LEVITIKUS 26:41 - Ombibeli Iyapuki

⁴¹ Opo naame yo nda li ndi noku va anya noku va twala medu lovatondadi vavo. Opo omitima davo inadi pita etanda ngeenge tadi lininipike, va mone ekwatakanifo lomatimba avo.

LEVITIKUS 26:41 ပူးပေါင်းရင်းမြစ်များ

1 EEHAMBA 21:29

“Ove wa mona tuu nhumbi Ahab e lininipika koshipala shange? Ye eshi e lininipika koshipala shange, itandi tumu omupya pomafiku aye. Pomafiku omona waye Ame ohandi ka etela eumbo laye omupya.”

2 OMAFIMBO 12:12

Ndelenee omolwelininipiko layo, ehandu lOmwene la kanduka po puyo, onghee hano ine i komba po sheke. Ndele muJuda omwa li yo natango oinima iwa.

2 OMAFIMBO 32:26

Ndelenee melinenepeko laye Hiskia okwe lininipika nomutima aushe, ye mwene noonakukala muJerusalem, onghee hano ehandu lOmwene inali uya kombada yavo pomafiku aa aHiskia.

2 OMAFIMBO 33:19

Neindilo laye nanhumbi la udika, nomatimba aye aeshe neliteeko laye neenhele oko a tunga oikulundu yokuyambela nokwa dikila omiti omalupwelele aAsera noihongwafano, fimbo ine lininipika, tala, oyo oya shangwa mehepaululo laHosea.

2 OMAFIMBO 33:23

Ndelenee ye ine lininipika koshipala shOmwene ngaashi xe Manasse e lininipika. Ndelenee Amon okwa hapupalifa oulunde waye.

ESRA 9:13

Ndele konima yoinima aishe oyo ye uya kombada yetu molwoilonga yetu ii nomolwombedi yetu inene, osheshi Ove Kalunga ketu ino tu valela pawii wetu twe u lilongela, ndele we tu pa natango ovamangululwa vahapu ve fike opo.

ESRA 9:15

Omwene Kalunga kaIsrael, Oove omuyapuki. Osheshi ofye atuke tu li efiku lonena ovamangululwa, twa xupa. Fye otu li po apa tu nombedi koshipala shoye, ndelenee omolwoinima ya tya ngaha kape na ou ta dulu okukala po koshipala shoye.”

NEHEMIA 9:33

Ndelenee Ove omuyuki mwaashishe she tu hanga, osheshi Ove wa li omudiininini moilonga yoye, ndelenee fye twa li ovahenakalunga.

OMAPSALOME 39:9

Onda ponga, itandi makula okanya kange, osheshi Oove ou, we shi ninga.

EXODUS 10:3

Opo nee Moses naAron ova ya kuFarao ndele tave mu lombwele: “Omwene Kalunga kOvaheberi osho ta ti: ‘Fiyo onaini ove to anye okulininipika koshipala shange? Lekela ovanhu vange, va shiive okulongela nge.

JEREMIA 4:4

Lipitifileni Omwene etanda nye mu ekeleshi onyata yokomutima, onye ovalumenhu Ovajuda nOvajerusalem, oupyuhandu wange opo uha xwame ngaashi omundilo wa xwama, uhe shi kudimwa, omolwowii woilonga yeni.

JEREMIA 6:10

Olyelye ngeno ndi tonge sha kuye noolyelye ava ndi va londwele ngeno va ude ko? Tala, omatwi avo inaa pitifwa etanda, vo ihava dulu okuuda. Tala, ondjovo yOmwene oya ninga oiyolifa yavo inave i hala.

HESEKIEL 14:23

Heeno, vo otave ke mu hekeleka, nye eshi tamu mono eendjila davo noilonga yavo; ndele nye otamu ka shiiva nokutya, hapwanga nda ningile aishe ei nde i ningila musho, Omwene Kalunga ta ti.”

