ndelenee sho ngeenge oshomoinamwenyo inai yela, ye ne shi kulile payeleko loye nokuweda ko oshititano shondado, ndele sho ngeenge itashi kulilwa, shi nokulandifwa po pandado ye shi yeleka.

LEVITIKUS 27:31

Ndelenee umwe ngeenge a hala okukulila sha shomoitimulongo, ye e nokuweda ko oshititano shomusho.

LEVITIKUS 4:20

nokuninga ngaashi hashi ningwa ongobe yepanduloyambo naai osho i na okuningwa. Osho ngaha e nokuninga nayo; nomupristeli e noku va kwatakanifa ndele omanyono tae ke va diminwa po.

LEVITIKUS 4:26

Ye e nokuxwika po yo omakaadi aeshe koaltari ngaashi omakaadi epanduloyambo. Osho ngaha omupristeli e noku mu kwatakanifa omolwomanyonauno aye, ndele tae ke mu diminwa po.

LEVITIKUS 5:10

Ndelenee ikwao ye e noku i longekida ngaashi sha pangelelwa exwikiloyambo. Osho ngaha hano omupristeli e noku mu kwatakanifa omolwomanyonauno aye ye e a ninga, ndele tae ke mu diminwa po.

LEVITIKUS 5:13

Osho ngaha omupristeli e noku mu kwatakanifa omolwomanyono ye e a ninga moshinima shongadi shoinima ei, ndele sho otashi ke mu diminwa po. Oufila oo tau xupu po nau ninge eendjayambo domupristeli.

LEVITIKUS 5:6

na etele Omwene ofuto yokunyona kwaye odi yonghadi nokutya, okadjona okakadi ile oshikombo, etimbayambo. Nomupristeli e noku mu kwatakanifa omolwomanyonauno aye.

LEVITIKUS 7:2

“Monhele tuu oyo hava tomene exwikiloyambo, ve nokutomena yo okuvelombediyambo, ndele ye e nokushamina ohonde keembinga adishe doaltari.

NUMERI 5:7

Opo ye e nokuhepaulula etimba laye e li ninga. Opo nee ta alula oikolo yaye noku i wanifa nokuweda po oshititano shayo, ndele ye e noku i pa ou, ye e noikolo naye.

NUMERI 5:8

Ndelenee winya ngeenge ke nomunhu oku mu kulila, ou ta dulu okwaalula oikolo, opo oikolo nai alulilwe Omwene nokutya, omupristeli, ndee ta weda po odi yomhedi yekwatakanifo, opo winya a kwatakanifwe nayo.

LUKAS 19:8

Ndelenee Sakeus okwa fikama ndele ta ti kOmwene: “Omwene tala, emona lange ohandi li tukula pokati, ombinga imwe ndi i pe eehepele, ndele ngeenge oku na ou nde mu nyekele ohandi mu shunifile lune.”

OILONGA YOVAYAPOSTOLI 26:20

ndele tete onda udifila Ovadamaskus nOvajerusalem, nokonima onde shi ninga medu alishe laJudea nomovapaani yo, nda tya: Ovo ve nokulidilulula nokwaalukila kuKalunga, va longe oilonga ei ya wapalela elidilululo.

1 SAMUEL 6:3

Ndele tava ti: “Nye ngeenge tamu shunifa oshikefa shaKalunga kaIsrael, inamu shi tuma ko hamakasha, ndelenee mu peni ehandukulukifo la wana; opo nee tamu ka veluka ndee tamu ka shiiva kutya omolwashike eke laye itali mu efa.”