LEVITIKUS 26:16 - Ombibeli Iyapuki

¹⁶ opo nee naame yo handi mu ningile eshi, nokutya: Ame ohandi ke mu tumina omahaluhalu, oidinda nolwiidi nomesho taa ka twikifwa nomwenyo tau liekelele. Nye otamu ka kuna yo oshimha ombuto yeni, osheshi ovatondadi veni tave ke i lya po.

LEVITIKUS 26:16 ပူးပေါင်းရင်းမြစ်များ

1 EEHAMBA 8:37

“Oshilongo ngeenge tashi hangika kondjala, koudu wolutapo, koshikukuta ile onhimba ile okahaudjololo ile oshipaxu, ile ngeenge ovanhu va ponokelwa kovatondadi, ile ngeenge ope na oudu ile omukifi mokati kavo,

JOB 18:11

Keembinga adishe ye ota tilifwa komahalukifo, ndele tave mu taataa fiyofiyo.

JOB 20:25

Ye ngeenge ta shili mo oshikuti mombuda yaye, eongamukonda tali taima tali tyuuka monyango yaye. Omahalwifo tae mu pangele.

JOB 31:8

umwe na lye osho nde shi kuna, noitutumine yange nai dudwe pamwe nomidi dayo.

OMAPSALOME 109:6

Mu fikamifila yo omukolokoshi, e mu tokole, nomwaambi waye ne mu ame kolulyo;

OMAPSALOME 73:19

Ohava hanauka mehangelelo li fike peni, ohava vakulwa po ndele tava mono exulilo lehalukifo.

OMAPSALOME 78:33

Onghee hano Ye okwa xulifa po omafiku avo ngaashi okaulapepo, nomido davo omeulumo letilifo.

EXODUS 15:26

ndele ta ti: “Ove ngeenge to pwilikine nokudiinina ondaka yOmwene Kalunga koye ndele to longo eshi sha yuka momesho aye, ndele to dulika koipango yaye nokeenghedimhango daye, opo nee itandi ku undulile oshiponga nande shimwe sha fa oyo Ame nda undwila kombada yoshilongo shOvaegipiti. Osheshi Aame Omwene ou te ku velula.”

OMAYELETUMBULO 3:33

Etulomutima lOmwene li li meumbo lomuhenakalunga, ndelenee eumbo lovayuki tali nangekwa noupuna kuye.

JESAJA 10:4

Kape nomhito imwe, okuningina mo mokati keenghwate ile okuwila mokati koonakudipawa. Ndele mwaaishe ei ehandu laye inali kandulwa po, ndelenee natango tuu eke laye ola yeluka.

JESAJA 62:8

Omwene okwa ana eano lolulyo laye nolokwooko kwaye kweenghono daye: Oshili oilya yoye itandi i yandje vali kovatondadi voye, ve i lye po, novanailongo itava nu vali omaviinyu oye we a longela.

JESAJA 7:2

Eshi va tuma elaka keumbo laDavid, ndele tava ti: Aram osha onga eenhanda kuEfraim, omutima wohamba nomitima dovanhu vaye oda kakama ngaashi omiti domomufitu tadi kakama komhepo.

JEREMIA 12:13

Ova kuna oilya, ndele va teya eeshosholo. Vo ove lihepeka fiyo okeloloko, ndelenee inava mona sha. Kaleni mwa fifwa ohoni keteyo leni omolwoupyuhandu wOmwene.

JEREMIA 15:3

Ndele Ame ohandi va undulile oiponga yopane, Omwene osho ta ti: eongamukonda lokudipaa po, eembwa dokukokolola po needila dokeulu noifitukuti yokombada yedu yokulyana nokuhanauna po.

JEREMIA 15:8

Ovafiyekadi vavo tava ka hapupalela nge vahapuhapu ve dule eheke lopefuta. Ooina yovanyasha ohandi ke va undulila omuhanauni pokati komutenya. Ohaluka, Ame ohandi ke va tilila oumbada netilifo.

