LEVITIKUS 26:6 - Ombibeli Iyapuki

⁶ Ame ohandi ka yandja yo ombili moshilongo, opo mu shiive okunangala nokutulumukwa paha kale sha tashi mu etele omahaluhalu. Naame ohandi ka taataa mo oilyani ii medu leni neongamukonda itali ka pumina mo.

LEVITIKUS 26:6 ပူးပေါင်းရင်းမြစ်များ

2 EEHAMBA 2:24

Ye eshi a punguluka nokwe va mona, te va tula omutima medina lomwene. Opo nee momufitu mwa dja oilyani omamwangha avali, ndele taa pombaula ovamati vanini omilongo nhee navavali, va fya.

1 OMAFIMBO 22:9

Tala, to ka dala omona okamati, ye ota ka ninga omulumenhu wombili, ndele Ame ohandi ke mu tulumukifa kovatondadi vaye aveshe keembinga adishe. Osheshi edina laye tali ka ninga Salomo, ndele Ame ohandi etele Israel ombili netulumuko.

2 OMAFIMBO 20:30

Opo nee oshilongo shaJosafat sha mona ombili, naKalunga kaye e mu pa etulumuko keembinga adishe.

JOB 11:19

Ove oto ka nangala pehe na ou te ku tilifa, ndele vahapu tava ka konga oukaume naave.

JOB 5:23

Shaashi ove wa ninga ehangano nomamanya omepumbu noilyani yomofuka i noukaume naave.

OMAPSALOME 144:14

Eenghutwa detu ohadi humbata; momakuma kamu na omufya, mo kamu na etembu, nomomapandavanda etu ihamu udika eenghali dasha.

OMAPSALOME 147:14

Ombili ote i yandje meengaba doye, ote ku palula noilya inyenye.

OMAPSALOME 29:11

Omwene ota ka yandja eenghono koshiwana shaye; oshiwana shaye Omwene te ke shi punika nombili.

OMAPSALOME 3:5

Onda li nda nangala, nda kofa nawa, opo nee nda penduka; osheshi Kalunga oha amene nge.

OMAPSALOME 4:8

Onda hala okunangala nombili nohandi kofa nawa, osheshi Oove, Omwene, to tula nge nawa, ndihe nombudi.

OMAPSALOME 85:8

Ame nda hala okupwilikina, Kalunga Omwene eshi ta popi. Ota unganekele oshiwana shaye novadiinini vaye ombili; vo ngeno vehe lishune vali moulai.

EXODUS 23:29

Ame itandi ke va taataa momesho oye momudo umwe, edu opo liha ninge ofuka, noilyani ihe ku hapupalele oshiponga.

OMAYELETUMBULO 3:24

Ngeenge to ka nangala, ito ka haluka, ndele ngeenge to nangala, eemhofi doye tadi ka kala ditalala.

OMAYELETUMBULO 6:22

Oyo i ku pitile komesho mokweenda kwoye, yo i ku pashukile mokunangala kwoye, nomokupenduka kwoye oyo i ku popife.

JESAJA 35:8

Ndele otapa ka kala oshitauwa shakula sha palwa, tai ka ifanwa Ondjila iyapuki; itai endwa nande kwaava va nyatekwa, ndelenee otai ka kala yaavenya. Ou ta ende mo ita puka, nomalai oovene itaa puka.

JESAJA 35:9

Itapa kala eenghoshi, noshilyani keshe itashi londo ko kuyo, nande shimwe itashi monika mo; ndelenee ovakulilwa otava ende mo.

JESAJA 45:7

ou handi ningi ouyelele, ndele handi shiti omilaulu, handi eta po elao, ndele handi shiti omupya; Ame Omwene handi longo aishe ei.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

JEREMIA 30:10

“Ndelenee oove omupiya wange Jakob, ino tila, Omwene osho ta ti, naIsrael, ino kakama, osheshi tala, Ame ohandi ke ku xupifa medu lokokule, noludalo loye omedu olo wa li wa pongela mo. Ndele Jakob ota ka aluka nokukala nombili netulumuko, ehe na ou te mu tilifa.

JEREMIA 31:26

Opo nda duduluka nonda pashuka nokukofa kwange, nde ku tala kunyenye.

HESEKIEL 14:15

“Ame ngeno ndi efe oilyani i endaende moshilongo, opo shi kale shihe noludalo vali noshi ninge ofuka, paha kale nande umwe ta dulu okweenda mo vali molwoilyani,

HESEKIEL 14:17

Ile Ame ngeenge handi eta eongamukonda kombada yoshilongo ndele handi ti: Eongamukonda nali ye nokutauluka oshilongo, ndele Ame ohandi mane mo ovanhu noimuna,

HESEKIEL 14:21

Osheshi Omwene Kalunga ta ti ngaha: “Ongahelipi hano, Ame ngeenge handi tumine Jerusalem omatokolo ange ane, nokutya: Eongamukonda nondjala noilyani noudu u nolutapo, ndi mane mo musho ovanhu noimuna!

