LEVITIKUS 4:34 - Ombibeli Iyapuki

³⁴ Opo nee omupristeli e nokukufa nomunwe waye ohonde yetimbayambo noku i polola keembinga doaltari yexwikiloyambo. Ndelenee ohonde aishe ya xupa po, e noku i tilashi kombinga yokoshi yoaltari.

LEVITIKUS 4:34 ပူးပေါင်းရင်းမြစ်များ

JESAJA 42:21

Omolwouyuki waye sha wapalela Omwene okuninga omhango oyo inene i noshinge!

LEVITIKUS 4:18

ndele ye e nokupolola ohonde keembinga doaltari ei i li metwali leongalo koshipala shOmwene. Opo nee ta tileshi ohonde aishe ei ya xupa kombinga yokoshi yoaltari yexwikiloyambo, i li poshivelo shetwali leongalo;

LEVITIKUS 4:25

Opo nee omupristeli e nokukufa nomunwe waye ohonde yetimbayambo noku i polola keembinga doaltari yexwikiloyambo. Ndelenee ohonde ya xupa po e noku i tilashi kombinga yokoshi yoaltari yexwikiloyambo.

LEVITIKUS 4:30

Opo nee omupristeli e nokukufa nomunwe waye ohonde yasho noku i polola keembinga doaltari yexwikiloyambo. Ndelenee ohonde aishe ya xupa po ye e noku i tilashi kombinga yokoshi yoaltari.

LEVITIKUS 4:7

Omupristeli e nokupolola yo ohonde keembinga doaltari oyo i li metwali leongalo, etwimino ledimba liwa koshipala shOmwene; ndele ohonde aishe yongobe yomhedi ei ya xupa po e noku i tila koshi yoaltari yexwikiloyambo oyo i li poshivelo shetwali leongalo;

JOHANNES 17:19

Ndele Ame ohandi liyapula molwavo, vo va yapulilwe moshili.

OVAROMA 10:4

Osheshi Kristus Oye exulilo lomhango, Oye ouyuki wakeshe tuu ou ta itavele.

OVAROMA 8:1

Hano paife kape netokolo lokukanifa ava ve li muKristus Jesus, ava itava ende pambelela, ndelenee lopaMhepo.

OVAROMA 8:3

Osheshi eshi sha nyenga omhango shaashi ya nghonopalekwa kombelela, Kalunga okwe shi longa, eshi a tuma Omona waye mwene molupe lombelela ya nyika oulunde nomolwoulunde, ndele okwa tokola oulunde mombelela,

2 OVAKORINTO 5:21

Oye ou ina shiiva nande oulunde, okwe mu ninga oulunde molwetu, opo tu ninge ouyuki waKalunga muye.

OVAHEBERI 10:29

hano otamu ti ngahelipi ehandu olo tali kala li fike peni kwaau ta lyata nomhadi Omona waKalunga nota dini ohonde yehangano, omo a yapulilwa mo ndele ta sheke Omhepo yefilonghenda?

OVAHEBERI 2:10

Osheshi sha wapalela ou, aishe i li omolwaye naaishe ya dja muye, mOmwene wexupifo lavo, e mu lenge mouyehame, a kale a wana nokutwala ovana vahapu moshinge.

1 PETRUS 2:24

Oye ou a humbata Ye mwene omatimba etu molutu laye noku a londeka komushiyakano, opo tu longe ouyuki, eshi twa fya mo moulunde; Oye ou mwa velulwa koipute yaye.

1 PETRUS 3:18

Osheshi naKristus okwa fila yo omatimba lumwe aluke, omuyuki ponhele yovalunde, opo e tu twale kuKalunga; okwa dipawa palutu nokwa tulwa omwenyo pamhepo,