JEREMIA 20:4

Osheshi Omwene osho ta ti: Tala, ohandi ku ningi oshihalukifo kwoove mwene nokookaume koye aveshe. Ndele otava ka fya moipafi yoye keongamukonda lovatondadi vavo, ndele Juda alishe ohandi li yandje meke lohamba yaBabilon ndele te va twala kuBabilon, ndele te va dipaa neongamukonda.

JEREMIA 5:17

Ndele otava ka lya po eteyo loye nomungome woye, tava ka lya po ovamwoye ovamati noukadona, tava ka lya po oikombo yoye neengobe doye, tava ka lya po omuviinyu woye nomukwiyu woye, tava ka teya po oilandohote yoye ya pama we i lineekela, tai hanaunwa po keongamukonda.

HESEKIEL 24:23

Ndele embale leni tali ka kala komitwe deni neenghaku deni okeemhadi deni. Nye itamu ka kema ile mu lile, ndelenee nye tamu ka ngonopala molwoulunde weni nokutula oshenyo poshi omunhu nomunhu.

HESEKIEL 33:10

Ndele oove, kaana komunhu, lombwela eumbo laIsrael u tye: “Nye omwa tile ngaha: ‘Oshili, omatauluko etu nomatimba etu oku li kombada yetu, onghee hano hatu loloka mondjila yetu. Ohatu dulu ngahelipi okukala tu nomwenyo?’

AMOS 5:11

Onghee hano eshi tamu lyataula omukwanaluhepo ndele tamu kufa kuye oilya yefendelo, nye ava hava tungu eengulu nomamanya a hongwa, ndelenee nye itamu ka kala mudo. Nye omwa twika oikokola iwa yomiviinyu, ndelenee itamu ka nwa omaviinyu ayo.

MIKA 6:15

Ove oto ka kuna, ndelenee ito teya. Ove to yenge eemono; ndele ito vava omaadi ado; ndele to kolo eeviinyu, ndele ito a nu.

HAGGAI 1:6

Nye omwa kuna mo shihapu, ndelenee mwa teya shinini. Nye mwa lya, ndelenee inamu kuta. Mwa nwa, ndelenee inamu kumwa. Nye mwa djala, ndelenee inamu dja outalala. Naau ta longele ondjabi te i tula mokandjato ka pombauka.

SAKARIA 14:12

Ndele ehandukilo oleli Omwene ta ka handukila nalo oiwana aishe ei tai ka homona okulwifa Jerusalem, nokutya: ombelela yavo tai ka ola ofimbo vo ve li ofika neemhadi davo, nomesho avo taa ka olela momakololo ao, nomalaka avo taa ka olela momakanya avo.

MALAKIA 2:3

Taleni, Ame ohandi ka handukila omaludalo eni, ndele handi ka ekela oshandja koipala yeni, heeno, oshandja shoivilo yeni. Ndele onye vene yo tamu ka ekelwa konduba yoshandja.

DEUTERONOMION 28:51

ndele vo otava ka lya oludalo loimuna yoye noiimati yomepya loye fiyo ove wa xula po. Vo itave ku fiile nande oilya, omaviinyu ile omaadi, eenhana deengobe doye ile oudjona veedi doye, fiyo vo ve ku mana po.

DEUTERONOMION 32:25

Eongamukonda tali dipaa pondje nomeendjuwo domeni omahaluhalu, ovamati ovanyasha noukadona, okahanana kokomavele pamwe neenghwakutoka.

OVAHEBERI 10:31

Oixuna yongaho okuwila momake aKalunga omunamwenyo.

OVATOKOLIPANGELI 6:11

Opo nee omweengeli wOmwene okwe uya nokwa kala omutumba momwandi u li muOfra, ou wa li waJoas, Omuabieser, fimbo omona waye omumati, Gideon, ta xu oilya moshikolelo sheeviinyu, opo ye e i holeke Ovamidian.

1 SAMUEL 2:33

Ndelenee umwe aeke womovakweni, itandi mu kandula po moaltari yange, omesho oye opo aha loloke nomwenyo woye uha nyike oufiye. Ndele aveshe vomoludalo loye otava ka fya mounyasha wavo.