LEVITIKUS 3:2 - Ombibeli Iyapuki

² Ndele ye e nokutenheka eke laye komutwe weyambo laye noku i tomena poshivelo shetwali leongalo. Novapristeli, ovamati vaAron, ve nokutila ohonde keembinga adishe doaltari.

LEVITIKUS 3:2 ပူးပေါင်းရင်းမြစ်များ

EXODUS 29:10

“Nongobe yomhedi u noku i eta komesho yetwali leongalo. NaAron novana vaye ovamati ve nokutula omake avo komutwe wongobe yomhedi.

EXODUS 29:11

Toma ongobe yomhedi moipafi yOmwene poshivelo shetwali leongalo.

EXODUS 29:15

“Opo nee kufa odi imwe yomhedi, naAron novana vaye ovamati nava tenheke omake avo komutwe wayo,

EXODUS 29:16

Opo u nokudipaa odi yomhedi nokukufa ohonde yayo noku i tilila koaltari kombinga nombinga.

EXODUS 29:19

“Opo nee u nokukufa odi yomhedi ikwao, naAron novana vaye ovamati ve nokutenheka omake avo komutwe wayo.

JESAJA 53:6

Fye atushe otwa pukile ngaashi eedi, twe liyukila, keshe umwe nondjila yaye mwene. Ndelenee Omwene okwa twika kombada yaye omatauluko etu atushe.

LEVITIKUS 1:11

ndele ye e noku i dipaela kombinga yokoumbangalanhu woaltari koshipala shOmwene; novapristeli, ovana ovamati vaAron, ve nokutila ohonde keembinga adishe doaltari.

LEVITIKUS 17:3

“Keshe umwe womeumbo laIsrael ta tomene ongobe ile ta dipaele odi ile oshikombo monhanda ile pondje yonhanda,

LEVITIKUS 17:4

ndele ite i eta poshivelo shetwali leongalo a etele Omwene eyambo molwetwali liyapuki lOmwene, winya e netimba lohonde. Ye a tilashi ohonde, onghee ye e nokudimwa mo moshiwana shaye.

LEVITIKUS 3:3

Opo nee ye e nokweetela Omwene omundiloyambo wepanduloyambo: omakaadi aa e li kombada yomandjadja nomakaadi aeshe aa e li momandjadja,

LEVITIKUS 3:8

nokutenheka eke laye komutwe weyambo laye ndele te i dipaa komesho yetwali leongalo. Novana ovamati vaAron ve nokutila ohonde keembinga adishe doaltari.

LEVITIKUS 8:22

Opo nee ye okwa etifila odi ikwao yondume, nokutya odi yeyapulo; naAron novana ovamati vaye va tenheka omake avo komutwe wodi.

SAKARIA 12:10

Ndele ohandi ka tilila keumbo laDavid nokombada yoonakukalamo muJerusalem Omhepo yonghenda noyeilikano. Ndele otava ka tala ou a tuwa kuvo. Ndele otave ke mu lila ngaashi ewifa tali lilwa, ndele tave ke mu lilila unene, ngaashi oshiveli ta nyikilwa unene oluhodi.

NUMERI 18:17

Ndelenee ino kulilifa oiveli yongobe ile oiveli yodi ile oiveli yoshikombo. Oyo oiyapuki. Ohonde yayo u noku i tila koaltari nokuxwika po omakaadi ayo omundiloyambo wedimba liwa kOmwene.

OILONGA YOVAYAPOSTOLI 3:15

Ndele Omwene womwenyo mwe mu dipaifa, Oye ou Kalunga e mu nyumuna koufi nafye otu li eendobwedi dasho.

OILONGA YOVAYAPOSTOLI 3:26

Onye ava Kalunga e mu nyumunina tete Omona Jesus nokwe mu tuma oku mu nangeka noupuna, ngeenge mwe lidilulula keshe umwe kowii waye.”

2 OVAKORINTO 5:21

Oye ou ina shiiva nande oulunde, okwe mu ninga oulunde molwetu, opo tu ninge ouyuki waKalunga muye.