HESEKIEL 34:25

Ndele Ame ohandi ka ninga ehangano lombili navo, noilyani ohandi ke i taataa mo moshilongo, ndele vo otava ka kala mofuka vehe na mbudi nokunangala momufitu.

HESEKIEL 34:27

Nomiti domofuka otadi ka ima oiimati, nedu tali ka eta eendja dalo, naavo otava ka kala vehe na mbudi medu lavo. Ndele vo otava ka shiiva nokutya, Aame Omwene, ngeenge handi teyaula po eendjoko deni ndele handi mu xupifa momake aava ve mu pika.

HESEKIEL 5:17

Heeno, Ame ohandi ke mu tumina ondjala noifitukuti, ei tai ke ku nyeka ovamwoye. Oudu u nolutapo nokutilashi ohonde taku uya kombada yoye, ndele handi eta eongamukonda kombada yoye. Ame, Omwene, onde shi tya.”

HOSEA 2:18

Ndele mefiku olo ohandi ningi ehangano omolwavo noifitukuti yomofuka needila dokeulu noinamwenyo yopedu ei tai alangata; heeno, outa neongamukonda noita ohandi i kukifa moshilongo, ndele Ame handi va tulumukifa va kale nombili.

HOSEA 2:20

Ndele Ame ohandi ke ku valeka noudiinini, ndele ove oto ka shiiva Omwene.

LEVITIKUS 25:18

Ndele wanifeni eenghedimhango dange, diinineni omalombwelo ange, opo mu shiive okukala moshilongo mu nombili.

LEVITIKUS 25:19

Nedu tali mu pe oiimati yalo, ndele nye otamu ka kuta nokukala nombili mulo.

LEVITIKUS 26:22

Noilyani yomoixwa Ame ohandi ke mu tumina, ndele yo tai mu nyeka ovana veni nokumana po oimuna yeni, ndele handi xupipike omuvalu weni, opo eendjila itadi endwa vali.

LEVITIKUS 26:25

Ndele Ame ohandi mu tumine eongamukonda. Lo otali ka wanifa ehandu lange molweteyo lehangano, ndele nye ngeenge tamu shuna moilando yeni, Ame ohandi ka tuma oudu wolutapo mokati keni, ndele nye tamu ka yandjwa momake ovatondadi veni.

LEVITIKUS 26:7

Ndele nye otamu ka taataa ovatondadi veni, ndele vo otava ka wila po keongamukonda komesho yeni.

MIKA 4:4

Ndelenee otava ka kala omutumba, keshe umwe, momudile womuviinyu waye nowomukwiyu waye, ndele kape na ou te va tilifa. Osheshi okanya kOmwene womatanga ovakwaita ke shi tya.

SEFANIA 3:13

Oixupe yaIsrael itai nyono vali, ndele itai popi vali oipupulu nomomakanya avo itamu kala elaka lokukengelelafana. Ndelenee vo otava ka kala nokulifa oimuna nokunangala ndele itava halukifwa nande kulyelye.

HAGGAI 2:9

Ewapalo lotembeli ei tali ka ninga linene li dule lonale, Omwene womatanga ovakwaita ota ti. Ndele monhele ei ohandi ka yandja mo ombili tai kala mo,” Omwene womatanga ovakwaita ota ti.

SAKARIA 9:10

Ndele ota ka hanauna po omatemba oita omuEfraim neenghambe domuJerusalem, nouta woita tau ka teywa po; ndele ta udifile oiwana ombili. Nepangelo laye tali tu kefuta limwe fiyo okefuta likwao nomulonga waEufrat fiyo okominghulo dedu.

JOHANNES 14:27

“Ombili ohandi i mu fiile, ombili yange ohandi i mu pe. Itandi mu pe ngaashi ounyuni tau yandje. Omitima deni inadi nyika oluhodi, nye inamu tila.

OILONGA YOVAYAPOSTOLI 12:6

Ndele moufiku winya, wa tetekela efiku olo Herodes a hala oku mu eta moipafi, Petrus okwa li a kofa pokati kovakwaita vavali, a mangwa nomalyenge avali, novakeleli va li va kelela poshivelo shodolongo.

OVAROMA 5:1

Hano eshi twa yukipalifwa keitavelo, otu nombili naKalunga molwOmwene wetu Jesus Kristus,