LEVITIKUS 4:2 - Ombibeli Iyapuki

² “Umwe ngeenge ta nyono omolwounyengwi oshipango shimwe shomoipango yOmwene, ndele ta ningi eshi ihashi ningwa,

LEVITIKUS 4:2 ပူးပေါင်းရင်းမြစ်များ

GENESIS 20:9

Ndele Abimelek okwa ifana Abraham ndele te mu pula: “Owe tu ningila shike? Ame onda nyona shike kwoove, eshi wa etela nge, noshilongo shange etimba linene. Owa ningila nge oinima ihai ningwa.”

OMAPSALOME 19:12

Olyelye ta kala e udite omapuko? Mangulule nge mwaa inandi a shipulula.

OMAPSALOME 19:13

Osho yo omupiya woye mu amena kovashishimani, ino va efa va pangele nge. Osho ngaha handi kala ndihe noshipo nonda manguluka menyono linene.

OMUUDIFI 5:6

Ino itavela okanya koye ka pefe olutu loye ombedi ndele ino tya moipafi yomutumwa waKalunga: “Nda puka!” Omolwashike ngeno Kalunga e nokuhandukila okupopya kwoye nokuhanauna po oshilonga shomake oye.

LEVITIKUS 22:14

“Ndele umwe ngeenge ta li eeshali diyapuki ndele ine shi shiiva, ye e nokuwedela po oshititano, nosho okwaalula komupristeli eshi shiyapuki,

LEVITIKUS 4:1

Omwene okwa popya vali naMoses:

LEVITIKUS 4:13

“Eongalo alishe laIsrael ngeenge tali nyono omolwokuhashiiva ndele vo mokunyona koshipango shimwe shOmwene ova ninga eshi ihashi ningwa,

LEVITIKUS 4:22

“Omupangeli ngeenge ta nyono, ta ningi eshi Omwene Kalunga e shi shilika mokuheshii sha, ndele te limono ombedi,

LEVITIKUS 4:27

“Ndele umwe womovanhu vomoshilongo ngeenge ta nyono molwokuhashiiva, ye ta ningi eshi sha shilikwa kOmwene ndele ye ta mono ombedi yaye,

NUMERI 35:11

mu nokulihoololela oilando i li meenhele da yeleka, yo otai ningi oihondamenolando yeni, opo omudipai, ou a dipaa omunhu ohaluka, a shiive okuhondama muyo.

DEUTERONOMION 19:4

“Nonghedimhango yaau a dipaa, ndele ta dulu okuya ko onhapo, a xupife omwenyo waye, oyei: Ngeenge pe na ou a dipaa mukwao ine shi teelela, ye ine mu tonda onghela nongheleinya,

1 TIMOTEUS 1:13

ame ou nda li nale omusheki nomutaataai nomuhepeki. Ndele onda filwa onghenda, osheshi ame nde shi ningile mokuhashiiva sha nomokuhaitavela.

OVAHEBERI 5:2

Oye e shii okufyonghenda ava vehe nounongo naava va puka, osheshi naye mwene yo a nyika oungone.

OVAHEBERI 9:7

ndelenee mushinya oshitivali, omupristeli omukulunhu oye aeke ha i mo lumwe aluke omudo keshe, ita i mo ehe nohonde, te i yambele omolwaye mwene nomolwomatimba oshiwana, aa inaa ningwa owina.

JAKOB 3:10

Mokanya tuu aka kamwe otamu piti enangeko noupuna nefingo. Ovamwatate, itashi dulika shi kale ngaha.

1 SAMUEL 14:27

Ndelenee Jonatan ina uda xe eshi a anifa ovakwaita, ndele ye okwa ulika onhele yonhaili oyo ya li meke laye, ndele e i twa meshila lomaadi eenyiki, ndele a twala eke laye kokanya kaye, nomesho aye a yela.