HESEKIEL 20:43

Oko nye otamu ka dimbulukwa eendjila deni noilonga yeni aishe nayo mwe linyateka, ndele nye otamu ke linyonyodola nye vene molwoinima aishe ii mwe i longa.

HESEKIEL 44:7

Nye eshi mwa eta mo ovanailongo inava pita etanda momitima davo noinava pita etanda mombelela, va kale motembeli yange, vo va shekife otembeli yange. Nosho yo mwa yamba omungome wange nomaadi nohonde, ndele vo va teya po ehangano lange noififahoni yeni aishe.

HESEKIEL 44:9

Omwene Kalunga ota ti ngaha: “Hamunailongo, nande umwe, ina pita etanda momutima, noina pita etanda mombelela e nokuuya motembeli yange, omunailongo keshe, ha kala muIsrael, nandenande.

HESEKIEL 6:9

Opo ava vomuvo tava xupu po, otava dimbulukwa nge moiwana omo va twalwa eenghwate, shaashi handi tatula omitima davo dokahalu, edi de liteeka nge, nomesho avo a shikula oikalunga yavo mokuhola oluhaelo. Ndele vo tave ke linyonyodola voovene molwoilonga ii ve i ninga omolwoixuna yavo aishe.

LEVITIKUS 26:24

naame yo ohandi ke mu anya yo noku mu denga luheyali omolwomatimba eni.

LEVITIKUS 26:28

Ame ohandi ke mu anya moupyuhandu ndele Ame ohandi ke mu handukila luheyali omolwomatimba eni.

NUMERI 5:7

Opo ye e nokuhepaulula etimba laye e li ninga. Opo nee ta alula oikolo yaye noku i wanifa nokuweda po oshititano shayo, ndele ye e noku i pa ou, ye e noikolo naye.

MATEUS 23:12

Ndele ou te linenepeke, oye ta ninipikwa, naau te lininipike, ye ota nenepekwa.”

LUKAS 14:11

Osheshi keshe ou te linenepeke ota ninipikwa, naau te lininipike ota ka nenepekwa.”

LUKAS 18:14

Ohandi mu lombwele: ou a shuna keumbo omuyuki, e dule winya, osheshi ou te linenepeke ota ninipikwa, ndele ou te lininipike ota nenepekwa.”

OILONGA YOVAYAPOSTOLI 7:51

“Ovakwandudi nye, ava mokupitetanda inamu li pita komitima nokomatwi, alushe nye mwa twa ondubo nOmhepo Iyapuki, ngaashi ooxo, osho nanye yo.

OVAGALATI 5:6

Osheshi muKristus Jesus nande epitotanda ile okuhapita etanda kaku nekwafo, ndelenee eitavelo hali longo mohole.

DEUTERONOMION 10:16

“Onghee hano teta oxulo yoshipa shomitima deni ndele inamu likukutika vali.

DEUTERONOMION 30:6

NOmwene Kalunga koye ote ke ku pitifa etanda momutima woye, nomutima woludalo loye, opo u kale nokuhola Omwene Kalunga koye nomutima woye aushe nomwenyo woye aushe, opo u shiive okukala nomwenyo.

DEUTERONOMION 31:21

Ndele oiponga ihapu noluhepo, eshi tali uya kombada yavo, eimbilo eli tali ka ninga ondobwedi moipafi yavo oku va pa oushima, osheshi itali ka dimbuwa mo momakanya oludalo lavo, osheshi omadiladilo avo Ame ondi a shii, aa tave a diladila nonena eli nokuli, fimbo inandi va twala moshilongo nde shi va udanekela nokwaana.”

OVAFILIPPI 3:3

Osheshi ovapiti vetanda vashili ofye ava hatu longele Kalunga mOmhepo yaKalunga nohatu litangele Kristus Jesus, fye itatu lineekele ombelela,

OVAKOLOSSI 2:11

Muye mwa pitifwa etanda, hapitotanda eli hali ningwa nomake, ndelenee oleli lokulidula olutu lombelela, olo epitotanda laKristus,