LEVITIKUS 3:3 - Ombibeli Iyapuki

³ Opo nee ye e nokweetela Omwene omundiloyambo wepanduloyambo: omakaadi aa e li kombada yomandjadja nomakaadi aeshe aa e li momandjadja,

LEVITIKUS 3:3 ပူးပေါင်းရင်းမြစ်များ

OMAPSALOME 119:70

Omitima davo da fimha, da fa da dimwa komaadi; ndelenee ame ohandi hafele omhango yoye.

EXODUS 29:13

Ndele kufa oipuununwa yokomandjadja nokaxulixuli neefiyo noinghene yado, ndele to i lungwinifa koshiyambelo i yambelwe nge.

EXODUS 29:22

Ndele kufa omakaadi odi, nomakaadi okomushila nosho yo omakaadi e li komandjadja nokaxulixuli neefiyo mbali nomakaadi aa e li kudo noshilama shokolulyo, osheshi oyo odi yeyapulo,

OMAYELETUMBULO 23:26

Omumwange, pe nge omutima woye, omesho oye naa hokwe eendjila dange.

JESAJA 6:10

Kukutika omutima woshiwana eshi, fitika omatwi asho, twikifa omesho asho, opo shiha mone ko nomesho asho, shiha ude ko nomatwi asho, shiha koneke komutima washo, opo shihe lidilulule noshi ha velulwe.”

HESEKIEL 36:26

Ndele Ame ohandi mu pe omutima mupe, nomeni leni handi mu pe omhepo ipe. Ndele handi ka kufa mo omutima wemanya mombelela yeni nohandi mu pe omutima wonhumba.

HESEKIEL 44:15

“Ndelenee ovapristeli ovo Ovalevi, oludalo laSadok, ava va diininine oilonga yomotembeli yange mefimbo leliteeko lOvaisraeli, vo nava ehene kwaame va longele nge ndele va kale ofika koshipala shange va yambele nge omaadi nohonde, Omwene Kalunga ta ti.

LEVITIKUS 1:12

Opo nee e noku i tetaula oinhimbu, nomutwe nomakaadi, novapristeli ve noku i longela ko koikuni ya longelwa momundilo koaltari.

LEVITIKUS 1:8

Nosho yo vali ovapristeli, ovana ovamati vaAron ve nokulongela ko oinhimbu nomutwe nomakaadi koikuni ya longelwa komundilo wokoaltari.

LEVITIKUS 16:25

E nokuxwika po yo koaltari omakaadi etimbayambo.

LEVITIKUS 3:16

Nomupristeli e noku i xwikila po koaltari ngaashi eendja domundiloyambo, edimba liwa. Omakaadi aeshe oo Omwene.

LEVITIKUS 3:2

Ndele ye e nokutenheka eke laye komutwe weyambo laye noku i tomena poshivelo shetwali leongalo. Novapristeli, ovamati vaAron, ve nokutila ohonde keembinga adishe doaltari.

LEVITIKUS 3:4

neefiyo adishe mbali nomakaadi okudo needi nokapuununwa kexuli ove u noku i kufa pamwe neefiyo.

LEVITIKUS 4:10

ngaashi ya kufwa mongobe yomhedi yepanduloyambo; nomupristeli e noku i xwika po koaltari yexwikiloyambo.

LEVITIKUS 7:30

Omake aye e nokweeta omaindiloyambo Omwene. Omakaadi nombadja oyo e nokweeta. Ombadja i ninge edungadungifwayambo okudungadungifwa koshipala shOmwene;

LEVITIKUS 7:5

nomupristeli e noku i xwika po koaltari ngaashi omundiloyambo wOmwene. Olo okuvelombediyambo.

LEVITIKUS 9:10

Ndelenee omakaadi neefiyo nokaxulixuli kexuli letimbayambo okwe i xwika po koaltari, Omwene ngaashi a lombwela Moses.

MATEUS 13:16

Ndelenee omesho eni oku nelao, eshi e wete ko, nomatwi eni eshi haa udu ko.

MATEUS 15:8

‘Ovanhu ava ohava fimaneke nge nomilungu, ndele omitima davo odi li kokule naame;

OVAROMA 5:5

ndele eteelelo itali fifa ohoni, osheshi ohole yaKalunga oya tililwa momitima detu mOmhepo Iyapuki twe mu pewa.

OVAROMA 6:6

eshi tu shi shii kutya, omunhu wetu mukulu okwa valelwa pamwe naye, opo olutu loulunde li hanaunwe po, tuha longele vali oulunde;

DEUTERONOMION 30:6

NOmwene Kalunga koye ote ke ku pitifa etanda momutima woye, nomutima woludalo loye, opo u kale nokuhola Omwene Kalunga koye nomutima woye aushe nomwenyo woye aushe, opo u shiive okukala nomwenyo.

1 SAMUEL 2:15

Nokuli fimbo inava xwika po omakaadi, omupiya womupristeli e uya ndele ta lombwele omulumenhu ou ta yambe: “Yandja ombelela, i telekelwe omupristeli, osheshi ye ita tambula kwoove ombelela ya telekwa, ndelenee ombelela iishu.”