LEVITIKUS 26:11 - Ombibeli Iyapuki

¹¹ Ndele Ame ohandi ka dika etwali lange liyapuki mokati keni, ndele itandi ke mu nyonyodola nande.

LEVITIKUS 26:11 ပူးပေါင်းရင်းမြစ်များ

2 SAMUEL 7:7

Keshe apa nda endaenda mokati kovana vaIsrael, inandi lombwela tuu nande epata limwe lomomapata ovana vaIsrael, olo nde li pa okulifa oshiwana shange Israel ndi tye: Omolwashike nye inamu tungila nge ongulu yomiti domisederi?’

1 EEHAMBA 6:13

naame ohandi ka kala mokati kovana vaIsrael ndele itandi ka efa ovanhu vange Ovaisraeli.”

1 EEHAMBA 8:13

Ame nde ku tungila ongulu okukala mo, onhele u kale mo omutumba fiyo alushe.”

1 EEHAMBA 8:27

Ndelenee Kalunga, oto dulu ngaho shili okukala kedu? Eshi neulu loovene itali ku wanene okukala mo, hano oto wana ngahelipi motembeli ei nda tunga?

OMAPSALOME 106:40

Opo ehandu laKalunga ola xwama kombada yoshiwana shaye, nokwa nyonyodola ovafyuululifwa vaye.

OMAPSALOME 76:2

Osheshi ondjuwo yaye oya tungwa muSalem, ongulu yaye okukala mo komhunda yaSion.

OMAPSALOME 78:59

Kalunga eshi e shi udite, okwa keshuka, ndele ta ekeleshi shili Ovaisraeli.

EXODUS 25:8

Vo nava dikile nge etwali liyapuki, Ame ndi kale mokati kavo.

EXODUS 29:45

Ndele Ame ohandi ka kala mokati kOvaisraeli; nokukala Kalunga kavo,

EXODUS 29:46

ndele vo otava ka shiiva nokutya, Aame Omwene Kalunga kavo, ou nde va pitifa mo medu laEgipiti, opo ndi kale mokati kavo, Aame Omwene Kalunga kavo.

JEREMIA 14:21

Ino tu ekelashi omolwedina loye! Ino fifa olukalwapangelo loshinge shoye ohoni. Dimbulukwa, ino teya ehangano loye nafye.

OMAIMBILOKEMO 2:7

Omwene okwa ekelashi oaltari yaye notembeli yaye e i dinifa. Ye okwa yandja momake ovatondadi omakuma eengulu doupuna. Ovo va kalukila pombada motembeli yOmwene nokukuwilila ngaashi mefiku loshivilo.

JOEL 2:27

Ndele onye tamu ka shiiva, nokutya Ame ndi li mokati kaIsrael. Ndele Aame Omwene Kalunga keni nokape na umwe. Noshiwana shange itashi ka fifwa vali ohoni fiyo alushe.

LEVITIKUS 20:23

Ndele inamu enda paenghedi doshiwana eshi Ame handi ke shi taataa mo; osheshi oinima aishe ei vo ve i ninga. Ame ohandi inyonyodola.

LEVITIKUS 26:15

nongeenge tamu ekeleshi eenghedimhango dange nongeenge eemwenyo deni tadi nyonyodola omalombwelo ange, opo muha wanife oipango yange aishe, ndele tamu teya po ehangano letu nanye,

LEVITIKUS 26:43

Ndelenee tete oshilongo shi nokweefwa kuvo ndele shi nokutulumukifwa molwomashabata asho fimbo vehe mo tashi kala sha tokekwa, ndele vo nava kwatakanife omatimba avo eshi va ekelashi, heeno, eshi va ekelashi omalombwelo ange neemwenyo davo, da nyonyodola eenghedimhango dange.

LEVITIKUS 26:44

Ndelenee fimbo vo ve li yo medu lovatondadi vavo Ame itandi va ekeleshi, ndele itandi va nyonyodola, ndi va mane po ngeno ile ndi teye po ehangano letu navo, osheshi Aame Omwene Kalunga kavo.

SAKARIA 11:8

Nomohani imwe ame nda taataa ovafita vatatu; opo nee omwenyo wange wa loloka okutala eedi onheni, ndele eemwenyo dado yo de liteeka nge.

OVAEFESO 2:22

ndele muye nanye yo otamu tungwa, mu ninge eumbo laKalunga omOmhepo.

DEUTERONOMION 32:19

“Opo nee Omwene, eshi e shi mona, Ye okwe va ekelashi, osheshi Ye a handukila ovana vaye ovamati noukadona.

JOSUA 22:19

Ndelenee oshitukulwalongo ngeenge inashi yela, ileni moshilongo shoovene shOmwene, omo mu na etwali liyapuki lOmwene, mu tule mokati ketu. Ndelenee inamu twa ondubo nOmwene ndele inamu twa ondubo nafye mokulitungila oaltari ponho yoaltari yOmwene Kalunga ketu.

JOSUA 22:31

Opo nee omupristeli Pinehas yaEliaser ta lombwele ovana vaRuben novana vaGad novana vaManasse ta ti: “Paife eshi tu shi shii nokutya, Omwene oku li mokati ketu, nye eshi inamu liteeka Omwene. Osho ngaha hano mwa xupifa ovana vaIsrael vaha hangike keke lOmwene.”

EHOLOLO 21:3

Ndele nda uda ondaka inene ya dja meulu, tai ti: “Tala, etwali laKalunga oli li povanhu, Oye ta tula puvo, vo otava ningi ovanhu vaye, Kalunga mwene ota kala pamwe navo, Kalunga kavo;

EHOLOLO 7:15

Onghee vo ove li komesho yolukalwapangelo laKalunga, tave mu yakula omutenya noufiku motembeli yaye, naau e li omutumba kolukalwapangelo ota diki etwali laye kombada yavo.