LEVITIKUS 26:5 - Ombibeli Iyapuki

⁵ Nefimbo lokuxwa tali xulile pekolo leeviinyu, nekolo leeviinyu tali fiki fiyo okefimbo lokukuna, ndele tamu ka lya omungome weni wa wana, ndele tamu ka kala nawa muhe nombudi medu leni.

LEVITIKUS 26:5 ပူးပေါင်းရင်းမြစ်များ

OMAPSALOME 144:13

Omaanda etu oku yadi ndoo, tae tu pe oitulwamo i lili noi lili; eedi detu otadi dalafana lwomayovi, lwomayovi omulongo keehambo detu.

OMAPSALOME 90:1

Omwene, Oove u li po ehondameno letu okudja koludalo noludalo.

EXODUS 16:8

Opo nee Moses okwa tya: “Hano opo tuu opo Omwene ngeenge te mu pe onguloshi ombelela yokulya nongula omingome da wana, osheshi Omwene a uda ko eenhangu deni, mwe mu tangunina. Osheshi fye ovashike mbela? Hafye mwa tangunina, ndelenee mwa tangunina Omwene.”

OMAYELETUMBULO 1:33

Ndelenee ovo hava pwilikine nge tava ka kala nombili netulumuko, itava tilifwa komupya.”

OMAYELETUMBULO 18:10

Edina lOmwene olo oshungongulu ya pama. Omuyuki ta hondama mo ndele ta amenwa.

JESAJA 1:19

Ngeenge tamu dulika ndele tamu udu ko, otamu kala mo ndele tamu ka lya ouwa wedu.

JESAJA 30:23

Opo nee eembuto doye we di kuna mepya loye ote ke di lokifila odula, ndele edu tali ku menifile oilya yomungome munyenye tau kutifa. Mefiku tuu olo oimuna yoye otai ka wandjela moulifilo wa mbwalangadja,

JEREMIA 23:6

Momafiku aye Juda ota ka xupifwa naIsrael ota ka kala ehe nombudi, nedina laye tali ifanwa, olo eli: ‘Omwene ouyuki wetu.’

HOSEA 2:18

Ndele mefiku olo ohandi ningi ehangano omolwavo noifitukuti yomofuka needila dokeulu noinamwenyo yopedu ei tai alangata; heeno, outa neongamukonda noita ohandi i kukifa moshilongo, ndele Ame handi va tulumukifa va kale nombili.

HOSEA 2:20

Ndele Ame ohandi ke ku valeka noudiinini, ndele ove oto ka shiiva Omwene.

JOEL 2:19

Ndele Omwene okwa nyamukula ndele ta lombwele oshiwana shaye: “Tala, Ame handi mu tumine oilya, omaviinyu nomaadi, mu kute. Ndele itandi mu efa vali mu shekelwe mokati koiwana.

JOEL 2:22

Oifitukuti yomoixwa, inamu kala mwa tila! Omaulifilo omofuka otaa shipukwa nomuti otau ima. Nomukwiyu nomuviinyu otadi yandje oiimati yado.

JOEL 2:26

Opo nye tamu ka lya nawa, ndele tamu kuta nokuhambelela edina lOmwene Kalunga keni, Oye ou, e mu longela oikumwifa. Noshiwana shange itashi ka fifwa vali ohoni fiyo alushe.

AMOS 9:13

Taleni, omafiku tae uya, Omwene ta ti, omutei ta shikula omupululi nomulyati woshikolelo ta shikula omukuni wombuto. Ndele eemhunda tadi ka xungauka omaviinyu noikulundudu aishe otai ka eta oiimati.

MATEUS 23:37

“Jerusalem, Jerusalem, ove ho dipaa ovaxunganeki ndele ho dipaa nomamanya ava ve ku tuminwa, olungapi nda hala okwoongela ovamwoye, ngaashi oxuxwa hai ongele ouxuxwena vayo koshi yomavava ayo! Ndele nye inamu hala.

OILONGA YOVAYAPOSTOLI 14:17

Nande Ye ina kala nande ine liholola, osheshi okwe mu monifila ouwa, eshi e mu lokifila odula meulu nokwe mu pa omafimbo oshishipo nokwa yadifa omitima deni oipalwifa nehafo.”

DEUTERONOMION 11:15

Ndele Ame ohandi ka yandja koimuna yeni omwiidi womoixwa, ndele tamu ka lya nokukuta.

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,

1 PETRUS 1:5

ofye ava hatu amenwa keenghono daKalunga molweitavelo, tu mone exupifo eli la longekidwa li hololwe mefimbo laxuuninwa.