LEVITIKUS 4:4 - Ombibeli Iyapuki

⁴ ndele ye e nokweeta ongobe yomhedi koshivelo shetwali leongalo koshipala shOmwene ndele e nokutenheka eke laye komutwe wongobe yomhedi nokutoma ongobe yomhedi koshipala shOmwene.

LEVITIKUS 4:4 ပူးပေါင်းရင်းမြစ်များ

2 OMAFIMBO 29:23

Opo nee va ehenifa po oikombo yetimbayambo koshipala shohamba nomoipafi yeongalo, ndele va tenheka omake avo kuyo.

JESAJA 53:6

Fye atushe otwa pukile ngaashi eedi, twe liyukila, keshe umwe nondjila yaye mwene. Ndelenee Omwene okwa twika kombada yaye omatauluko etu atushe.

DANIEL 9:26

Ndele oivike omilongo hamano naivali ngeenge ya pita, Omuvaekwa ota dipawa, ndele hamolwaye mwene. Oshilando notembeli otai ka hanaunwa kovanhu vomupangeli te shi totele, ndele exulilo laye tali ka kala mefundja. Ndele fiyo okexulilo tapa kala omalwoodi nomahanauno, ngaashi sha tokolwa.

LEVITIKUS 16:21

ndele Aron e nokutenheka omake aye avali komutwe woshikombo shi nomwenyo nokuhepaulula opo oilonga aishe ii yovana vaIsrael nomatauluko avo aeshe, heeno, keshe tuu okunyona kwavo. Ye e noku i tula komutwe woshikombo, noku shi tuma nomulumenhu a hoololwa kofuka.

LEVITIKUS 4:15

novakulunhu veongalo ve nokutenheka omake avo komutwe wongobe yomhedi koshipala shOmwene, nongobe yomhedi i nokutomenwa koshipala shOmwene.

LEVITIKUS 4:29

ndele ye e nokutenheka eke laye komutwe wetimbayambo nokudipaela oshikombo eshi etimbayambo monhele yexwikiloyambo.

LEVITIKUS 8:14

Opo nee okwa etifa po ongobe yomhedi yetimbayambo, naAron novana vaye ovamati va tenheka omake avo komutwe wongobe yomhedi yetimbayambo.

NUMERI 8:12

NOvalevi ve nokutenheka omake avo komitwe deengobe deemhedi. Imwe u noku i yamba etimbayambo naikwao exwikiloyambo lOmwene, u kwatakanife Ovalevi.

1 PETRUS 3:18

Osheshi naKristus okwa fila yo omatimba lumwe aluke, omuyuki ponhele yovalunde, opo e tu twale kuKalunga; okwa dipawa palutu nokwa tulwa omwenyo pamhepo,